پردھان منتری اسٹریٹ وینڈر آتم نربھر ندھی (پی ایم سواندھی) اسکیم 1 جون 2020 کو شروع کی گئی تھی، جس کا مقصد شہری اسٹریٹ وینڈرز کو بغیر ضمانت کے ورکنگ کیپیٹل لون فراہم کرنا تھا۔ اس اسکیم کے آغاز سے لے کر 12 جولائی 2026 تک، 76.95 لاکھ اسٹریٹ وینڈرز نے 18,475 کروڑ روپے سے زیادہ کے 1.15 کروڑ سے زیادہ بغیر ضمانت کے قرض حاصل کیے ہیں۔

اس اسکیم نے شہری اسٹریٹ وینڈرز کو ادارہ جاتی قرض فراہم کرنے اور ان کی مالی شمولیت کو فروغ دینے میں اہم پیش رفت کی ہے۔ اس اسکیم کے اثرات کا اندازہ حیدرآباد میں واقع انڈین اسکول آف بزنس (آئی ایس بی) کے ذریعے 2023 اور 2025 میں کیے گئے مطالعات کے ذریعے کیا گیا ہے۔

2023 کا مطالعہ، جو ملک بھر میں 100 اربن لوکل باڈیز (یو ایل بی ز) میں کیا گیا، جس میں 5,000 سے زیادہ مستفیدین کا احاطہ کیا گیا، سے پتہ چلا کہ 95 فیصد مستفیدین کے لیے پی ایم سواندھی ان کا پہلا بینک قرض تھا اور انہوں نے اس قرض کو اپنے کاروبار کو بڑھانے کے لیے استعمال کیا۔ 2025 کا مطالعہ، ملک بھر میں 99 شہری مقامی اداروں (یو ایل بی ز) میں کیا گیا، جس میں 5,000 سے زیادہ فائدہ اٹھانے والوں کا احاطہ کیا گیا (جن میں سے تقریباً 60 فیصد جواب دہندگان 2023 کے مطالعے کے نمونے کا حصہ تھے) اور اس سے پتہ چلا کہ پی ایم سواندھی کے قرض لینے والوں کی اوسط سالانہ کاروباری آمدنی میں تقریباً 20 فیصد اضافہ ہوا۔

تمام مراحل میں تقریباً 30 فیصد قرض دہندگان نے پی ایم سواندھی قرضوں کے علاوہ دیگر قرضوں کی اطلاع دی، جس سے ان دکانداروں کے لیے کریڈٹ ہسٹری بنانے میں اسکیم کے کردار کی نشاندہی ہوتی ہے جن کی پہلے رسمی قرض تک بہت کم یا کوئی رسائی نہیں تھی۔ مزید برآں، تحقیق سے پتہ چلا ہے کہ 2023 اور 2025 کے درمیان اسٹریٹ وینڈرز میں ڈیجیٹل ادائیگی کو اپنانے میں نمایاں اضافہ ہوا ہے۔

تحقیق میں یہ بھی معلوم ہوا کہ اسکیم کا اثر صرف کاروبار کی بہتری تک محدود نہیں ہے۔ قرض کی رکاوٹوں کو دور کرکے اور خاندانوں کے نقد بہاؤ کو مستحکم کرکے، اسکیم نے وینڈر خاندانوں کو اپنے معیار زندگی کو بہتر بنانے، غذائی تحفظ کو مضبوط بنانے، صحت کی دیکھ بھال تک رسائی بڑھانے اور بچوں کی تعلیم میں مدد کرنے کے قابل بنایا ہے۔

پی ایم سواندھی اسکیم کے تحت، قرض کی واپسی اسٹریٹ وینڈرز کو زیادہ قرض کی قسطیں حاصل کرنے کا موقع فراہم کرتی ہے ، جو ان کی بہتر مالی ترقی کی عکاسی کرتی ہے۔ 12 جولائی 2026 تک، 29.71 لاکھ دکانداروں نے قرض کی دوسری قسط حاصل کی ہے اور 8.49 لاکھ دکانداروں نے تیسری قسط کا فائدہ اٹھایا ہے۔

پی ایم سواندھی اسکیم کے تحت، ڈیجیٹل ٹیکنالوجی کو فروغ دینے کے لیے، اسٹریٹ وینڈر مستفیدین کو 12 ماہ کی مدت کے لیے ہر ماہ 100 روپے ترکا کیش بیک دیا جاتا ہے (زیادہ سے زیادہ ڈیجیٹل ترغیب 1,200 روپے فی  سال)۔ مزید برآں، نظرثانی شدہ اسکیم کے تحت، اسٹریٹ وینڈر مستفیدین کو کم از کم 2,000 روپے کی بلک خریداریوں پر ڈیجیٹل لین دین کرنے پر چار سہ ماہی تک 100 روپے فی  سہ ماہی تک کا کیش بیک فراہم کیا جاتا ہے۔

اسکیم کے آغاز سے مئی 2026 تک، 875 کروڑ سے زیادہ ڈیجیٹل لین دین مکمل ہو چکے ہیں، اور اسکیم کے تحت اسٹریٹ وینڈر مستفیدین کو کیش بیک مراعات کے طور پر 412 روپے کروڑ کی رقم جاری کی گئی ہے۔

پی ایم سواندھی اسکیم کے تحت ’سواندھی سے سمردھی‘ جزو 4 جنوری 2021 کو شروع کیا گیا تھا، تاکہ فائدہ اٹھانے والوں اور ان کے خاندان کے افراد کے لیے سماجی تحفظ کا جال بنایا جا سکے۔ یہ مرکزی حکومت کی آٹھ منتخب فلاحی اسکیموں سے ربط کی سہولت فراہم کرتا ہے۔ یہ آٹھ اسکیمیں ہیں: (i) پردھان منتری جیون جیوتی بیمہ یوجنا، (ii) پردھان منتری تحفظ بیمہ یوجنا، (iii) پردھان منتری جن دھن یوجنا، (iv) عمارت اور دیگر تعمیراتی کارکنوں کے تحت رجسٹریشن (روزگار اور خدمت کی شرائط کا ضابطہ) ایکٹ (بی او سی ڈبلیو)، (v) پردھان منتری شرم یوگی مان دھن یوجنا، (vi) نیشنل فوڈ سکیورٹی ایکٹ (این ایف ایس اے) پورٹیبلٹی فوائد — ایک ملک ایک راشن کارڈ (او این او آر سی)، (vii) پردھان منتری جننی سرکشا یوجنا  (پی ایم جے اے وائی)، اور (viii) پردھان منتری ماترو وندنا یوجنا (پی ایم ایم وی وائی)۔

12 جولائی 2026 تک، پی ایم سواندھی اسکیم کے 50.63 لاکھ استفادہ کنندگان کی سماجی و اقتصادی پروفائلنگ مکمل ہو چکی ہے، اور انہیں کل 1.56 کروڑ اسکیم کی منظوری دی جاچکی ہے ۔

یہ معلومات ہاؤسنگ اور شہری امور کے وزیر مملکت جناب ٹوکھن ساہو نے آج راجیہ سبھا میں ایک تحریری جواب میں دی۔

***

ش ح۔اس ک 

UR-1773

(ریلیز آئی ڈی: 2297422) وزیٹر کاؤنٹر : 56