வீட்டுவசதி மற்றும் நகர்ப்புற விவகாரங்கள் அமைச்சகம், புவியியல் தகவல் அமைப்புமுறை (GIS) சார்ந்த நகர்ப்புறத் திட்டமிடல் மற்றும் நகரங்கள் அல்லது நகர்ப்புற உள்ளாட்சி அமைப்புகளுக்கான டிஜிட்டல் பெருந்திட்டங்களைத் தயாரிப்பதை ஊக்குவிக்கப் பல்வேறு நடவடிக்கைகளை மேற்கொண்டுள்ளது. அம்ருத்  மற்றும் அம்ருத் 2.0 திட்டங்களின் கீழ், சட்டப்பூர்வத் திட்டமிடல் மற்றும் உள்கட்டமைப்பு மேம்பாட்டிற்காகப் புவியியல்சார் தரவுத்தளங்கள், டிஜிட்டல் அடிப்படை வரைபடங்கள் மற்றும் ஜிஐஎஸ் சார்ந்த முதன்மைத் திட்டங்களை உருவாக்குவதன் மூலம் நகர்ப்புறத் திட்டமிடல் அமைப்புமுறைகளை வலுப்படுத்தும் நோக்கில், முதன்மைத் திட்டமிடல் குறித்த ஒரு பிரத்யேகத் துணைத் திட்டம் செயல்படுத்தப்பட்டு வருகிறது. 'அம்ருத் நகரங்களுக்கான ஜிஐஎஸ் சார்ந்த முதன்மைத் திட்டத்தின் உருவாக்கம்' என்பது 100% மத்திய நிதியுதவி பெறும் துணைத் திட்டமாக அங்கீகரிக்கப்பட்டுள்ளது. 

 

துணைத் திட்டங்களின் கீழ் உருவாக்கப்பட்ட புவியியல் தரவுத்தளங்கள், பிரதமரின் விரைவுசக்தி தேசிய பெருந்திட்டத்துடன் ஒருங்கிணைக்கப்பட்டுள்ளன. மேலும், 343 நகரங்களுக்கான புவியியல் தரவுத்தளங்கள் பிரதமரின் விரைவுசக்தி தேசிய பெருந்திட்ட இணையதளத்தில் பதிவேற்றப்பட்டுள்ளன. இதன் மூலம், பல்வேறு துறைகளை உள்ளடக்கிய ஒருங்கிணைந்த உள்கட்டமைப்புத் திட்டமிடல் சாத்தியமாகியுள்ளது.

 

வீட்டுவசதி மற்றும் நகர்ப்புற விவகாரங்கள் துறை இணையமைச்சர் திரு டோகன் சாஹு இன்று மாநிலங்களவையில் அளித்த எழுத்துப்பூர்வமான பதிலில் இந்தத் தகவலைத் தெரிவித்தார்.

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2297252&reg=3&lang=1

****

TV/BR/SH

(வெளியீட்டு அடையாள எண்: 2297417) வருகையாளர் எண்ணிக்கை : 36