ان لینڈ واٹر ویز اتھارٹی آف انڈیا (آئی ڈبلیو اے آئی) اور ڈریجنگ کارپوریشن آف انڈیا لمیٹڈ (ڈی سی آئی) کے درمیان قومی آبی گزرگاہ این ڈبلیو-1 (گنگا-بھاگیرتھی-ہگلی دریائی نظام)، این ڈبلیو-2 (دریائے برہم پترا) اور این ڈبلیو-16 (دریائے براک) کے نیویگیشن چینلز میں بحری گہرائی برقرار رکھنے کے لیے مفاہمتی یادداشت/آپریشنل فریم ورک پر دستخط کیے گئے ہیں، جن کی تفصیلات ضمیمے میں دی گئی ہیں۔

ضمیمہ
بحری گہرائی کو برقرار رکھنے کے لیے آئی ڈبلیو اے آئی اور ڈی سی آئی کے درمیان مفاہمت نامے/آپریشنل فریم ورک پر دستخط

 

 

اس وقت ذیل میں دی گئی تفصیلات کے مطابق دیکھ بھال کے لیے مجموعی طور پر 34 اتلی گہرائی والے ڈریجر تعینات کیے گئے ہیں:

این ڈبلیو-1: جہازوں کی محفوظ اور مؤثر نقل و حرکت کے لیے مطلوبہ نیویگیشنل گہرائی کو یقینی بنانے کے مقصد سے کنٹریکٹ ڈریجنگ کے ذریعے اینڈ ٹو اینڈ فیئر وے تیار کیا جا رہا ہے۔ این ڈبلیو-1 پر دیکھ بھال کے لیے کنٹریکٹ ایجنسیوں کے ذریعے تعینات 17 ڈریجر اور 7 محکمہ جاتی ڈریجر کام کر رہے ہیں۔

این ڈبلیو-2 اور این ڈبلیو-16: مطلوبہ نیویگیشنل گہرائی والے قابلِ جہاز رانی چینلز کی دیکھ بھال کے لیے شمال مشرقی خطے میں مجموعی طور پر 07 ڈریجر تعینات کیے گئے ہیں، جن میں ڈی سی آئی کے ساتھ معاہدے کے تحت این ڈبلیو-2 پر 05 ڈریجر اور این ڈبلیو-16 پر 02 ڈریجر تعینات ہیں۔

این ڈبلیو-3 (کیرالہ میں مغربی ساحلی نہریں): این ڈبلیو-3 پر ایڈاپلی، کوٹا اور کولم کے درمیان تنگ نہروں کی ڈریجنگ اور چوڑا کرنے کا کام ایک نجی ڈریجر کی تعیناتی کے ذریعے معاہدے کے تحت شروع کیا گیا ہے۔ اس کے علاوہ، کیرالہ میں این ڈبلیو-3 کے مختلف مقامات پر ڈریجنگ کی دیکھ بھال کے لیے 2 محکمہ جاتی ڈریجر بھی تعینات کیے گئے ہیں۔

قابلِ جہاز رانی فیئر ویز کی دیکھ بھال کو آسان بنانے کے لیے تریبینی سے وارانسی تک مرحلہ وار انداز میں این ڈبلیو-1 پر ڈریجنگ کا کام کیا جا رہا ہے۔ تریبینی سے بارہ تک کے حصے میں 3.0 میٹر کی کم سے کم دستیاب گہرائی (ایل اے ڈی) برقرار رکھنے کے لیے یقین دہانی شدہ گہرائی کے معاہدوں کے تحت ڈریجنگ کی جا رہی ہے، جبکہ بارہ سے وارانسی تک کے حصے میں 2.5 میٹر کی کم سے کم ایل اے ڈی برقرار رکھنے کے لیے مقدار پر مبنی معاہدوں کے تحت ڈریجنگ کی جا رہی ہے۔ مقدار پر مبنی ڈریجنگ معاہدوں کے تحت 42.68 لاکھ مکعب میٹر تلچھٹ نکالی گئی ہے، جس میں سے 22.81 لاکھ مکعب میٹر بہار کے حصے سے متعلق ہے۔

آئی ڈبلیو اے آئی، ہائیڈروگرافک سروے، دریائی مورفولوجی اور ٹریفک کی ضروریات کی بنیاد پر این ڈبلیو-1 کے لیے طویل مدتی، مخصوص حصوں پر مبنی فیئر وے ترقیاتی فریم ورک پر عمل کرتا ہے۔ اس فریم ورک میں کارکردگی پر مبنی اور مقدار پر مبنی ڈریجنگ معاہدے شامل ہیں، جنہیں جہاں بھی تکنیکی طور پر ممکن ہو، دریا کے تحفظ کے اقدامات، جیسے بینڈلنگ، چینل ٹریننگ اور نیویگیشنل ایڈز کی تنصیب، کی معاونت حاصل ہوتی ہے۔ اس حکمت عملی کا وقتاً فوقتاً جائزہ لیا جاتا ہے تاکہ دریا کے رویے اور ماحولیاتی تحفظات کے مطابق اقدامات کو بہتر بنایا جا سکے، جس کا مقصد سال بھر محفوظ اور قابلِ اعتماد نیویگیشن کو یقینی بنانا ہے۔ فیئر وے ترقی کے معاہدے تین سال کے لیے کیے جاتے ہیں، جن میں مزید دو سال کی توسیع کی گنجائش بھی رکھی گئی ہے۔

آئی ڈبلیو اے آئی نے بحری راستوں کی دیکھ بھال کے لیے خصوصی اتلی ڈرافٹ ڈریجر، جدید ہائیڈروگرافک سروے نظام اور مسلسل چینل نگرانی کا نظام اپنایا ہے۔ جہاں بھی ضرورت ہو، معاون آبی گزرگاہوں سمیت بحری ضروریات اور دریا کی موجودہ صورتحال کی بنیاد پر ڈریجنگ کارروائیوں کی منصوبہ بندی اور ترجیح کا تعین کیا جاتا ہے۔ دریا کی متحرک مورفولوجی، موسمی تلچھٹ اور ماحولیاتی طور پر حساس حصوں کو مدنظر رکھتے ہوئے، تجارتی اور بحری جہازوں کی نقل و حرکت میں کم سے کم خلل کے ساتھ ڈریجنگ کی جاتی ہے، تاکہ پائیدار دریائی انتظام کو یقینی بنایا جا سکے۔

یہ معلومات بندرگاہوں، جہاز رانی اور آبی گزرگاہوں کے مرکزی وزیرجناب  سربانند سونووال نے لوک سبھا میں ایک تحریری جواب میں دی۔

***

UR-1605

(ش ح۔اس ک  )

(ریلیز آئی ڈی: 2296393) وزیٹر کاؤنٹر : 25