انویسٹر ایجوکیشن اینڈ پروٹیکشن فنڈ اتھارٹی (آئی ای پی ایف اے) نے، جو کہ وزارتِ کارپوریٹ امور، حکومتِ ہند کے تحت کام کرتی ہے، نیشنل ای-گورننس ڈویژن (این ای جی ڈی) کے تعاون سے کمپنیوں کے نوڈل افسران کے ساتھ 'انٹیگریٹڈ آئی ای پی ایف اے پورٹل 2.0' پر ایک اسٹیک ہولڈر (شراکت دار) مشاورتی سیشن کا انعقاد کیا۔ یہ سیشن نئے پورٹل کے مجوزہ 'کلیمینٹ' (دعویٰ دار) اور 'ای-ویریفیکیشن رپورٹ' (ای وی آر) ماڈیولز کا عملی مظاہرہ کرنے اور اس کے باقاعدہ آغاز سے پہلے کمپنیوں کے نوڈل افسران سے قیمتی آراء (فیڈ بیک) حاصل کرنے کے لیے ایک انٹرایکٹو پلیٹ فارم کے طور پر کام آیا۔

اس سیشن کی قیادت آئی ای پی ایف اے کی سی ای او اور وزارتِ کارپوریٹ امور کی جوائنٹ سکریٹری محترمہ انیتا شاہ اکیلا نے کی، جس میں آئی ای پی ایف اے کے سینئر حکام، این ای جی ڈی کی پروجیکٹ ٹیم اور کمپنیوں کے نوڈل افسران نے بھی شرکت کی۔ شرکاء کو اس جدید پورٹل کا تفصیلی جائزہ پیش کیا گیا، جس میں سرمایہ کاروں کے دعویٰ کے عمل کو آسان بنانے اور آپریشنل کارکردگی کو بہتر بنانے کے لیے کئی ڈیجیٹل خصوصیات متعارف کرائی گئی ہیں۔

اس سیشن کے دوران پیش کی جانے والی اہم خصوصیات میں ڈیجیٹل کے وائی سی کا انضمام، پہلے سے بھرا ہوا فارم آئی ای پی ایف-5، استحقاق کی تلاش کی سہولت، ای-ویریفیکیشن رپورٹس داخل کرنے کے لیے ایک آسان تین مرحلہ ورک فلو، اور اضافی فیس کے لیے رول 7(3) سے متعلق دفعات شامل تھیں۔ اسٹیک ہولڈرز کے ساتھ عمل آوری کا روڈ میپ بھی شیئر کیا گیا، جس میں اگست 2026 میں یوزر ایکسیپٹنس ٹیسٹنگ (یو اے ٹی)، ستمبر میں اسٹیک ہولڈرز کی تربیت، اکتوبر میں پائلٹ رن اور نومبر 2026 میں انٹیگریٹڈ آئی ای پی ایف اے پورٹل 2.0 کا باقاعدہ آغاز شامل ہے۔

کمپنیوں کے نوڈل افسران نے بحث میں بڑھ چڑھ کر حصہ لیا اور اپنے آپریشنل تجربے کی بنیاد پر عملی تجاویز پیش کیں۔ ان سفارشات میں کمپنیوں کے ریکارڈ کے ساتھ آدھار ای-کے وائی سی ایڈریس کی توثیق، مجاز نمائندوں کی لازمی کے وائی سی تصدیق، استحقاق کے خطوط  کے اجراء سے پہلے ایک جامع توثیقی چیک لسٹ، بلک ڈی ایس سی اور ای-سائن کی سہولت، ای وی آر ماڈیول میں منظور شدہ آئی ای پی ایف فارم-4 کے ڈیٹا کا انضمام، این ایس ای اور بی ایس ای کے ڈیٹا کی بنیاد پر حصص کی قدر کا تعین جس میں کم قیمت لاگو ہو، اور دھوکہ دہی کی روک تھام کے اقدام کے طور پر پتے کی بار بار تبدیلیوں کی شناخت کے لیے خودکار الرٹس شامل تھے۔

اس سیشن کے دوران موصول ہونے والی تجاویز اور سفارشات کو پورٹل کو حتمی شکل دیتے وقت غور کرنے کے لیے این ای جی ڈی کی ٹیم کے ساتھ شیئر کر دیا گیا ہے۔ یہ اسٹیک ہولڈر مشاورت کمپنیوں کے نوڈل افسران اور دیگر شراکت داروں کے ساتھ مسلسل رابطے کے ذریعے 'انٹیگریٹڈ آئی ای پی ایف اے پورٹل 2.0' تیار کرنے کی آئی ای پی ایف اے کی جاری کوششوں کا حصہ ہے۔ اتھارٹی کلیم سیٹلمنٹ کو آسان بنانے، شفافیت کو مضبوط کرنے، سروس ڈیلیوری کو بہتر بنانے اور ایک محفوظ، موثر اور سرمایہ کار دوست ڈیجیٹل نظام کی تعمیر کے لیے ٹیکنالوجی کا فائدہ اٹھانے کے لیے پرعزم ہے۔

وزارتِ کارپوریٹ امور کے تحت کام کرنے والی آئی ای پی ایف اے، مسلسل عوامی رسائی (آؤٹ ریچ)، سرمایہ کاروں کی تعلیم اور تزویراتی شراکت داریوں کے ذریعے سرمایہ کاروں میں بیداری پیدا کرنے اور ان کے تحفظ کو یقینی بنانے کے لیے وقف ہے۔ یہ اتھارٹی دعووں کے موثر تصفیے اور ملک بھر میں سرمایہ کاروں کے لیے خدمات کو بہتر بنانے کی خاطر ٹیکنالوجی پر مبنی اصلاحات اور عوامی فلاح کے اقدامات متعارف کرانے کا سلسلہ جاری رکھے ہوئے ہے۔

**********

 (ش ح –ا ب ن)

U.No:1621

(रिलीज़ आईडी: 2296312) आगंतुक पटल : 5