مالی سال 2026-2025 کے دوران ریاست بہار میں پردھان منتری بھارتیہ جن اوشدھی پریوجنا (پی ایم بی جے پی) کی آپریشنل پیش رفت درج ذیل ہے:

• مالی سال 2026-2025 کے دوران ریاست بہار میں مجموعی طور پر 410 جن اوشدھی کیندر قائم کئے گئے، جن میں سرکاری اسپتالوں میں 3 کیندر جبکہ دیہی علاقوں میں 309 کیندر شامل ہیں۔
• ریاست بہار میں 219.18 کروڑ روپے کی فروخت ریکارڈ کی گئی ہے ، جس کے نتیجے میں مذکورہ مدت کے دوران شہریوں کی تقریبا 876.72 کروڑ روپے کی بچت ہوئی ہے ۔
• اس کے علاوہ خواتین کو ماہواری کے دوران حفظانِ صحت سے متعلق پروڈکٹس کم قیمت پر فراہم کرنے کے لئے جن اوشدھی سہولت سینیٹری نیپکن، جن اوشدھی کیندروں پر فی پیڈ ایک روپے کے حساب سے دستیاب کرائے جا رہے ہیں۔ مالی سال 2026-2025 کے دوران ریاست بہار کے جن اوشدھی کیندروں کے ذریعے 1.17 کروڑ سے زائد جن اوشدھی سہولت سینیٹری نیپکن فروخت کیے گئے۔

اسٹاک کی دستیابی کی مسلسل نگرانی کی جاتی ہے اور اسٹاک کی قلت کو کم کرنے اور بہار سمیت ملک بھر میں ضروری ادویات کی بلا رکاوٹ دستیابی کو یقینی بنانے کے لئے بروقت اصلاحی اقدامات کئے جاتے ہیں ۔

سپلائی کے کسی بھی فرق کو دور کرنے اور جے اے کے میں مصنوعات کی ہموار سپلائی اور دستیابی کو یقینی بنانے کے لیے درج ذیل اقدامات کیے گئے ہیں:

• ستمبر 2024 سے جن اوشدھی کیندروں کو عام استعمال کی 200 ادویات کا ذخیرہ برقرار رکھنے کی ترغیب دی جا رہی ہے۔ ان ادویات میں منصوبے کے تحت سب سے زیادہ فروخت ہونے والی 100 ادویات اور بازار میں تیزی سے فروخت ہونے والی 100 ادویات شامل ہیں۔ اس انتظام کے تحت جن اوشدھی کیندر کے منتظمین کو ان ادویات کا مطلوبہ ذخیرہ برقرار رکھنے کی بنیاد پر ماہانہ ترغیبی رقم فراہم کی جاتی ہے۔
• ملک بھر میں پانچ گوداموں اور تقسیم کاروں کے بڑھتے ہوئے نیٹ ورک پر مشتمل ایک مضبوط سپلائی چین سسٹم کو جوڑنے کے لیے ایک اینڈ ٹو اینڈ انفارمیشن ٹیکنالوجی سے چلنے والا سپلائی چین سسٹم موجود ہے ، جس کی تعداد اس وقت 42 ہے ۔
• اس کے علاوہ ، عام طور پر استعمال ہونے والی مصنوعات کی دستیابی کو یقینی بنانے کے لیے ، اسکیم کو نافذ کرنے والی ایجنسی فارماسیوٹیکلز اینڈ میڈیکل ڈیوائسز بیورو آف انڈیا (پی ایم بی آئی) کے ذریعے تیزی سے چلنے والی 400 مصنوعات کی باقاعدگی سے نگرانی کی جاتی ہے اور اس کی مانگ کا تخمینہ مسلسل بنیاد پر لگایا جاتا ہے ۔ مزید برآں ، خریداری کے عمل کو بڑھانے کے لیے تخمینہ کے طریقہ کار کو ڈیجیٹل بنانے کے لیے اقدامات کئے گئے ہیں ۔

فی الحال ریاست بہار میں کوئی علاقائی گودام قائم کرنے کی کوئی تجویز نہیں ہے ۔

یہ معلومات کیمیکلز اور کھاد کے امور کی مرکزی وزیرمملکت، محترمہ انوپریہ پٹیل نے آج لوک سبھا میں ایک تحریری جواب کے ذریعے فراہم کیں۔

***

ش ح۔ ک ا۔ خ م

U.NO.1554