નેશનલ કૅડેટ કૉર્પ્સ (NCC) એ ભારતની સ્વતંત્રતાના 79 વર્ષની યાદમાં 02 ઓગસ્ટ, 2026ના રોજ નવી દિલ્હીમાં સાયક્લોથોન 2026નું આયોજન કર્યું હતું. આ પહેલનો હેતુ દેશભક્તિ, શિસ્ત, એકતા અને રાષ્ટ્રસેવાના મૂળભૂત મૂલ્યોને મજબૂત કરવાની સાથે યુવાનોને ફિટનેસ, પર્યાવરણીય જવાબદારી અને ટકાઉ જીવનશૈલી અપનાવવા માટે પ્રેરિત કરવાનો હતો, જે નેશનલ કૅડેટ કૉર્પ્સનો પાયો બનાવે છે.

આ સાયક્લોથોનને કેન્દ્રીય યુવા બાબતો અને રમતગમત મંત્રી શ્રી મનસુખ માંડવિયાએ સંરક્ષણ રાજ્ય મંત્રી શ્રી સંજય સેઠ, પ્રખ્યાત બોક્સર એમ સી મેરી કોમ અને પ્રખ્યાત ટેનિસ ખેલાડી લીએન્ડર પેસની ઉપસ્થિતિમાં લીલી ઝંડી બતાવી પ્રસ્થાન કરાવી હતી. NCCના મહાનિર્દેશક લેફ્ટનન્ટ જનરલ વીરેન્દ્ર વત્સે ભારતની સ્વતંત્રતાના 79 વર્ષ ચિહ્નિત કરવા માટે પ્રતીકાત્મક 79 કિલોમીટરની રાઇડમાં 79 NCC કૅડેટ્સના જૂથનું નેતૃત્વ કર્યું હતું. આ કાર્યક્રમનો પ્રારંભ મેજર ધ્યાનચંદ નેશનલ સ્ટેડિયમથી થયો હતો અને રાષ્ટ્રીય રાજધાનીના અગ્રણી સ્થળો પરથી નિર્ધારિત માર્ગને સફળતાપૂર્વક પૂર્ણ કર્યા પછી તે જ સ્થળે સંપન્ન થયો હતો.

"ક્લીન ઇન્ડિયા, ગ્રીન ઇન્ડિયા, ફિટ ઇન્ડિયા" થીમ હેઠળ આયોજિત આ સાયક્લોથોને ટીબી મુક્ત ભારત, સ્વચ્છ ભારત, એક પેડ મા કે નામ અને હર ઘર તિરંગા જેવા રાષ્ટ્રીય મિશનો પ્રત્યે NCCની પ્રતિબદ્ધતાને પુનર્જાગ્રત કરી હતી. આ કાર્યક્રમે પર્યાવરણ સંરક્ષણને પ્રોત્સાહન આપવા, કાર્બન ઉત્સર્જન ઘટાડવા અને સ્વસ્થ જીવનશૈલી અપનાવવાની સાથે સહભાગીઓ અને જનતાને વાહનના પર્યાવરણ-અનુકૂળ અને ટકાઉ મોડ તરીકે સાયકલિંગ અપનાવવા પ્રોત્સાહિત કર્યા હતા.

એક રમતગમત કાર્યક્રમથી પર, NCC સાયક્લોથોન 2026 એ શારીરિક ફિટનેસ, પર્યાવરણીય દેખરેખ, માર્ગ સલામતી અને જવાબદાર નાગરિકત્વ વિશે જાગૃતિ લાવવા માટેના એક મંચ તરીકે કામ કર્યું હતું. આ પહેલે યુવાનોને શિસ્ત, ટીમ વર્ક, સ્થિતિસ્થાપકતા અને સામુદાયિક સેવા અપનાવીને સકારાત્મક સામાજિક પરિવર્તનના દૂત બનવા માટે પ્રેરિત કર્યા, જેનાથી વધુ મજબૂત, સ્વસ્થ અને હરિયાળા ભારતના વિઝનમાં યોગદાન મળ્યું હતું. 

IJ/JY/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com