علاقائی ریل رابطے کو بہتر بنانے کی سمت میں ایک بڑا قدم اٹھاتے ہوئے، بھارتی ریلوے نے شمالی ریلوے کے تحت ٹرین نمبر 54053/54054 لدھیانہ-جاکھل ڈیلی مسافر ریل گاڑی کو جیند اسٹیشن تک توسیع کی منظوری دے دی ہے۔ یہ فیصلہ لدھیانہ اور جیند کے درمیان براہ راست ریل رابطہ فراہم کرے گا، جس سے روزانہ سفر کرنے والے مسافروں، طلباء، ملازمت پیشہ افراد، تاجروں اور پنجاب و ہریانہ کے درمیان سفر کرنے والے عام مسافروں کو فائدہ پہنچے گا۔

لدھیانہ – جیند کے درمیان راست مسافر ریل گاڑی کنکٹیویٹی

منظور شدہ توسیع کے بعد، ٹرین نمبر 54054 اب لدھیانہ سے جیند کے درمیان چلے گی، جبکہ ٹرین نمبر 54053 جیند سے لدھیانہ کے درمیان چلائی جائے گی، جو پہلے کے لدھیانہ-جاکھل آپریشن کی جگہ لے گی۔

اس ٹرین کا سفری فاصلہ 128 کلومیٹر سے بڑھ کر 200 کلومیٹر ہو جائے گا، جس سے ان دو اہم شہروں کے درمیان مسافروں کو بلا تعطل ریل کنکٹیویٹی حاصل ہوگی۔

جاکھل اور جیند کے درمیان تمام تر اسٹیشنوں پر تجارتی پڑاؤ

اس ٹرین سروس کے توسیعی حصے میں جاکھل اور جیند کے درمیان تمام اسٹیشنوں پر تجارتی پڑاؤ شامل ہوں گے، جس سے اس روٹ پر آنے والے قصبوں اور دیہاتوں میں رہنے والے مسافروں کے لیے ٹرین تک رسائی بہتر ہو جائے گی۔

امید ہے کہ یہ توسیع درمیانی اسٹیشنوں کو بہتر ریل رابطہ فراہم کر کے علاقائی آمدورفت کو مضبوط کرے گی، اور ساتھ ہی روزگار، تعلیم، صحت کی دیکھ بھال اور تجارتی مراکز تک مسافروں کی پہنچ کو آسان بنائے گی۔

پنجاب اور ہریانہ میں مسافروں کے لیے مزید سہولت

توسیعی سروس سے مسافروں کے لیے جیند سے آگے کے سفر کے لیے جاکھل پر ٹرینیں تبدیل کرنے کی ضرورت ختم ہو جائے گی، جس سے سفر کی سہولت میں اضافہ ہوگا۔ یہ منصوبہ اہم شہری اور دیہی مراکز کے درمیان رابطے کو بڑھانے کے ساتھ ساتھ پورے خطے میں ریل کے سفر کو زیادہ آسان اور بلا رکاوٹ بنائے گا۔

یہ منظوری مسافروں کی خدمات کو بہتر بنانے اور مانگ پر مبنی آپریشنل توسیع کے ذریعے علاقائی ریل رابطوں کو بڑھانے کے لیے ہندوستانی ریلوے کے مستقل عزم کی عکاسی کرتی ہے، جو مسافروں کے لیے زیادہ سہولت اور رسائی فراہم کرتی ہے۔

**********

 (ش ح –ا ب ن)

U.No:1099