صحت کے شعبے میں افرادی قوت کی ضروریات کا جائزہ لینے اور ان کا مؤثر انتظام کرنے کا عمل ایک مسلسل اور متحرک سرگرمی ہے، جو ریاستی حکومتوں اور مرکز کے زیرِ انتظام علاقوں کے ساتھ مل کر عوامی صحت کی بدلتی ہوئی ضروریات کے مطابق انجام دیا جاتا ہے۔

الائیڈ اور ہیلتھ کیئر پیشوں کی  57 تسلیم شدہ اقسام  کے ضابطہ بندی کے لیے ایک مضبوط قانونی نظام قائم کرنے کی غرض سے حکومت نے  نیشنل کمیشن برائے الائیڈ اینڈ ہیلتھ کیئر پروفیشنز ایکٹ، 2021  نافذ کیا اور اس قانون کے تحت  نیشنل کمیشن برائے الائیڈ اینڈ ہیلتھ کیئر پروفیشنز (این سی اے ایچ پی)  قائم کیا۔ کمیشن نے  18 صلاحیت پر مبنی نصاب (کمپیٹنسی بیسڈ کریکولم)  کو حتمی شکل دے دی ہے، جبکہ پیشہ ور افراد اور اداروں کی رجسٹریشن کے لیے  اکتوبر 2024  میں آن لائن اندراجی پورٹل بھی شروع کیے گئے، تاکہ مرکزی اور ریاستی سطح پر صحت کے شعبے کی افرادی قوت کی مؤثر نقشہ سازی کی جا سکے۔ اس کے علاوہ  29 ریاستوں اور مرکز کے زیرِ انتظام علاقوں  نے قانون کی مؤثر عمل آوری کے لیے  ریاستی الائیڈ اینڈ ہیلتھ کیئر کونسلیں  تشکیل دے دی ہیں۔

صحت کے شعبے میں  الائیڈ ہیلتھ پروفیشنلز (این سی اے ایچ پیز)  کی بڑھتی ہوئی ضرورت کو مدنظر رکھتے ہوئے مرکزی حکومت نے  بجٹ 2026  میں آئندہ  پانچ برسوں  کے دوران مزید  ایک لاکھ الائیڈ ہیلتھ پروفیشنلز  تیار کرنے کا اعلان کیا ہے۔ اس کے علاوہ رواں مالی سال میں  الائیڈ ہیلتھ کیئر پروفیشنلز اسکیم  کے لیے  1,000 کروڑ روپے  مختص کیے گئے ہیں۔

یہ معلومات  مرکزی وزیرِ مملکت برائے صحت و خاندانی بہبود، محترمہ انوپریا پٹیل  نے آج لوک سبھا میں ایک تحریری جواب کے ذریعے فراہم کیں۔

  ******

(ش ح ۔ ش ت ۔ت ا(

U.No.1016