(اے ) اور (بی) پائیدار ماہی گیری کی ترقی اور ماہی گیروں کی بہبود کے فروغ کے لیے وزارتِ ماہی گیری، مویشی پروری اور ڈیری کے محکمہ ماہی گیری کے تحت پردھان منتری متسیہ سمپدا یوجنا (پی ایم ایم ایس وائی) کو 20,750 کروڑ روپے  کی لاگت سے نافذ کیا جا رہا ہے۔ ماہی گیری کی بندرگاہوں اور فش لینڈنگ سینٹر کی ترقی اس اسکیم کے تحت اہم شعبوں میں شامل ہے اور اس کے لیے پی ایم ایم ایس وائی کے تحت امداد فراہم کی جاتی ہے۔اس طرح کے ماہی گیری کے بنیادی ڈھانچے کے منصوبے مرکز اور متعلقہ ریاست کے درمیان 60:40 کے تناسب سے لاگت کی شراکت داری کی بنیاد پر نافذ کیے جاتے ہیں۔ مالی معاونت حاصل کرنے کے لیے متعلقہ ریاستی حکومت/مرکز کے زیر انتظام علاقوں کو تکنیکی و مالی طور پر قابلِ عمل تجاویز، ریاستی حصے کی فراہمی کی تصدیق، مطلوبہ زمین اور ضروری منظوریوں کے ساتھ جمع کرانا ضروری ہوتا ہے۔اس کے علاوہ، ماہی گیری اور آبی زراعت کے بنیادی ڈھانچے کے ترقیاتی فنڈ کے ذریعے بھی ایسے ماہی گیری کے بنیادی ڈھانچے کی سہولیات کے قیام کے لیے رعایتی مالی معاونت فراہم کی جاتی ہے۔

(سی )محکمہ ماہی گیری، حکومتِ ہند نے پردھان منتری متسیہ سمپدا یوجنا کے تحت ویسل کمیونیکیشن اینڈ سپورٹ سسٹم کے قومی سطح پر نفاذ کے منصوبے کو 364 کروڑ روپے کی کل لاگت سے منظوری دی ہے۔ اس منصوبے کے تحت ایک لاکھ سمندری ماہی گیری کی کشتیوں میں ٹرانسپونڈر کی تنصیب، مطلوبہ ارتھ اسٹیشن اور متعلقہ مواصلاتی بنیادی ڈھانچے کا قیام اور علاقائی زبانوں میں ’نبھ متر‘ایپلی کیشن کی تیاری شامل ہے۔اس منصوبے کے تحت اہلیت یافتہ ماہی گیروں کو ٹرانسپونڈر مفت فراہم کیے جاتے ہیں۔ اس منصوبے کو مرکزی حکومت اور ریاستوں کے درمیان 60:40 کے لاگت شراکت داری کے تناسب سے نافذ کیا جا رہا ہے، جبکہ مرکز کے زیر انتظام علاقوں کو 100 فیصد مرکزی مالی معاونت فراہم کی جاتی ہے۔ویسل کمیونیکیشن اینڈ سپورٹ سسٹم  کو ہندوستانی خلائی تحقیقاتی تنظیم نے اندرونِ ملک تیار کیا ہے تاکہ سمندری ماہی گیری کی کشتیوں کی نگرانی، کنٹرول اور نگرانی کا مؤثر نظام قائم کیا جا سکے۔ وی سی ایس ایس کے ایک حصے کے طور پر، اسرو نے سمندری ماہی گیری طبقے کی مدد کے لیے ’نبھ متر‘ ایپلی کیشن تیار کی ہے۔اس ایپلی کیشن کی اہم خصوصیات اور صلاحیتوں میں وقفے وقفے سے مقام کی معلومات کی فراہمی، دو طرفہ پیغام رسانی، ہنگامی/ایس او ایس پیغامات، جغرافیائی حدود کی بنیاد پر باونڈری  عبور کرنے کے خود کار انتباہات، موسم اور سمندری طوفان کی پیش گوئیاں، ہنگامی موسمی انتباہات، ممکنہ ماہی گیری علاقوں سے متعلق مشورے، بحری راستوں میں معاونت اور ای-ٹوکن/ٹرپ کے اعلان کا نظام شامل ہیں۔

(ڈی ) اور (ایف)  ساحلی ریاستی حکومتوں/مرکز کے زیر انتظام علاقوں کی انتظامیہ نے سمندری ماہی گیری کے مقررہ قوانین  کی دفعات کے تحت اپنے اپنے دائرہ اختیار میں فش لینڈنگ سینٹر کو نوٹیفائی  کیا ہے۔ کل 1547 نوٹیفائڈ فش لینڈنگ سینٹر میں سے 423 نوٹیفائڈ فش لینڈنگ سینٹر کو بنیادی ڈھانچے کی ترقی کے اقدامات کے تحت شامل کیا گیا ہے۔ایف ایل سی  کو بنیادی ڈھانچے کی ترقی کے لیے متعلقہ ریاستوں/مرکز کے زیر انتظام علاقوں کی ترجیحات کی بنیاد پر منتخب کیا جاتا ہے۔ اس میں ماہی گیری کی سرگرمیوں میں مصروف کشتیوں کی تعداد، مرکز پر انحصار کرنے والے ماہی گیروں کی تعداد، مچھلی اتارنے کی مقدار، مچھلی منڈیوں اور پروسیسنگ مراکز سے قربت، اور دیگر مقامی ضروریات جیسے تکنیکی و مالی اعتبار سے قابلِ عمل ہونا، مالی وسائل کی دستیابی اور قانونی ضوابط کی تعمیل جیسے عوامل کو مدنظر رکھا جاتا ہے۔ ریاست/مرکز کے زیر انتظام علاقے کے لحاظ سے نوٹیفائڈ فش لینڈنگ سینٹر کی تفصیلات ضمیمہ-I میں فراہم کی گئی ہیں۔

متعلقہ ریاستی حکومتوں/مرکز کے زیر انتظام علاقوں کی انتظامیہ کی جانب سے فش لینڈنگ سینٹر پر حفاظتی اہلکاروں کی تعیناتی اور حفاظتی انتظامات متعلقہ سیکورٹی اور قانون نافذ کرنے والے اداروں کے تال میل سے، مقام کی مخصوص صورتحال، خطرات اور دیگر مقامی عوامل کی بنیاد پر کیے جاتے ہیں۔

ضمیمہ-1

راجیہ سبھا کے غیر ستارہ دار سوال نمبر 1183 کے جواب کے حصہ (ڈی) کے حوالے کے لیے دیا گیا بیان ، جس کا جواب 29جولائی2026 کو دیا جانا تھا: ریاست/مرکز کے زیر انتظام علاقے کے لحاظ سے نوٹیفائڈ فش لینڈنگ سینٹر  کی تعداد کی تفصیلات۔

 

 

*متعلقہ ریاستوں/مرکز کے زیر انتظام علاقوں کی جانب سے تصدیق اور اپ ڈیٹ سے مشروط۔

یہ معلومات ماہی گیری، مویشی پروری اور ڈیری کے وزیر جناب راجیو رنجن سنگھ عرف للن سنگھ نے ایک سوال کے جواب میں راجیہ سبھا میں فراہم کی ہیں۔

******

ش ح۔ م ش ع۔ اش ق  

 (U: 952)

(रिलीज़ आईडी: 2291888) आगंतुक पटल : 10