ارضیاتی سائنس کے وزیر مملکت (آزادانہ چارچ) ڈاکٹر جتیندر سنگھ نے آج راجیہ سبھا میں ایک تحریری جواب میں بتایا کہ بھارت کے محکمۂ موسمیات (آئی ایم ڈی) کی جانب سے ریاستی حکومت اور دیگر مرکزی سرکاری اداروں کے تعاون سے کی جانے والی مسلسل کوششوں کے باوجود لاہول اور اسپیتی وادی میں ایکس بینڈ ڈوپلر ویدر ریڈار (ڈی ڈبلیو آر) کی تنصیب کے لیے کوئی موزوں مقام تلاش نہیں کیا جا سکا، کیونکہ وہاں اس میں شدید شعاعی رکاوٹ (بیم بلاکیج) کا مسئلہ حائل ہے، جو مؤثر موسم سے متعلق نگرانی میں نمایاں رکاوٹ پیدا کر سکتا ہے۔ منصوبے کی مدت ختم ہونے کے بعد اس مقام پر مجوزہ ڈوپلر ویدر ریڈار قائم نہیں کیا گیا اور اسی ریڈار کو بعد میں ملک میں ایک دوسرے موزوں مقام پر نصب کر دیا گیا۔

فی الحال ریاست میں تین ایکس بینڈ ڈوپلر ویدر ریڈار فعال ہیں، جو کُفری، جوت اور  مراری  دیوی میں واقع ہیں۔ ارضیاتی سائنس کی وزارت  کے تحت بھارت کے محکمۂ موسمیات (آئی ایم ڈی) نے موسم کی نگرانی اور مشاہداتی سرگرمیوں کو مضبوط بنانے کے لیے ہماچل پردیش میں24 خودکار موسم سے متعلق اسٹیشنز (اے ڈبلیو ایس)، 4 زرعی خودکار موسم سے متعلق اسٹیشنز (ایگرو-اے ڈبلیو ایس) اور 66 خودکار بارش کی پیمائش کے اسٹیشنز (اے آر جی) پر مشتمل ایک نیٹ ورک قائم کیا ہے۔ اس کے علاوہ بارش کی نگرانی کو مؤثر بنانے کے لیے ریاست میں ضلع  کی سطح پر اور بلاک  کی سطح پر بارش  کی نگرانی اسکیموں کے تحت 135 بارش پیمائی مراکز بھی قائم کیے گئے ہیں۔ اس وقت ہماچل پردیش کے لاہول و اسپیتی اور کنور اضلاع میں10 خودکار موسم سے متعلق اسٹیشنز اور خودکار بارش پیمائی اسٹیشنز فعال ہیں۔ لاہول و اسپیتی اور کنور اضلاع میں نصب خودکار موسم سے متعلق اسٹیشنز اور خودکار بارش پیمائی اسٹیشنز کی تفصیلات درج ذیل جدول میں دی گئی ہیں:

 

حکومت نے مذکورہ وزارت کے تحت بھارت کےمحکمۂ موسمیات (آئی ایم ڈی) کے ذریعے ملک بھر میں، بشمول دور دراز اور پہاڑی علاقوں میں شدید موسم سے متعلق واقعات کی بڑھتی ہوئی تعداد اور شدت کے پیشِ نظر موسم کی نگرانی کے نیٹ ورک اور پیش گوئی کے نظام کو مضبوط بنانے کے لیے متعدد اقدامات کیے ہیں۔ یہ اقدامات عملی ضروریات، تکنیکی امکانات اور دستیاب وسائل کو مدنظر رکھتے ہوئے کیے گئے ہیں۔ مزید  یہ کہ حکومت نے جدید ترین تکنیکوں کو اختیار کیا ہے، جن میں اعلیٰ کارکردگی والے کمپیوٹنگ نظام (ایچ پی سی) بھی شامل ہیں، تاکہ اعلیٰ ریزولیوشن والے عددی موسمی پیش گوئی ماڈلز (این ڈبلیو پی)، مشاہداتی نظام اور مصنوعی ذہانت سے چلنے والے پیش گوئی کے آلات کو معاونت فراہم کی جا سکے۔ اس کے نتیجے میں موسم کی نگرانی، پیش گوئی اور متعلقہ شدید موسم سے متعلق واقعات کی درستگی میں بہتری آئی ہے۔ فی الحال ارضیاتی سائنس کی وزارت (ایم او ای ایس) کے پاس موسم سے متعلق مشاہداتی نظام کا ایک وسیع نیٹ ورک موجود ہے، جس میں دستی رصدگاہیں، خودکار موسمی اسٹیشنز (اے ڈبلیو ایس)، خودکار بارش پیمائی اسٹیشنز (اے آر جی)، زرعی خودکار موسمی اسٹیشنز (ایگرو-اے ڈبلیو ایس)، ڈوپلر ویدر ریڈارز (ڈی ڈبلیو آر)، بالائی فضائی رصدگاہیں اور مصنوعی سیارچے شامل ہیں۔ مذکورہ نظام ملک بھر میں، خصوصاً حساس اور دور دراز علاقوں میں، موسم کی نگرانی اور عددی موسم سے متعلق پیش گوئی ماڈلز کے ذریعے موسم کے حالات اور شدید موسم کے واقعات کی پیش گوئی میں معاونت فراہم کرتے ہیں۔

 

***********

 ش ح ۔ش م۔ش ت

UN-NO-939

(रिलीज़ आईडी: 2291758) आगंतुक पटल : 9