ಭಾರತದ ಎಲೆಕ್ಟ್ರಾನಿಕ್ಸ್ ವಲಯವು ಇತ್ತೀಚಿನ ವರ್ಷಗಳಲ್ಲಿ ಗಮನಾರ್ಹ ಪರಿವರ್ತನೆಗೆ ಸಾಕ್ಷಿಯಾಗಿದೆ, ಇದು ಸರ್ಕಾರದ ಹಲವಾರು ಉಪಕ್ರಮಗಳು ಮತ್ತು ಕೈಗಾರಿಕಾ ಸುಧಾರಣೆಗಳಿಂದ ನಡೆಸಲ್ಪಟ್ಟಿದೆ. ದೇಶವು ಎಲೆಕ್ಟ್ರಾನಿಕ್ಸ್ ಸಿಸ್ಟಮ್ ವಿನ್ಯಾಸ ಮತ್ತು ಉತ್ಪಾದನೆಗೆ ಜಾಗತಿಕ ಕೇಂದ್ರವಾಗಿ ಸ್ಥಿರವಾಗಿ ಹೊರಹೊಮ್ಮುತ್ತಿದೆ. ಎಲೆಕ್ಟ್ರಾನಿಕ್ಸ್ ಸಿಸ್ಟಮ್ ವಿನ್ಯಾಸ ಮತ್ತು ಉತ್ಪಾದನೆಯಲ್ಲಿ (ESDM) ಮಾರುಕಟ್ಟೆ ಚಾಲಿತ ನಾವೀನ್ಯತೆಯನ್ನು ಉತ್ತೇಜಿಸಲು ಭಾರತ ಸರ್ಕಾರದ ಉಪಕ್ರಮಗಳಲ್ಲಿ ಎಲೆಕ್ಟ್ರಾನಿಕ್ಸ್ ಅಭಿವೃದ್ಧಿ ನಿಧಿ (EDF) ಒಂದಾಗಿದೆ.

EDF ಅನ್ನು ಪ್ರಮುಖ ನಿಧಿಯಾಗಿ ಸ್ಥಾಪಿಸಲಾಯಿತು, ವೃತ್ತಿಪರವಾಗಿ ನಿರ್ವಹಿಸಲ್ಪಡುವ ಡಾಟರ್ ಫಂಡ್‌ಗಳಲ್ಲಿ (ಪರ್ಯಾಯ ನಿಧಿ) ಹೂಡಿಕೆ ಮಾಡಲು ವಿನ್ಯಾಸಗೊಳಿಸಲಾಗಿದೆ, ಇವು SEBI ನೋಂದಾಯಿತ ಸಾಹಸೋದ್ಯಮ ನಿಧಿಗಳಾಗಿವೆ. ಈ ಡಾಟರ್ ಫಂಡ್‌ಗಳು ESDM ಮತ್ತು ಮಾಹಿತಿ ತಂತ್ರಜ್ಞಾನ (IT) ಕ್ಷೇತ್ರದಲ್ಲಿ ಹೊಸ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸುವ ನವೋದ್ಯಮಗಳು ಮತ್ತು ಕಂಪನಿಗಳಿಗೆ ಅಪಾಯದ ಬಂಡವಾಳವನ್ನು ಒದಗಿಸಿದವು. ಆ ಮೂಲಕ, ದೇಶದಲ್ಲಿ ನಾವೀನ್ಯತೆ, ಉತ್ಪನ್ನ ವಿನ್ಯಾಸ ಮತ್ತು ಬೌದ್ಧಿಕ ಆಸ್ತಿ ಸೃಷ್ಟಿಯನ್ನು ಪ್ರೋತ್ಸಾಹಿಸುವ ಸ್ವಾವಲಂಬಿ ಎಲೆಕ್ಟ್ರಾನಿಕ್ಸ್ ಪರಿಸರ ವ್ಯವಸ್ಥೆಯನ್ನು ನಿರ್ಮಿಸುವಲ್ಲಿ EDF ನಿರ್ಣಾಯಕ ಪಾತ್ರ ವಹಿಸಿದೆ.

EDF ನ ಡಾಟರ್ ಫಂಡ್ಸ್‌ನಿಂದ ಹೂಡಿಕೆಗಾಗಿ ಸ್ಟಾರ್ಟ್‌ಅಪ್‌ಗಳ ಆಯ್ಕೆಯನ್ನು ಅವುಗಳ ನಾವೀನ್ಯತೆ ಸಾಮರ್ಥ್ಯ, ಸ್ಥಳೀಯ ತಂತ್ರಜ್ಞಾನ ಅಭಿವೃದ್ಧಿ ಮತ್ತು ಐಪಿ ಸೃಷ್ಟಿ ಸಾಮರ್ಥ್ಯ, ಸ್ಥಾಪಕ ತಂಡದ ತಾಂತ್ರಿಕ ಸಾಮರ್ಥ್ಯ ಮತ್ತು ಸ್ಕೇಲೆಬಲ್ ಮತ್ತು ವಾಣಿಜ್ಯಿಕವಾಗಿ ಕಾರ್ಯಸಾಧ್ಯವಾದ ವ್ಯವಹಾರ ಮಾದರಿ ಸೇರಿದಂತೆ ವಿವಿಧ ನಿಯತಾಂಕಗಳ ಆಧಾರದ ಮೇಲೆ ಮಾಡಲಾಗಿದೆ.

ಕ್ಯಾನ್‌ಬ್ಯಾಂಕ್ ವೆಂಚರ್ ಕ್ಯಾಪಿಟಲ್ ಫಂಡ್ಸ್ ಲಿಮಿಟೆಡ್ (CVCFL) ನಿಧಿ ವ್ಯವಸ್ಥಾಪಕರಾಗಿದ್ದು, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು EDF ನ ಆಂಕರ್ ಹೂಡಿಕೆದಾರರಾಗಿದೆ. 30.06.2026 ರ ಹೊತ್ತಿಗೆ, EDF ಎಂಟು ಡಾಟರ್ ಫಂಡ್‌ಗಳಲ್ಲಿ ರೂ. 257.77 ಕೋಟಿ ಹೂಡಿಕೆ ಮಾಡಿದೆ, ಇದು ಪ್ರತಿಯಾಗಿ 128 ಕಂಪನಿಗಳು/ಸ್ಟಾರ್ಟ್‌ಅಪ್‌ಗಳಲ್ಲಿ ರೂ. 1335.77 ಕೋಟಿ ಹೂಡಿಕೆ ಮಾಡಿದೆ. EDF ನ ಡಾಟರ್ ಫಂಡ್‌ಗಳ ಹೂಡಿಕೆಗಳ ವಿವರಗಳು, ವಲಯವಾರು ಮತ್ತು ಸ್ಥಳವಾರು ಈ ಕೆಳಗಿನಂತಿವೆ:

ಕ್ರ ಸಂ.	ಹೂಡಿಕೆ ಮಾಡಿದ ಕಂಪನಿಗಳ ನೋಂದಾಯಿತ ಸ್ಥಳ		ಡಾಟರ್ ಫಂಡ್‌ಗಳಿಂದ ಹೂಡಿಕೆ ಮಾಡಲಾದ ಕಂಪನಿಗಳ ಸಂಖ್ಯೆ	ಸೆಕ್ಟರ್‌		ಡಾಟರ್ ಫಂಡ್ ಹೂಡಿಕೆ ಮಾಡಿದ ಒಟ್ಟು ಮೊತ್ತ (ಕೋಟಿ ರೂ.ಗಳಲ್ಲಿ)
	ರಾಜ್ಯ/ಕೇಂದ್ರಾಡಳಿತ ಪ್ರದೇಶ	ನಗರ		ಇಎಸ್‌ ಡಿಎಂ	ಐಟಿ
1	ಕರ್ನಾಟಕ	ಬೆಂಗಳೂರು	89	56	33	854.54
		ಬೆಳಗಾವಿ
2	ತೆಲಂಗಾಣ	ಹೈದರಾಬಾದ್‌	7	3	4	129.97
3	ಮಹಾರಾಷ್ಟ್ರ	ಮುಂಬಯಿ	4	2	2	142.48
		ಪುಣೆ	4	2	2
4	ತಮಿಳುನಾಡು	ಚೆನ್ನೈ	5	2	3	62.24
5	ದೆಹಲಿ	ದೆಹಲಿ	6	3	3	99.2
6	ಕೇರಳ	ಕೊಚ್ಚಿನ್‌	5	3	2	13.30
		ತಿರುವಂತಪುರಂ	1	1	0
7	ಹರಿಯಾಣ	ಗುರುಗಾಂವ್‌	2	1	1	23.87
		ಫರೀದಾಬಾದ್‌	1	1	0
8	ರಾಜಸ್ಥಾನ	ಜೈಪುರ	1	1	0	7.5
9	ಪಶ್ಚಿಮ ಬಂಗಾಳ	ಕೋಲ್ಕೊತಾ	1	1	0	0.75
10	ಉತ್ತರ ಪ್ರದೇಶ	ನೊಯ್ಡಾ	1	0	1	1.85
ಒಟ್ಟು			128	77	51	1335.77

EDF ನ ನಿಧಿ ವ್ಯವಸ್ಥಾಪಕರು ಡಾಟರ್ ಫಂಡ್‌ಗಳ ಕಾರ್ಯಕ್ಷಮತೆಯನ್ನು ಮೇಲ್ವಿಚಾರಣೆ ಮಾಡುತ್ತಾರೆ. ಡಾಟರ್ ಫಂಡ್‌ಗಳು, ಕಾರ್ಯಾಚರಣೆಯ ದಕ್ಷತೆ, ಮಾರುಕಟ್ಟೆ ಬೆಳವಣಿಗೆ, ತಂತ್ರಜ್ಞಾನ ಅಭಿವೃದ್ಧಿ ಇತ್ಯಾದಿಗಳ ನಿಯಮಿತ ಮೌಲ್ಯಮಾಪನದ ಮೂಲಕ ಹೂಡಿಕೆ ಮಾಡಿದ ಕಂಪನಿಗಳ ಪ್ರಗತಿಯನ್ನು ಮೇಲ್ವಿಚಾರಣೆ ಮಾಡುತ್ತವೆ.

EDF ನ ಕೆಲವು ಪ್ರಮುಖ ಸಾಧನೆಗಳು ಈ ಕೆಳಗಿನಂತಿವೆ:

• ಡಾಟರ್ ಫಂಡ್‌ಗಳು EDF ಹೂಡಿಕೆಯನ್ನು ಬಳಸಿಕೊಂಡು ಮಾರುಕಟ್ಟೆಯಿಂದ ~5X ಹಣವನ್ನು ಸಂಗ್ರಹಿಸುತ್ತವೆ.
• ಬೆಂಬಲಿತ ಸ್ಟಾರ್ಟ್‌ಅಪ್‌ಗಳಿಂದ ಸಂಗ್ರಹಿಸಲಾದ ಒಟ್ಟು ನಿಧಿಗಳು ~ ₹ 22,553.82 ಕೋಟಿ
• ಹೂಡಿಕೆ ಮಾಡಿದ ಸ್ಟಾರ್ಟ್‌ಅಪ್‌ಗಳಿಂದ ರಚಿಸಲಾದ / ಸ್ವಾಧೀನಪಡಿಸಿಕೊಂಡ ಐಪಿಗಳ ಸಂಖ್ಯೆ - 373

EDF ಒಂದು ಕ್ಲೋಸ್ ಎಂಡ್ ಫಂಡ್ ಆಗಿದ್ದು, ಇದು ಫೆಬ್ರವರಿ, 2024 ರಲ್ಲಿ ತನ್ನ ಹೂಡಿಕೆ ಹಂತವನ್ನು ಪೂರ್ಣಗೊಳಿಸಿತು ಮತ್ತು ಪ್ರಸ್ತುತ ಮಾರಾಟ ಹಂತದಲ್ಲಿದೆ.

ಈ ಮಾಹಿತಿಯನ್ನು ಕೇಂದ್ರ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು 29.07.2026 ರಂದು ಲೋಕಸಭೆಯಲ್ಲಿ ಸಲ್ಲಿಸಿದರು.

 

*****

(रिलीज़ आईडी: 2291212) आगंतुक पटल : 9