شپنگ کنٹینرز کا آرڈر ایک عالمی شپنگ لائن نے ایک ہندوستانی کنٹینر مینوفیکچرر کو دیا تھا۔ مقامی طور پر تیار کردہ پروٹو ٹائپ کنٹینر کی نقاب کشائی 03.07.2026 کو دادری، اتر پردیش میں کی گئی۔ شپنگ کنٹینرز بین الاقوامی سطح پر تسلیم شدہ معیار اور حفاظتی معیارات کے مطابق تیار کیے جاتے ہیں، بشمول انٹرنیشنل آرگنائزیشن فار اسٹینڈرڈائزیشن (آئی ایس او) کی وضاحتیں اور انٹرنیشنل کنونشن فار سیف کنٹینرز (سی ایس سی)۔

مذکورہ عالمی شپنگ لائن نے مبینہ طور پر ایک ہندوستانی کنٹینر مینوفیکچرر کو 1,000 شپنگ کنٹینرز کا آرڈر دیا ہے۔ عالمی شپنگ لائنوں کی جانب سے ہندوستانی ساختہ کنٹینرز کی خریداری، ہندوستان کے مینوفیکچرنگ کے معیار، انجینئرنگ کی صلاحیت اور عالمی حفاظتی معیارات پر عمل درآمد پر بین الاقوامی اعتماد کو ظاہر کرتی ہے۔ یہ عالمی سمندری لاجسٹکس سپلائی چین میں ہندوستان کے ایک قابلِ اعتماد شراکت دار کے طور پر ابھرنے کا بھی اشارہ ہے۔

حکومت نے بجٹ تقریر 2026-27 میں ہندوستان میں کنٹینر مینوفیکچرنگ کے لیے ایک اسکیم کا اعلان کیا ہے، جس کا بجٹ تخمینہ 28.75 کروڑ روپے ہے۔ ملک میں عالمی سطح پر مسابقتی کنٹینر مینوفیکچرنگ ایکو سسٹم قائم کرنے کے مقصد سے 10,000 کروڑ روپے کی سرمایہ کاری کی جائے گی۔

یہ معلومات بندرگاہوں، جہاز رانی اور آبی گزرگاہوں کے مرکزی وزیر، سربانند سونووال نے راجیہ سبھا میں ایک تحریری جواب میں دی۔

*****

UR-769

(ش ح۔اس ک  )

(रिलीज़ आईडी: 2290745) आगंतुक पटल : 9