کیمیکلز اور کھادوں کی وزیر مملکت محترمہ انوپریہ پٹیل نے آج راجیہ سبھا میں ایک سوال کے تحریری جواب میں بتایا کہ 30جون 2026  تک ملک بھر میں کل 20,149 جن اوشدھی کیندر (جے اے کے) کھولے گئے ہیں۔ پردھان منتری بھارتیہ جن اوشدھی پری یوجنا کے تحت پروڈکٹ باسکٹ میں 2,110 دوائیں ،315 جراحی آلات اورطبی استعمال کی اشیاء ہیں،جو تمام بڑے علاج گروپوں جیسے امراض قلب ،کینسر مخالف،ذیابیطس مخالف،اینٹی انفیکشن،الرجک اور معدے کی دوائیں اور نیوٹریسوٹیکلز کا احاطہ کرتی ہیں۔ پردھان منتری بھارتیہ جن  اوشدھی پری یوجنا کے تحت دوائیں ان نرخوں پر دستیاب کرائی جاتی ہیں جو برانڈڈ دوائیوں کے مقابلے میں تقریبا 50فیصد  سے 80فیصد  سستی ہوتی ہیں ۔

مالی سال 26-2025 کے دوران اس اسکیم کے تحت 2,252.19 کروڑ روپے کی ایم آر پی والی ادویات کی فروخت کی گئی ہے۔  مالی سال 27-2026میں30جون 2026 تک 474.40 کروڑ روپے کی ایم آر پی کی فروخت کی جا چکی ہے۔

******

(ش ح۔م ع ۔ت ا(       

        U.No.749      

 

(रिलीज़ आईडी: 2290557) आगंतुक पटल : 13