ٹیکسٹائل کی وزارت نیشنل ٹیکنیکل ٹیکسٹائل مشن (این ٹی ٹی ایم) کے تحت "ہندوستان میں ٹیکنیکل ٹیکسٹائل کی تعلیم میں تعلیمی اداروں کو فعال کرنے کے لیے عمومی رہنما خطوط: نجی اور سرکاری اداروں کے لیے" نافذ کر رہی ہے۔  مذکورہ رہنما خطوط کا مقصد ملک بھر میں تکنیکی ٹیکسٹائل کے مختلف ایپلی کیشن شعبوں سے متعلق کورسز اور پیپرز کے تعارف کے لیے وسیع تر اداروں کا احاطہ کرنا ہے۔  آئی بی آئی ڈی کے رہنما خطوط کے تحت انڈر گریجویٹ (یو جی) اور پوسٹ گریجویٹ (پی جی) کی سطح پر کل 59 کورسز متعارف کرائے گئے ہیں۔  مزید برآں، ملک بھر کی مختلف ٹیکنیکل یونیورسٹیوں اور تعلیمی اداروں کی 47 درخواستوں کو منظوری دی گئی ہے، جن کے لیے لیبارٹری کے سامان  اور اساتذہ کی تربیت کی صورت میں تعلیمی بنیادی ڈھانچے کو بہتر بنانے کے لیے مجموعی طور پر 216.60 کروڑ روپے کی گرانٹ رقم مختص کی گئی ہے۔

یہ اسکیم نبرنگ پور حلقے سمیت ملک بھر میں ٹیکنیکل ٹیکسٹائل کے شعبے میں اہل تعلیمی اداروں کے لیے کھلی ہے۔  تاہم، مذکورہ رہنما خطوط کے تحت نبرنگ پور حلقہ کی طرف سے کوئی تجویز موصول نہیں ہوئی ہے۔

این ٹی ٹی ایم کے تحت، وزارت نے صنعتی افرادی قوت کی مہارت کی بہتری کے لیے "ٹیکنیکل ٹیکسٹائل میں امیدواروں کی مہارت کے فروغ اور تربیت کے عمومی رہنما خطوط" کی منظوری دی ہے۔ مذکورہ رہنما خطوط کے تحت چار گروپس کے افراد کی تربیت کا ہدف رکھا گیا ہے، یعنی — انڈر گریجویٹ طلباء، ملازمت سے قبل غیر ہنر مند افراد، پہلے سے ملازم ٹیکنیکل افرادی قوت کی اپ سکلنگ/ری سکلنگ اور ٹیکنیکل ٹیکسٹائل کے استعمال کے شعبوں میں ملازم عملہ۔

ٹیکسٹائل ریسرچ ایسوسی ایشنز، سینٹرز آف ایکسی لینس، سیکٹر اسکل کونسلز اور صنعتی اداروں سمیت عمل درآمد کرنے والی کئی ایجنسیوں (آئی اے) کو مختلف ریاستوں اور مرکز کے زیر انتظام علاقوں میں پینل میں شامل کیا گیا ہے جس میں سیکٹر کے پیشہ ور افراد کو تربیت دینے اور پرنٹ، الیکٹرانک، اور سوشل میڈیا کے ذریعے رسائی حاصل کرنے کے ساتھ ساتھ نبرنگ پور لوک سبھا حلقہ سمیت ملک کے تمام خطوں میں ممکنہ مستفیدین تک پہنچنے کے لیے آگاہی کیمپ لگانے کا مینڈیٹ ہے۔

یہ معلومات ٹیکسٹائل کے وزیر مملکت جناب پبترا مارگریٹا نے آج لوک سبھا میں ایک سوال کے تحریری جواب میں فراہم کیں۔

*****

ش ح۔ ک ح۔ج

U. No. 732