આજે સવારે દેશભરમાં 'કારગિલ વિજય દિવસ' ની થીમ હેઠળ દેશભક્તિના જુસ્સા સાથે ફિટ ઇન્ડિયા - સન્ડેઝ ઓન સાયકલની 83મી આવૃત્તિનું આયોજન કરવામાં આવ્યું હતું.

આ કાર્યક્રમ ગાંધીનગરના સેક્ટર 17 માં આવેલા સ્વર્ણિમ પાર્ક ખાતે પણ યોજાયો હતો.

આ સમારોહમાં સશસ્ત્ર દળોના જવાનોએ મોટી સંખ્યામાં ભાગ લીધો હતો અને આ પ્રસંગે કારગિલ યુદ્ધના નિવૃત્ત સૈનિકોનું સન્માન કરવામાં આવ્યું હતું.

26 જુલાઈ, 2026 એ કારગિલ સંઘર્ષમાં ભારતની નિર્ણાયક જીતની 27મી વર્ષગાંઠ દર્શાવે છે. ગાંધીનગરમાં કાર્યક્રમની શરૂઆત 1999ના કારગિલ યુદ્ધના શહીદોની સ્મૃતિમાં એક મિનિટના મૌન સાથે થઈ હતી. 80 કરતાં વધુ દિવસો સુધી ચાલેલા આ ઉંચાઈવાળા સંઘર્ષ દરમિયાન કુલ 527 ભારતીય સૈનિકોએ સર્વોચ્ચ બલિદાન આપ્યું હતું.

ત્યારબાદ હળવી શારીરિક તાલીમ અને હાઇ ઓક્ટેન ડાન્સ સેશન યોજાયું હતું જેમાં સહભાગીઓએ ઝુમ્બા, ભાંગડા અને પછી લોકપ્રિય હિન્દી ફિલ્મી ગીતો પર ડાન્સ કર્યો હતો.

સાયકલ રાઇડ માટે 55 બોર્ડર સિક્યુરિટી ફોર્સ (BSF) અને 100 ઇન્ડિયન એર ફોર્સ (IAF) ના જવાનો સાથે આશરે 25 નાગરિક સાયકલ સવારો જોડાયા હતા.

સાયકલિંગ રૂટમાં સ્વર્ણિમ પાર્કની પરિક્રમા કરવી, ત્યારબાદ મહાત્મા મંદિર પહોંચવું અને અંતે SAI, NCOE ગાંધીનગર સેન્ટર ખાતે રાઇડ પૂર્ણ કરવાનો સમાવેશ થતો હતો.

નાગરિકોએ સશસ્ત્ર દળો પ્રત્યે આદર વ્યક્ત કરવાની તક ગુમાવી ન હતી કારણ કે ઘણા લોકોએ સૈનિકો સાથે પોતાના ફોટોગ્રાફ્સ પડાવ્યા હતા.

કારગિલ યુદ્ધમાં ભાગ લેનારા BSF ની 8મી બટાલિયનના સભ્યોને કાર્યક્રમમાં સ્મૃતિચિહ્ન અર્પણ કરવામાં આવ્યા હતા. IAF ના અધિકારીઓને પણ તેમની ઉપસ્થિતિ માટે પ્રશંસાના પ્રતિક રૂપે સ્મૃતિચિહ્ન અર્પણ કરવામાં આવ્યા હતા.

સન્માનિત કરાયેલા મહાનુભાવોમાં BSF ના સબ ઇન્સ્પેક્ટર હરેન્દર સિંહ (કારગિલ યુદ્ધના નિવૃત્ત સૈનિક), આસિસ્ટન્ટ સબ ઇન્સ્પેક્ટર સજ્જન સિંહ (કારગિલ યુદ્ધના નિવૃત્ત સૈનિક) અને આસિસ્ટન્ટ સબ ઇન્સ્પેક્ટર આર શ્રીનિવાસ (કારગિલ યુદ્ધના નિવૃત્ત સૈનિક) નો સમાવેશ થાય છે.

IAF માંથી, MWO જિતેન્દર કુમાર અને MWO રેજી સિમોનને સ્મૃતિચિહ્ન અર્પણ કરવામાં આવ્યા હતા.

સાયકલ રાઇડ પછી, સહભાગીઓએ ચેસ, કેરમ, લુડો અને સાપ સીડી જેવી રમતોની પણ મજા માણી હતી.

ડિસેમ્બર 2024 માં કેન્દ્રીય રમતગમત મંત્રી ડૉ. મનસુખ માંડવિયા દ્વારા શરૂ કરવામાં આવેલ, ફિટ ઇન્ડિયા સન્ડેઝ ઓન સાયકલનું આયોજન સાયકલિંગ ફેડરેશન ઓફ ઇન્ડિયા (CFI), ઇન્ડિયન રોપ સ્કીપિંગ ફેડરેશન, યોગાસન ભારત, રાહગીરી ફાઉન્ડેશન, MY બાઇક્સ અને MY ભારત સાથે મળીને સ્પોર્ટ્સ ઓથોરિટી ઓફ ઇન્ડિયા, યુવા બાબતો અને રમતગમત મંત્રાલય (MYAS) દ્વારા કરવામાં આવે છે. આ સાયકલિંગ ડ્રાઇવ SAI રીજનલ સેન્ટર્સ, નેશનલ સેન્ટર્સ ઓફ એક્સેલન્સ (NCOEs), SAI ટ્રેનિંગ સેન્ટર્સ (STCs), ખેલો ઇન્ડિયા સ્ટેટ સેન્ટર્સ ઓફ એક્સેલન્સ (KISCEs) અને ખેલો ઇન્ડિયા સેન્ટર્સ (KICs) સહિત તમામ રાજ્યો અને કેન્દ્રશાસિત પ્રદેશોમાં એકસાથે હાથ ધરવામાં આવે છે.

(रिलीज़ आईडी: 2289618) आगंतुक पटल : 16