بھارتی ریلوے ہر سفر میں اے سی کلاسوں میں سفر کرنے والے مسافروں کو صاف ستھرا اور حفظانِ صحت کے مطابق لینن فراہم کرتی ہے۔ ہر بیڈ رول پیکٹ میں دو چادریں، ایک تکیے کا غلاف اور ایک ہینڈ ٹاول شامل ہوتا ہے۔ ایک چادر سلیپر سیٹ پر بچھانے کے لیے ہوتی ہے، جبکہ معیاری بیڈ رول کِٹ میں فراہم کی جانے والی اضافی چادر کمبل کے نیچے بطور حفاظتی تہہ استعمال کرنے کے لیے ہوتی ہے تاکہ کمبل براہ راست مسافر کے جسم کے ساتھ نہ لگے۔ کمبل کے لیے استعمال ہونے والی اس حفاظتی چادر کو ہر بار ایک ہی استعمال کے بعد دھویا جاتا ہے۔

مسافروں کے سفر کے تجربے کو مزید بہتر بنانے کے لیے ایک پائلٹ اقدام کے طور پر نارتھ ویسٹرن ریلوے کی چلائی جانے والی تمام ٹرینوں اور حال ہی میں کاماکھیا اور ہاوڑہ کے درمیان شروع کی گئی وندے بھارت سلیپر ٹرین میں اے سی کلاس کے تمام مسافروں کو کمبل کی حفاظتی چادر فراہم کی جا رہی ہے۔ اس اقدام کو مسافروں کی جانب سے وسیع پیمانے پر سراہا گیا ہے۔

تمام مشینی لانڈریوں میں لینن کی صفائی کی مؤثریت جانچنے کے لیے وائٹو میٹر  استعمال کیے جاتے ہیں۔ اس کے علاوہ بھارتی ریلوے کی تمام لانڈریوں میں لانڈری کے کاموں کی نگرانی کے لیے سی سی ٹی وی کیمرے نصب کیے گئے ہیں۔

بھارتی ریلوے نے دھلے ہوئے لینن کے معیار کی جانچ کے لیے سنٹرل ریلوے کے پونے ڈویژن اور نارتھ ویسٹرن ریلوے کے جے پور اور جودھپور ڈویژنوں کی لانڈریوں میں مصنوعی ذہانت (اے آئی) پر مبنی خودکار کیمرا داغ شناختی ٹیکنالوجی کے استعمال کا پائلٹ پروجیکٹ بھی شروع کیا ہے۔

ریلوے کے موجودہ قواعد کے تحت لینن کے مختلف اجزا کی مقررہ معیادِ استعمال طے کی گئی ہے، جس کا استعمال، حالت اور قابل استعمال ہونے کی بنیاد پر وقتاً فوقتاً جائزہ لیا جاتا ہے۔ جو لینن قابل استعمال نہیں رہتا، اسے مقررہ ضوابط کے مطابق واپس لے کر اس کی جگہ نیا لینن فراہم کیا جاتا ہے۔ لینن کِٹ کے مختلف اجزا کی مقررہ معیاد استعمال درج ذیل ہے:

ریلوے، اطلاعات و نشریات اور الیکٹرانکس اور انفارمیشن ٹیکنالوجی کے مرکزی وزیر جناب اشونی ویشنو نے آج راجیہ سبھا میں ایک سوال کے جواب میں یہ معلومات فراہم کیں۔

                                               **************

ش ح۔ ف ش ع

24-07-2026

                                                                                                                                          U: 532