ભારતીય રેલવે દરેક ટ્રિપમાં AC ક્લાસમાં મુસાફરી કરતા મુસાફરોને સ્વચ્છ અને આરોગ્યપ્રદ બેડરોલ (લીનન)પૂરું પાડે છે. દરેક બેડરોલ પેકેટમાં બે બેડ શીટ્સ, એક ઓશીકાનું કવર અને એક હેન્ડ ટોવેલ હોય છે. આ બે બેડશીટમાંથી એક બેડશીટ સૂવાની સીટ પર પાથરવા માટે હોય છે, જ્યારે બીજી બેડશીટ ધાબળા (બ્લેન્કેટ) અને મુસાફરના શરીર વચ્ચે આવરણ તરીકે ઉપયોગમાં લેવા માટે આપવામાં આવે છે, જેથી ધાબળો સીધો શરીરના સંપર્કમાં ન આવે. આ બ્લેન્કેટ કવર બેડશીટનો એક વખત ઉપયોગ કર્યા બાદ ધોઈને ફરી ઉપયોગમાં લેવામાં આવે છે.

મુસાફરોના અનુભવને સુધારવા માટે એક પાયલોટ પ્રોજેક્ટ તરીકે, ઉત્તર પશ્ચિમ રેલવે દ્વારા સંચાલિત ટ્રેનોમાં અને કામાખ્યા અને હાવડા વચ્ચે દોડતી નવી લોન્ચ કરાયેલી વંદે ભારત સ્લીપર ટ્રેનમાં AC ક્લાસના તમામ મુસાફરોને બ્લેન્કેટ કવર પૂરા પાડવામાં આવી રહ્યા છે. આ પહેલની મુસાફરો દ્વારા વ્યાપક પ્રશંસા કરવામાં આવી છે.

લીનનની સફાઈની અસરકારકતા ચકાસવા માટે તમામ મિકેનાઇઝ્ડ લોન્ડ્રીઓમાં વ્હાઇટો-મીટર્સનો ઉપયોગ કરવામાં આવે છે. લોન્ડ્રી કામગીરી પર નજર રાખવા માટે સમગ્ર ભારતીય રેલવેની લોન્ડ્રીઓમાં CCTV કેમેરા સ્થાપિત કરવામાં આવ્યા છે.

ભારતીય રેલવેએ ધોવાયેલા લીનનની ગુણવત્તા સુનિશ્ચિત કરવા માટે મધ્ય રેલવેના પુણે ડિવિઝન અને ઉત્તર પશ્ચિમ રેલવેના જયપુર તથા જોધપુર ડિવિઝનની લોન્ડ્રીઓમાં ઓટોમેટેડ AI-કેમેરા સ્ટેન ડિટેક્શન ટેકનોલોજીનો ઉપયોગ કરવાનો પાઇલટ પ્રોજેક્ટ પણ શરૂ કર્યો છે.

હાલના રેલવે નિયમો હેઠળ વિવિધ લીનન વસ્તુઓની કોડલ આયુષ્ય નિર્ધારિત કરવામાં આવી છે અને તેનો ઉપયોગ, સ્થિતિ તથા ઉપયોગિતાના આધારે સમયાંતરે સમીક્ષા કરવામાં આવે છે. બિન-ઉપયોગી માલૂમ પડતી લીનન વસ્તુઓને પાછી ખેંચી લેવામાં આવે છે અને નિર્ધારિત ધોરણો અનુસાર બદલવામાં આવે છે. લીનન કિટના વિવિધ ઘટકોનું નિર્ધારિત સેવા આયુષ્ય નીચે મુજબ છે:

આ માહિતી કેન્દ્રીય રેલવે, માહિતી અને પ્રસારણ તેમજ ઇલેક્ટ્રોનિક્સ અને માહિતી પ્રોદ્યોગિકી મંત્રી શ્રી અશ્વિની વૈષ્ણવ દ્વારા આજે રાજ્યસભામાં એક પ્રશ્નના જવાબમાં આપવામાં આવી હતી.

IJ/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com