چیئرمین: معزز ارکان، 26 جولائی کو قوم کارگل وجے دیوس منائے گی تاکہ 1999 کی کارگل جنگ میں بھارت کی فتح کو یاد کیا جائے اور ہمارے مسلح افواج کے بہادر افسروں اور سپاہیوں کو خراجِ تحسین پیش کیا جائے جنھوں نے بے مثال ہمت، شجاعت اور فرض کے لیے غیر متزلزل لگن کے ساتھ ہماری قوم کی خودمختاری اور علاقائی سالمیت کا دفاع کیا۔

اس موقع پر، یہ ایوان قوم کی خدمت میں قربانی دینے والے بہادر شہیدوں کو  خراجِ عقیدت پیش کرتا ہے۔ ہم مسلح افواج کے تمام اراکین کے لیے بھی اپنی گہری شکرگزاری کا اظہار کرتے ہیں جن کی ناقابلِ تسخیر شجاعت، ثابت قدمی اور بے لوث وابستگی غیر معمولی چیلنجوں کے سامنے قوم کو تحریک دیتی رہتی ہے اور ملک کی اتحاد، خودمختاری اور سالمیت کو برقرار رکھنے کے ہمارے اجتماعی عزم کی تصدیق کرتی ہے۔

مجھے یقین ہے کہ اس ایوان کے ارکان میرے ساتھ بہادر شہیدوں کو خراجِ عقیدت پیش کرنے میں شریک ہوں گے۔

میں ارکان سے گزارش کرتا ہوں کہ وہ شہیدوں کی یاد میں احترام کے طور پر اپنی جگہوں پر کھڑے ہوں اور خاموشی اختیار کریں۔

***

(ش ح - ع ا)

U.No. 537

(रिलीज़ आईडी: 2289008) आगंतुक पटल : 7