ہاؤسنگ و شہری امور کے وزیر مملکت  جناب توکھن ساہو نے آج لوک سبھا میں ایک تحریری جواب کے دوران بتایا کہ اسمارٹ سٹیز مشن کے نفاذ میں مربوط کمانڈ اور کنٹرول سینٹرز نے انتہائی اہم اور کلیدی رول ادا کیا ہے۔ یہ مراکز حقیقی وقت کی نگرانی (ریئل ٹائم مانیٹرنگ)، ڈیٹا پر مبنی فیصلہ سازی اور مختلف شعبوں جیسے کہ نقل و حمل (موبلٹی)، پانی کی فراہمی، صفائی ستھرائی، ٹھوس کچرے کے بندوبست اور عوامی تحفظ وغیرہ میں مربوط خدمات کی فراہمی کو ممکن بنا کر شہری انتظامیہ میں اہم کردار ادا کرتے ہیں۔

اسمارٹ سٹیز مشن کے تحت تمام 100 اسمارٹ شہروں میں مربوط کمانڈ اور کنٹرول سینٹرز کو فعال کیا جا چکا ہے۔ یہ مراکز شہری انتظام میں ایک فعال رول ادا کرتے ہیں، جس سے اہم شعبوں جیسے نقل و حمل، پانی کی فراہمی، صفائی ستھرائی، ٹھوس کچرے کا انتظام، اور عوامی تحفظ میں خدمات کی بہتری کو یقینی بنایا جاتا ہے۔

یہ مراکز شہری عملیات اور نظاموں کے لیے آئی سی سی سی  مرکز  کے طور پر کام کر رہے ہیں، جو ریئل ٹائم مانیٹرنگ، ڈیٹا پر مبنی فیصلوں اور شہری خدمات کے پیشگی انتظام کو ممکن بناتے ہیں۔ یہ سینٹرز مختلف شہری شعبوں—جیسے کہ ٹریفک کا انتظام، کچرے کی تلفی، پانی کی فراہمی، اسٹریٹ لائٹنگ، عوامی تحفظ اور ہنگامی ردِعمل کے نظام کے ڈیٹا کو ایک جگہ یکجا  کرتے ہیں۔ جن اہم شعبوں میں ان کا موثر استعمال ہو رہا ہے ان میں ٹریفک اور موبلٹی مینجمنٹ، ٹھوس کچرے کے بندوبست، ہنگامی و آفت زدہ حالات کا مقابلہ، شہریوں کی شکایات کا ازالہ اور عوامی تحفظ و نگرانی شامل ہیں۔

ان مراکز سے حاصل ہونے والے ڈیٹا اور معلومات کا استعمال شہری منصوبہ بندی اور پالیسی سازی کے فیصلوں کے لیے تیزی سے کیا جا رہا ہے، جس سے شہروں کی پائیداری میں اضافہ ہو رہا ہے اور شہریوں کا معیارِ زندگی بہتر ہو رہا ہے۔ اس کی مخصوص مثالوں میں ٹریفک کی بہتری اور قوانین کی پاسداری کے لیے انٹیلیجنٹ ٹریفک مینجمنٹ سسٹم (آئی ٹی ایم ایس) اور آٹومیٹک نمبر پلیٹ ریکگنیشن (اے این پی آر)، کچرے کی موثر جمع آوری کے لیے جی پی ایس پر مبنی روٹ آپٹمائزیشن، عوامی تحفظ کے لیے چہرے کی شناخت کا نظام (فیشل ریکگنیشن سسٹمز) اور بڑے اجتماعات کو سنبھالنے و سکیورٹی یقینی بنانے کے لیے ہجوم کی نگرانی کی ٹیکنالوجی شامل ہیں۔ یہ تمام جدید وسائل ثبوت پر مبنی طرزِ حکمرانی کو ممکن بناتے ہیں، آپریشنل کارکردگی کو بڑھاتے ہیں اور شہری سطح پر بروقت اور پیشگی فیصلہ سازی میں مدد فراہم کرتے ہیں۔

۔۔۔۔۔۔۔۔۔۔۔

ش ح۔م م ع۔ن م۔

U-495

                          

(रिलीज़ आईडी: 2288786) आगंतुक पटल : 5