قومی آفات سے نمٹنے کا منصوبہ (این ڈی ایم پی) پہلی بار سال 2016 میں تیار اور جاری کیا گیا تھا۔ اس منصوبے پر تمام اسٹیک ہولڈروں کے ساتھ مشاورت کے بعد سال 2019 میں نظر ثانی کی گئی۔ نظر ثانی شدہ این ڈی ایم پی میں مرکزی اور ریاستی سطح پر تمام شعبوں، وزارتوں اور محکموں کے ساتھ ساتھ ضلعی سطح کے اہلکاروں کو یکجا کیا گیا ہے اور آفات کے خطرے کو کم کرنے میں ان کے متعلقہ کردار اور ذمہ داریوں کی وضاحت کی گئی ہے۔

این ڈی ایم پی کے مندرجہ ذیل اہم ستون ہیں:

· قومی قانونی مینڈیٹس کے مطابق - آفات سے نمٹنے کا ایکٹ، 2005 اور آفات سے نمٹنے کے قومی پالیسی (این پی ڈی ایم) 2009

· بھارت جن معاہدوں کا دستخط کنندہ ہے، ان کے مطابق عالمی اہداف کے حصول کے لیے فعال طور پر حصہ لینا - آفات کے خطرے کو کم کرنے کے لیے سینڈائی فریم ورک (ڈی آر آر)، پائیدار ترقی کے اہداف (ایس ڈی جی)، اور ماحولیاتی تبدیلی پر پیرس معاہدے کے تحت ہونے والی کانفرنس آف پارٹیز (سی او پی 21)

· ڈی آر آر کے لیے وزیر اعظم کے دس نکاتی ایجنڈے میں موجودہ قومی ترجیحات کو بیان کیا گیا ہے

· سماجی شمولیت ایک ہمہ گیر اور ہر شعبے میں رائج اصول کے طور پر

آفت کے خطرات میں کمی کو مرکزی دھارے میں لانا قومی آفت مینجمنٹ پلان (این ڈی ایم پی) کی ایک لازمی خصوصیت ہے۔

انڈیا ڈیزاسٹر ریسورس نیٹ ورک (آئی ڈی آر این) ایک ملک گیر الیکٹرانک وسائل کی انوینٹری ہے جو اضلاع، ریاستوں اور قومی سطح کے لائن محکموں اور ایجنسیوں سے حاصل کردہ سازوسامان اور انسانی وسائل کی فہرست بناتی ہے۔ آئی ڈی آر این ہنگامی ردعمل کے لیے سازوسامان، ہنرمند انسانی وسائل اور اہم سپلائیوں کی انوینٹری کے انتظام کے لیے ایک ویب پر مبنی پلیٹ فارم ہے۔

آئی ڈی آر این پورٹل کا بنیادی مقصد فیصلہ سازوں کو کسی بھی ہنگامی صورت حال سے نمٹنے کے لیے درکار سازوسامان اور انسانی وسائل کی دستیابی کا تعین کرنے کے قابل بنانا ہے۔

یہ ڈیٹا بیس انھیں مخصوص آفات کے لیے تیاری کی سطح اور ان کے مقام کے ساتھ سازوسامان کی دستیابی کا اندازہ لگانے کے قابل بھی بناتا ہے، جسے آفات کے وقت ضرورت مند ریاستوں/مرکزی علاقوں/ اسٹیک ہولڈروں آسانی سے معلوم اور استعمال کر سکتے ہیں، تاکہ فوری ردعمل کو آسان بنایا جا سکے۔

آئی ڈی آر این کی تفصیلات https://idrn.nidm.gov.in پر دستیاب ہیں۔

یہ بات وزارتِ داخلہ کے وزیرِ مملکت جناب نتیانند رائے نے راجیہ سبھا میں ایک سوال کے تحریری جواب میں بتائی۔

***

(ش ح - ع ا)

U.No. 361

(रिलीज़ आईडी: 2287835) आगंतुक पटल : 8