بھارت سرکار کے اسکلانڈیا مشن (ایس آئی ایم) کے تحت، ہنرمندی کی ترقی اور انٹرپرینیورشپ کی وزارت (ایم ایس ڈی ای) ملک بھر میں سماج کے تمام طبقات کے لیے مختلف اسکیموں، یعنی پردھان منتری کوشل وکاس یوجنا (پی ایم کے وی وائی)، جن شِکشا سنستھان (جے ایس ایس)، نیشنل اپرنٹس شپ پروموشن اسکیم (این اے پی ایس) اور کرافٹس مین ٹریننگ اسکیم (سی ٹی ایس) کے تحت صنعتی تربیت اداروں (آئی ٹی آئیز) کے ذریعے ہنرمندی، دوبارہ ہنرمندی اور اپ-ااسکلٹریننگ فراہم کرتی ہے۔ ایس آئی ایم کا مقصد بھارتی نوجوانوں کو مستقبل کے لیے تیار کرنا ہے، جو صنعت سے متعلقہ ہنرمندی سے آراستہ ہوں۔

ملک میں ہنرمندی کی ترقی کے ایکو سسٹم کو وسعت دینے، صنعت کی فعال شمولیت کو یقینی بنانے اور ہنرمندی کی تربیت تک رسائی کو بڑھانے کے لیے، ایم ایس ڈی ای نے دیگر اقدامات کے علاوہ درج ذیل اقدامات کیے ہیں:

· نیشنل کونسل فار ووکیشنل ایجوکیشن اینڈ ٹریننگ (این سی وی ای ٹی) کو ایک وسیع ریگولیٹر کے طور پر قائم کیا گیا ہے جو تکنیکی اور پیشہ ورانہ تعلیم و تربیت (ٹی وی ای ٹی) کے شعبے میں معیار کو یقینی بنانے کے لیے ضوابط اور معیارات قائم کرتی ہے۔ این سی وی ای ٹی صنعت کے اداروں کو ایوارڈنگ باڈیز (اے بیز) اور/یا اسیسمنٹ ایجنسیز (اے اےز) کے طور پر تسلیم کرتی ہے۔

· ایوارڈنگ باڈیز سے توقع کی جاتی ہے کہ وہ صنعت کی مانگ کے مطابق اہلیتیں تیار کریں گی اور انھیں نیشنل کلاسیفیکیشن آف اوکیوپیشنز، 2015 کے مطابق شناخت شدہ پیشوں کے ساتھ نقشہ بنائیں گی اور صنعت کی توثیق حاصل کریں گی۔ این سی وی ای ٹی نے صنعت کی ضروریات کے مطابق 10209 اہلیتوں کی منظوری دی ہے، جن میں سے 2975 اہلیتیں درست اور فعال ہیں، اور 7234 اہلیتیں آرکائیو کی گئی ہیں۔

· ایم ایس ڈی ای کی مختلف اسکیموں کے تحت، مطلوبہ معیار والے تربیتی مراکز قائم کیے گئے ہیں یا مختصر مدتی اور طویل مدتی تربیت فراہم کرنے کے لیے شامل کیے گئے ہیں۔ 30.06.2026 تک پی ایم کے وی وائی کے تحت 13633 تربیتی مراکز قائم کیے گئے ہیں یا شامل کیے گئے ہیں اور جے ایس ایس اسکیم کے تحت 294 تربیتی مراکز قائم کیے گئے ہیں۔ نیز، ملک بھر میں پھیلے ہوئے ڈائریکٹوریٹ جنرل آف ٹریننگ (ڈی جی ٹی) کے تحت 13856 آئی ٹی آئیز اور 33 این ایس ٹی آئیز موجود ہیں۔

· نیز، ملک میں پیشہ ورانہ تربیت کے مجموعی معیار اور مطابقت کو بڑھانے کے لیے، پردھان منتری سکلنگ اینڈ ایمپلائبلٹی ٹرانسفارمیشن تھرو اپ گریڈڈ آئی ٹی آئیز (پی ایم سییتو) اسکیم شروع کی گئی ہے۔ اس اسکیم کا مقصد دیگر کے علاوہ، ایک ہب اور اسپوک ماڈل میں 1,000 سرکاری آئی ٹی آئیز (200 ہب آئی ٹی آئیز اور 800 اسپوک آئی ٹی آئیز) کو اپ گریڈ کرنا ہے، جس میں اپ گریڈیشن میں اسمارٹ کلاس رومز، جدید لیبارٹریز، ڈیجیٹل مواد، اور صنعت کی ضروریات کے مطابق نئے کورسز شامل ہیں۔ اس کا مقصد بھونیشور، چنئی، حیدرآباد، کانپور، اور لدھیانہ میں واقع پانچ این ایس ٹی آئیز کی صلاحیت کو بھی بڑھانا ہے، جس میں عالمی شراکت داری کے ساتھ تربیت دہندگان کی ایڈوانسڈ ٹریننگ پر توجہ کے ساتھ ہنرمندی کے لیے شعبہ جاتی مخصوص نیشنل سینٹرز آف ایکسیلنس کا قیام شامل ہے۔

· ڈی جی ٹی صنعتوں کے ساتھ تعاون میں فلیکسی ایم او یو اسکیم اور ڈوئل سسٹم آف ٹریننگ (ڈی ایس ٹی) کو نافذ کر رہا ہے تاکہ آئی ٹی آئی طلبہ کو حقیقی صنعتی ماحول میں تربیت فراہم کی جا سکے۔

· ڈی جی ٹی نے آئی ٹی آئی اداروں کے لیے ریاستی اور علاقائی سطح پر صنعتی روابط کو یقینی بنانے کے لیے آئی ٹی ٹیک اور آئی بی ایم، مائیکروسافٹ، آٹو ڈیسک، اے ڈبلیو ایس، شیل وغیرہ جیسی دیگر کمپنیوں کے ساتھ ایم او یو پر دستخط کیے ہیں۔ یہ شراکتیں جدید اور گرین ٹیکنالوجیز میں تکنیکی اور پیشہ ورانہ ہنرمندی کی تربیت کی فراہمی میں سہولت فراہم کرتی ہیں۔

· دو (02) انڈین انسٹی ٹیوٹ آف سکلز (آئی آئی ایس) احمد آباد اور ممبئی میں، پبلک پرائیویٹ پارٹنرشپ (پی پی پی) موڈ میں، ابھرتے ہوئے اقتصادی مواقع کے مطابق صنعت کے لیے تیار افرادی قوت کو ہم آہنگ کرنے کے مقصد سے قائم کیے گئے ہیں۔

· 36 سیکٹر اسکلکونسلز (ایس ایس سی) قائم کی گئی ہیں جن کی قیادت متعلقہ شعبوں میں صنعت کے رہ نما کر رہے ہیں، جنھیں متعلقہ شعبوں کی ہنرمندی کی ترقی کی ضروریات کی نشان دہی کرنے کے ساتھ ساتھ ہنرمندی کی قابلیت کے معیارات کا تعین کرنے کا مینڈیٹ دیا گیا ہے۔

· مزید برآں، وزارت نے ملک بھر میں تصدیق شدہ امیدواروں کے لیے روزگار کے مواقع فراہم کرنے کی سہولت کے لیے کوشل مہوتسوز اور پردھان منتری نیشنل اپرنٹس شپ میلوں (پی ایم این اے ایمز) کا انعقاد کیا ہے۔

· ایم ایس ڈی ای نے اسکلانڈیا ڈیجیٹل ہب (ایس آئی ڈی ایچ) لانچ کیا ہے، جو ایک متحد پلیٹ فارم ہے جو ہنرمندی، تعلیم، روزگار، اور انٹرپرینیورشپ کے ایکو سسٹم کو مربوط کرتا ہے تاکہ زندگی بھر کی خدمات فراہم کی جا سکیں۔ اسکلانڈیا ڈیجیٹل ہب کے ذریعے، امیدوار ہنرمندی کی تربیت، ملازمتوں اور اپرنٹس شپ کے مواقع تک رسائی حاصل کر سکتے ہیں۔ تربیت یافتہ امیدواروں کی تفصیلات ممکنہ آجروں سے رابطہ قائم کرنے کے لیے ایس آئی ڈی ایچ پورٹل پر دستیاب ہیں۔

حکومت اسکلانڈیا مشن کے تحت ہنرمندی کی پہل کا وقتاً فوقتاً جائزہ لیتی ہے، جس میں اندراج، سند، روزگار، خود روزگار کے نتائج اور آجر کی رائے کا اندازہ لگایا جاتا ہے تاکہ ان کی روزگار کی صلاحیت اور مستقبل کی ہنرمندی کو مضبوط کرنے میں ان کی تاثیر کا اندازہ لگایا جا سکے۔ یہ جائزے مسلسل نصاب اپ ڈیٹس، صنعت کے تعاون اور عمل درآمد کے طریقوں میں بہتری کی حمایت کرتے ہیں، یہ یقینی بناتے ہوئے کہ ہنرمندی کے پروگرام بدلتے ہوئے ٹیکنالوجی کے رجحانات اور لیبر مارکیٹ کی ضروریات کے مطابق رہیں۔ وسیع ہنرمندی کی ترقی کی اسکیموں کی تاثیر کا اندازہ ایم آئی ایس پر مبنی نگرانی، تیسرے فریق کی تشخیص اور مستفید ہونے والوں کی رائے کے ذریعے بھی لگایا جاتا ہے۔

پی ایم کے وی وائی 4.0 کا ایک آزاد تیسرے فریق کا امپیکٹ ایویلیوایشن ارون جیٹلی نیشنل انسٹی ٹیوٹ آف فنانشل مینجمنٹ (اے جے این آئی ایف ایم)، وزارتِ خزانہ، بھارت سرکار کے ایک خود مختار ادارے نے کیا ہے۔ رپورٹ کے مطابق، پی ایم کے وی وائی تربیت نے مختصر مدتی تربیت (ایس ٹی ٹی) کے امیدواروں کے روزگار کے نتائج میں ایک قابل پیمائش تبدیلی میں حصہ ڈالا ہے۔ روزگار یافتہ اور خود روزگار ایس ٹی ٹی جواب دہندگان کا مشترکہ حصہ تربیت سے پہلے 26.6% سے بڑھ کر پی ایم کے وی وائی تربیت کے بعد 45.4% ہو گیا، جو 18.8 فیصد پوائنٹس کا اضافہ ظاہر کرتا ہے۔ آمدنی سے متعلقہ نتائج بھی مثبت حرکت دکھاتے ہیں، جس میں 41.4% ایس ٹی ٹی امیدوار اور 48.9% ریکگنیشن آف پرائر لرننگ (آر پی ایل) کے امیدواروں نے تربیت اور سند کے بعد آمدنی میں اضافے کی اطلاع دی ہے۔ مجموعی طور پر، پی ایم کے وی وائی 4.0 نے رسمی ہنرمندی کی تربیت اور سند تک رسائی کو نمایاں طور پر بڑھایا ہے اور مستفید ہونے والوں کے ایک بڑے تناسب کے لیے ہنرمندی کے اعتماد، روزگار کی شرکت، اور آمدنی کے نتائج میں قابل پیمائش بہتری پیدا کی ہے۔

پی ایم کے وی وائی 4.0 کیریئر کی ترقی، روزگار کی پیداوار کے لیے منظم راستے فراہم کرتا ہے۔ یہ اسکیم تربیت کے معیار کو بہتر بنانے کے لیے ایک مضبوط نگرانی کے فریم ورک، تسلیم شدہ اور الحاق شدہ تربیتی مراکز، معیاری تشخیص اور سند کے عمل، اور لازمی ٹریننگ آف ٹرینرز (ٹو ٹی) اور ٹریننگ آف اسیسرز (ٹو اے) پروگراموں کو اپناتا ہے۔ اسکیم میں ٹیکنالوجی سے فعال نگرانی کے طریقہ کار بھی شامل ہیں، جن میں آدھار/چہرے کی تصدیق پر مبنی حاضری، ڈیجیٹل جاب پلیٹ فارمز کے ساتھ انضمام اور ہنرمندی کے فرق کا اندازہ لگانے کے لیے وقتاً فوقتاً مطالعہ اور اسٹیک ہولڈر مشاورت شامل ہیں۔ یہ اقدامات ہنرمندی کی تربیت کی فراہمی میں شفافیت، جواب دہی اور نتیجہ سے باخبر رہنے کو بہتر بناتے ہیں۔ مجموعی طور پر، پی ایم کے وی وائی 4.0 تربیت کے نتائج اور افرادی قوت کی تیاری کو بہتر بنانے پر مرکوز ایک معیاری، ٹیکنالوجی سے فعال اور مارکیٹ سے جڑے ہنرمندی کے ایکو سسٹم میں تیار ہوا ہے۔

یہ معلومات آج راجیہ سبھا میں ایک تحریری جواب میں ہنرمندی کی ترقی اور انٹرپرینیورشپ کی وزارت (ایم ایس ڈی ای) کے وزیر مملکت (آزادانہ چارج)، جناب جینت چودھری نے دی۔

***

(ش ح - ع ا)

U.No. 363

(रिलीज़ आईडी: 2287830) आगंतुक पटल : 8