ఆంధ్రప్రదేశ్‌లో గ్రామీణ ప్రాంతాలు సహా రాష్ట్ర వ్యాప్తంగా విస్తృత శ్రేణి డిజిటల్, పౌర-కేంద్రిత సేవలను అందించడం లక్ష్యంగా... 'సీఎస్‌సీ ఇ-గవర్నెన్స్ సర్వీసెస్ ఇండియా లిమిటెడ్ సహకారంతో అర్హత కలిగిన ప్రాథమిక వ్యవసాయ పరపతి సంఘాలు (పీఏసీఎస్), 'కామన్ సర్వీస్ సెంటర్లు' (సీఎస్‌సీలు)గా సేవలందించేలా సహకార మంత్రిత్వ శాఖ ఏర్పాట్లు చేస్తోంది.

ఆంధ్రప్రదేశ్‌ సహా సీఎస్‌సీ ఎస్‌పీవీల ద్వారా అందే సమీక్షా సమావేశాలు, స్థితి నివేదికల ద్వారా సీఎస్‌సీలుగా సేవలందిస్తున్న పీఏసీఎస్‌ల పనితీరును ఎప్పటికప్పుడు పర్యవేక్షిస్తారు. ఇప్పటివరకు, ఆంధ్రప్రదేశ్ రాష్ట్రంలో 1,958 పీఏసీఎస్‌లను సీఎస్‌సీలుగా మార్చారు. వాటిలో 1,869 పీఏసీఎస్‌లు ప్రస్తుతం సీఎస్‌సీలుగా పనిచేస్తున్నాయి.

సీఎస్‌సీలుగా సేవలందిస్తున్న పీఏసీఎస్‌లు... బ్యాంకింగ్, ఆర్థిక సేవలు, బీమా సేవలు, ఆధార్ ఆధారిత సేవలు, యుటిలిటీ బిల్లుల చెల్లింపులు, పాన్ (PAN) కార్డు సేవలు, వ్యవసాయ-అనుబంధ సేవలు, ప్రభుత్వం-పౌరుల సంబంధిత (జీ2సీ) సేవలు, వ్యాపార సంస్థలు-పౌరుల సంబంధిత (బీ2సీ) సేవలు సహా అనేక రకాల డిజిటల్ సేవలను అందిస్తున్నాయి. గ్రామీణ ప్రాంతాలు, తగినంత సేవలు అందుబాటులో లేని ప్రాంతాల్లో డిజిటల్, ప్రభుత్వ సేవల లభ్యతను ఈ సేవలు మెరుగుపరుస్తాయి. ఆంధ్రప్రదేశ్‌లో సీఎస్‌సీలుగా సేవలందిస్తున్న పీఏసీఎస్‌ల వివరాలు అనుబంధంలో పేర్కొన్నారు.

అనుబంధం

ఆంధ్రప్రదేశ్‌లో సీఎస్‌సీలుగా సేవలందిస్తున్న పీఏసీఎస్‌ల స్థితి

క్ర.సం.	జిల్లా	సీఎస్‌సీగా మార్చిన పీఏసీఎస్‌	సీఎస్‌సీగా సేవలందిస్తున్న పీఏసీఎస్‌	సేవలందించని పీఏసీఎస్
1	అల్లూరి సీతారామరాజు	1	1	0
2	అనకాపల్లి	1	1	0
3	అనంతపూర్	110	106	4
4	అన్నమయ్య	4	4	0
5	చిత్తూరు	64	59	5
6	తూర్పు గోదావరి	294	288	6
7	గుంటూరు	157	137	20
8	కాకినాడ	1	1	0
9	కోనసీమ	1	1	0
10	కృష్ణా	403	381	22
11	కర్నూలు	98	92	6
12	నంద్యాల	1	1	0
13	ఎన్‌టీఆర్	1	1	0
14	పల్నాడు	3	3	0
15	పార్వతీపురం మన్యం	2	2	0
16	ప్రకాశం	171	164	7
17	ఎస్‌పీఎస్ఆర్ నెల్లూరు	87	86	1
18	శ్రీ సత్య సాయి	2	2	0
19	శ్రీకాకుళం	48	48	0
20	తిరుపతి	1	1	0
21	విశాఖపట్నం	94	91	3
22	విజయనగరం	92	91	1
23	పశ్చిమ గోదావరి	258	251	7
24	వై.ఎస్.ఆర్.	64	57	7
మొత్తం		1958	1869	89

 

లోక్‌సభలో కేంద్ర హోం, సహకార శాఖ మంత్రి శ్రీ అమిత్ షా లిఖితపూర్వక సమాధానం ద్వారా ఈ సమాచారాన్ని అందించారు.

 

***

(रिलीज़ आईडी: 2287514) आगंतुक पटल : 16