தேசிய தொழில்நுட்ப ஜவுளிகள் இயக்கத்தின்கீழ், தொழில்நுட்ப ஜவுளிகளில் ஆர்வமுடைய புதுமை கண்டுபிடிப்பாளர்களுக்கு ஆராய்ச்சி, தொழில்முனைவுக்கான மானிய நிதியுதவியை மத்திய ஜவுளி அமைச்சகம் அமல்படுத்தி வருகிறது. இளம் புதுமை கண்டுபிடிப்பாளர்கள், அறிவியலாளர்கள், தொழில்நுட்பவியலாளர்கள், புத்தொழில் நிறுவனங்கள் ஆகியோருக்கு உதவும் வகையில் 2023-ம் ஆண்டுமுதல் இந்த இயக்கம் மேற்கொள்ளப்படுகிறது. இத்திட்டத்தின்கீழ், 31 புத்தொழில் நிறுவனங்களுக்கு ரூ.15.40 கோடி ஒப்புதல் அளிக்கப்பட்டுள்ளது. இது மத்திய அரசின் பங்களிப்பு ரூ.13.65 கோடி ஆகும்.

இத்திட்டத்தின்கீழ், தமிழ்நாட்டில் 6 புத்தொழில் திட்டங்கள் உட்பட 10 மாநிலங்களில் 31 புத்தொழில் திட்டங்களுக்கு ஒப்புதல் அளிக்கப்பட்டுள்ளது. தமிழ்நாட்டில் சென்னை, ஈரோடு, நீலகிரி, திருப்பூர் ஆகிய இடங்களில் தலா ஒரு புத்தொழில் திட்டத்திற்கும், தஞ்சாவூரில் 2 புத்தொழில் திட்டத்திற்கும் ஒப்புதல் அளிக்கப்பட்டுள்ளது.

மேலும், இத்திட்டத்தின்கீழ் கல்வி நிறுவனங்களுக்கு நிதியுதவி அளிக்கப்படுகிறது.  சென்னை, சேலம், திருச்சிராப்பள்ளி, செங்கல்பட்டு, வேலூர், திண்டுக்கல் ஆகிய இடங்களில் தலா ஒரு கல்வி நிறுவனத்திற்கும், கோயம்புத்தூரில் 6 கல்வி நிறுவனங்களுக்கும் நாமக்கல்லில் 2 கல்வி நிறுவனங்களுக்கும் நிதியுதவி வழங்கப்பட்டுள்ளது.

இத்தகவலை மத்திய ஜவுளித்துறை இணையமைச்சர் திரு பபித்ரா மார்கரேட்டா மக்களவையில் இன்று எழுத்துப்பூர்வமாக அளித்த பதிலில் தெரிவித்தார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்: https://www.pib.gov.in/PressReleasePage.aspx?PRID=2286962&reg=3&lang=1

****

TV/IR/GS/SH

(रिलीज़ आईडी: 2287484) आगंतुक पटल : 11