جناب ہرجیت سنگھ گریوال نے آج اقلیتوں کے قومی کمیشن کے چیئرمین کا عہدہ سنبھال لیا ہے۔ یہ تقرری اقلیتی برادریوں کی فلاح و بہبود، شمولیت، اختیار دہی اور سماجی و اقتصادی ترقی کے فروغ کے لیے ایک نئے عزم کے آغاز کی عکاس ہے۔ عوامی زندگی اور تنظیمی قیادت کا وسیع تجربہ رکھنے والے شری گریوال سماجی ہم آہنگی، عوامی فلاح و بہبود اور ہمہ جہت ترقی کے فروغ میں سرگرمی سے شامل رہے ہیں۔

اقلیتوں کے قومی کمیشن کی رکن محترمہ ایس منوری بیگم نے 20 جولائی 2026 کو کمیشن کی نائب چیئرپرسن کا عہدہ سنبھال لیا ہے۔ عوامی خدمت میں وسیع تجربہ رکھنے والی محترمہ بیگم سے توقع کی جاتی ہے کہ وہ اقلیتوں کے حقوق کے تحفظ، مساوی مواقع کے فروغ اور مبنی بر شمولیت حکمرانی کو مضبوط بنانے کے کمیشن کے مینڈیٹ کو آگے بڑھانے میں ایک کلیدی کردار ادا کریں گی۔

جناب گریوال، چیئرمین این سی ایم کا کمیشن کے دفتر پہنچنے پر ڈاکٹر اتیا نند، جوائنٹ سکریٹری این سی ایم اور دیگر سینئر افسران نے گرمجوشی سے استقبال کیا۔ کمیشن نے جناب گلین سوزا ٹِکلو کا بھی استقبال کیا جنہوں نے عیسائی برادری کی نمائندگی کرنے والے رکن کے طور پر عہدہ سنبھالا ہے۔ ایک ممتاز عوامی نمائندے، جناب ٹِکلو نے 2012 سے 2022 کے درمیان الڈونا حلقہ انتخاب سے لگاتار دو بار گوا قانون ساز اسمبلی کے رکن (ایم ایل اے) کے طور پر خدمات انجام دیں۔

جناب برجیس دیسائی 10 مارچ 2026 کو پارسی برادری کی نمائندگی کرنے والے رکن کے طور پر اقلیتوں کے قومی کمیشن میں شامل ہوئے ہیں۔ ایک محترم عوامی شخصیت اور معروف مصنف، شری دیسائی نے ہائی کورٹ کے ایک معزز وکیل کے طور پر بھی اپنی پہچان بنائی ہے۔

چیئرمین، وائس چیئرپرسن اور مختلف اقلیتی برادریوں کی نمائندگی کرنے والے ارکان کی شمولیت کے ساتھ، اقلیتوں کا قومی کمیشن انصاف، برابری، اختیار دہی اور ہمہ جہت ترقی کو یقینی بنانے کی سمت میں اپنی کوششوں کو مزید مضبوط کرنے کے لیے پوری طرح تیار ہے۔

**********

 (ش ح –اب ن)

U.No:294

(रिलीज़ आईडी: 2287385) आगंतुक पटल : 7