بھارت سرکار کے محکمہ ماہی پروری کے ذریعے نافذ کردہ پردھان منتری متسیہ سمپدا یوجنا (پی ایم ایم ایس وائی) مچھلی کاشتکار پروڈیوسر تنظیموں کے قیام کے لیے دیگر امور کے علاوہ مالی معاونت فراہم کرتی ہے تاکہ مچھیروں اور مچھلی کاشتکاروں کو اقتصادی طور پر تفویضِ اختیارات دیے جا سکیں اور ان کی سودے بازی کی طاقت بڑھائی جا سکے۔ وزارتِ ماہی پروری، مویشی پروری اور ڈیری کے ماتحت محکمہ ماہی پروری نے گذشتہ پانچ برسوں (مالی سال 2021-22 سے مالی سال 2025-26) کے دوران ملک میں 2195 مچھلی کاشتکار پروڈیوسر تنظیموں کے قیام کے لیے 544.86 کروڑ روپے مالیت کے منصوبوں کی منظوری دی ہے، جس میں 195 نئی مچھلی کاشتکار پروڈیوسر تنظیموں کا قیام اور 2000 موجودہ بنیادی ماہی پروری کوآپریٹیو سوسائٹیوں کو مچھلی کاشتکار پروڈیوسر تنظیموں کے طور پر قیام شامل ہے۔ یہ منصوبہ چار مرکزی ایجنسیوں یعنی نیشنل فشریز ڈیولپمنٹ بورڈ (این ایف ڈی بی)، سمال فارمرز ایگری بزنس کنسورشیم (ایس ایف اے سی)، نیشنل ایگریکلچرل کوآپریٹو مارکیٹنگ فیڈریشن آف انڈیا (نافید) اور نیشنل کوآپریٹو ڈیولپمنٹ کارپوریشن (این سی ڈی سی) کے ذریعے نافذ کیا جاتا ہے۔ اطلاع ہے کہ اب تک ملک میں مجموعی طور پر 2104 مچھلی کاشتکار پروڈیوسر تنظیمیں قائم ہو چکی ہیں، جن میں ریاست آندھرا پردیش میں 192 مچھلی کاشتکار پروڈیوسر تنظیمیں شامل ہیں۔ ملک میں پردھان منتری متسیہ سمپدا یوجنا کے تحت اب تک قائم کردہ مچھلی کاشتکار پروڈیوسر تنظیموں کی ریاستی تفصیلات ضمیمہ-1 میں فراہم کی گئی ہیں۔

اطلاع ہے کہ آندھرا پردیش میں پردھان منتری متسیہ سمپدا یوجنا کے تحت 328.20 لاکھ روپے کی سرکاری امداد سے 10 نئی مچھلی کاشتکار پروڈیوسر تنظیمیں قائم اور رجسٹر شدہ کی گئی ہیں۔ اس طرح کی نئی قائم کردہ مچھلی کاشتکار پروڈیوسر تنظیموں کو دی جانے والی امداد میں ان کیوبیشن، انتظامی لاگت اور ایکویٹی گرانٹ شامل ہیں۔ آندھرا پردیش میں نئی قائم کردہ مچھلی کاشتکار پروڈیوسر تنظیموں کی ضلعی تفصیلات ضمیمہ-2 میں فراہم کی گئی ہیں۔ اس کے علاوہ، ریاست آندھرا پردیش میں 963.73 لاکھ روپے کی کل سرمایہ کاری سے 182 موجودہ بنیادی ماہی پروری کوآپریٹیو سوسائٹیوں کو مچھلی کاشتکار پروڈیوسر تنظیموں کے طور پر قائم کیا گیا ہے، جس میں انتظامی لاگت اور ایکویٹی گرانٹ شامل ہیں۔ اس میں آندھرا پردیش کے کون سیما ضلع میں 165.82 لاکھ روپے کی لاگت سے 34 بنیادی ماہی پروری کوآپریٹیو سوسائٹیوں کو مچھلی کاشتکار پروڈیوسر تنظیموں کے طور پر قائم کرنا شامل ہے۔ ریاست آندھرا پردیش میں پردھان منتری متسیہ سمپدا یوجنا کے تحت قائم کردہ ان 182 موجودہ بنیادی ماہی پروری کوآپریٹیو سوسائٹیوں کی ضلعی تفصیلات جو مچھلی کاشتکار پروڈیوسر تنظیموں کے طور پر قائم کی گئی ہیں، ضمیمہ-3 میں فراہم کی گئی ہیں۔ اطلاع ہے کہ مذکورہ بالا 192 فعال مچھلی کاشتکار پروڈیوسر تنظیموں سے مجموعی طور پر 39,022 ارکان وابستہ ہیں، جن میں نئی مچھلی کاشتکار پروڈیوسر تنظیموں میں 6,136 ارکان اور باقی 32,886 ارکان موجودہ بنیادی ماہی پروری کوآپریٹیو سوسائٹیوں کے ہیں جنھیں ریاست آندھرا پردیش میں مچھلی کاشتکار پروڈیوسر تنظیموں کے طور پر قائم کیا گیا ہے۔

یہ معلومات ماہی پروری، مویشی پروری اور ڈیری کے مرکزی وزیر جناب راجیو رنجن سنگھ عرف للن سنگھ نے لوک سبھا میں ایک سوال کے جواب میں فراہم کیں۔

***

(ش ح - ع ا)

U.No. 279

(रिलीज़ आईडी: 2287378) आगंतुक पटल : 5