ہاؤسنگ اور شہری امور کی وزارت (ایم او ایچ یو اے) 25 جون 2015 سے پردھان منتری آواس یوجنا ۔اربن(پی ایم اے وائی ۔یو) پر عمل درآمد کر رہی ہے، جس کا مقصد تمل ناڈو سمیت ملک بھر کے اہل شہری مستفیدین کو بنیادی شہری سہولیات سے آراستہ ہر موسم کے لیے موزوں پختہ مکانات فراہم کرنا ہے۔ اس اسکیم کی مدت کو مالی معاونت کے موجودہ طریقۂ کار اور نفاذ کے نظام میں کسی تبدیلی کے بغیر منظور شدہ مکانات کی تکمیل کو یقینی بنانے کے لیے 30 ستمبر 2026 تک بڑھا دیا گیا ہے۔

پردھان منتری آواس یوجنا (اربن) کے نفاذ سے حاصل ہونے والے تجربات کی بنیاد پر ہاؤسنگ اور شہری امور کی وزارت نے اس اسکیم کو ازسرِنو مرتب کرتے ہوئے یکم ستمبر 2024 سے پردھان منتری آواس یوجنا۔اربن 2.0 "سب کے لیے رہائش" مشن کا آغاز کیا ہے۔ اس کا مقصد تمل ناڈو سمیت ملک بھر کے شہری علاقوں میں آئندہ پانچ برسوں کے دوران ایک کروڑ اضافی اہل مستفیدین کو رہائشی سہولت فراہم کرنا ہے۔پردھان منتری آواس یوجنا۔اربن 2.0 کو چار اجزائے نفاذ کے ذریعے نافذ کیا جا رہا ہے، جن میں بینفیشری لیڈ کنسٹرکشن (بی ایل سی) پارٹنرشپ میں افورڈیبل ہاؤسنگ (اے ایچ پی) افورڈیبل رینٹل ہاؤسنگ (اے آر ایچ) اور انٹرسٹ سبسڈی اسکیم (آئی ایس ایس) شامل ہیں۔ اس اسکیم کے رہنما خطوط درج ذیل ویب سائٹ پر دستیاب ہیں: https://pmay-urban.gov.in/uploads/guidelines/Operational-Guidelines-of-PMAY-U-2.pdf

پی ایم اے وائی-یو اور پی ایم اے وائی-یو 2.0  مانگ پر مبنی اسکیمیں ہیں۔ ریاستوں اور مرکز کے زیر انتظام علاقوں کی جانب سے موصول ہونے والی منصوبہ جاتی تجاویز کی بنیاد پر وزارت نے اسکیم کے آغاز سے اب تک مجموعی طور پر 1.2768 کروڑ مکانات کی منظوری دی ہے، جن میں 16.20 لاکھ مکانات پردھان منتری آواس یوجنا۔اربن (شہری) 2.0 کے تحت شامل ہیں۔ 13 جولائی 2026 تک ان میں سے 1.2102 کروڑ مکانات پر تعمیراتی کام شروع ہو چکا ہے، جبکہ 99.07 لاکھ مکانات مکمل کرکے مستحقین کے حوالے کیے جا چکے ہیں۔تمل ناڈو حکومت کی جانب سے موصول ہونے والی تجاویز کی بنیاد پر وزارت نے مجموعی طور پر 6.86 لاکھ مکانات کی منظوری دی ہے، جن میں 0.18 لاکھ مکانات پردھان منتری آواس یوجنا۔اربن 2.0 کے تحت شامل ہیں۔ ان میں سے 6.74 لاکھ سے زائد مکانات پر تعمیراتی کام شروع ہو چکا ہے، جبکہ 6.32 لاکھ مکانات مکمل کرکے مستحقین کے حوالے کیے جا چکے ہیں۔اسکیم کے آغاز سے اب تک اور گزشتہ تین مالی برسوں کے علاوہ موجودہ مالی سال کے دوران ریاستوں اور مرکز کے زیر انتظام علاقوں کے لحاظ سے منظور شدہ، زیر تعمیر اور مکمل مکانات، نیز منظور شدہ، جاری کردہ اور استعمال کی گئی مرکزی مالی مدد کی تفصیلات ضمیمہ میں دی گئی ہیں۔

پردھان منتری آواس یوجنا۔اربن (شہری) کے تحت ریاستوں اور مرکز کے زیر انتظام علاقوں میں اسکیم پر عمل درآمد، بشمول رہائشی ضرورت کا تخمینہ، منصوبوں کی تیاری، مستحقین کا انتخاب اور دیگر متعلقہ امور، متعلقہ ریاستی حکومتیں اور مرکز کے زیر انتظام علاقوں کی انتظامیہ اسکیم کے رہنما خطوط کے مطابق انجام دیتی ہیں۔مکانات اور پروجیکٹوں  کی تکمیل کی مدت مختلف ریاستوں میں مختلف ہو سکتی ہے اور اسکیم کے مختلف اجزا یا متعلقہ منصوبوں کی تفصیلی پروجیکٹ رپورٹس (ڈی پی آر) کے مطابق عموماً 12 سے 36 ماہ کے درمیان ہوتی ہے۔ مکانات کی تکمیل کا انحصار متعدد عوامل پر ہوتا ہے، جن میں تنازعات سے پاک زمین کی دستیابی، تعمیراتی کام کے آغاز کے لیے قانونی تقاضوں کی تکمیل اور مستحقین کی جانب سے مالی وسائل کا انتظام شامل ہیں۔وزارت وقتاً فوقتاً جائزہ اجلاسوں، ویڈیو کانفرنسوں اور موقع پر دوروں کے ذریعے اسکیم کی پیش رفت کی نگرانی کرتی ہے۔ تمل ناڈو سمیت تمام ریاستوں اور مرکز کے زیر انتظام علاقوں کو ہدایت دی گئی ہے کہ منظور شدہ مکانات کی تعمیر میں تیزی لائی جائے تاکہ تمام مکانات متعلقہ تفصیلی پروجیکٹ رپورٹس میں مقررہ مدت کے اندر مکمل کیے جا سکیں۔

پی ایم اے وائی ۔یو کے تحت تعمیر کیے جانے والے مکانات کے لیے ضروری ہے کہ وہ اسکیم کے رہنما خطوط میں مقرر کردہ تکنیکی اور معیاری ضوابط، نیز متعلقہ بلڈنگ ضمنی قوانین( بائی لاز )کے مطابق ہوں۔ اس اسکیم کے تحت پینے کے پانی کی فراہمی، صفائی ستھرائی، بجلی اور سڑک سے رابطے جیسی بنیادی شہری سہولیات کی فراہمی کا بھی تصور کیا گیا ہے، جسے مرکزی حکومت، ریاستوں، مرکز کے زیر انتظام علاقوں اور شہری بلدیاتی اداروں کی مختلف اسکیموں کے اشتراک سے یقینی بنایا جاتا ہے۔مقررہ معیار پر عمل درآمد کو یقینی بنانے کے لیے نفاذ کرنے والی ایجنسیوں کی جانب سے معیار کی جانچ اور معائنہ کا نظام قائم کیا گیا ہے۔ وزارت وقتاً فوقتاً جائزہ اجلاسوں اور ریاستوں و مرکز کے زیر انتظام علاقوں کے ساتھ تبادلۂ خیال کے ذریعے اسکیم پر عمل درآمد کی نگرانی کرتی ہے تاکہ مقررہ ضوابط کی مکمل پاسداری کو یقینی بنایا جا سکے۔

یہ معلومات ہاؤسنگ اور شہری امور کی وزارت میں وزیر مملکت جناب توکھن ساہو نے آج راجیہ سبھا میں  ایک تحریری جواب میں فراہم کی۔

***

)ش ح۔ش آ۔ع د)

UN No: 208

 

(रिलीज़ आईडी: 2286797) आगंतुक पटल : 10