কেন্দ্রগী অৱাং নোংপোক লমদমগী চাউখৎ থৌরাং অমসুং কম্ম্যুনিকেসনগী মন্ত্রী , শ্রী জ্যোতিরাদিত্য এম. সিন্দিয়ানা জুলাই ৯, শগোলশেল নুমিত্তা ত্রিপুরাদা নোংমগী খোঙচৎ চৎকনি। খোঙচৎ অসিগী মনুংদা মহাক্না ত্রিপুরা বিজিনেস কনক্লেব ২০২৬দা অথোইবা মীথুংলেন ওইনা ইন্তর্নেস্নেল ফেয়র গ্রাউন্দ, হাপানিয়া, আগরতলাদা শরুক য়াগনি। মফম অসিদা মহাক্না ইন্দস্ত্রীগী লুচিংবশিং, ইনভেস্তরশিং, এন্ত্রপ্রেনরশিং অমসুং পোলিসী মেকরশিংগা ৱারী শানগনি।

ত্রিপুরা বিজিনেস কনক্লেব ২০২৬কী পান্দমদি রাজ্য অসিদা ইন্দস্ত্রীয়েল ইনভেস্তমেন্ত খোংজেল য়াংশিনহনবা, ললোন-ইতিক অমসুং এন্ত্রপ্রেনরশিপ প্রমোৎ তৌবা অমসুং লোকেল ইন্দস্ত্রীশিং অসি নেস্নেল অমসুং গ্লোবেল মার্কেতশিংগা শম্নহনবনি। থৌরম অদুদা, কেন্দ্রগী মন্ত্রীনা ইনভেস্তমেন্ত, কনেক্তিবিতী, লোজিস্তিক্স, ইন্দস্ত্রীয়েল দিবেলপমেন্ত অমসুং অৱাং-নোংপোক্কী চাউরবা ইকোনোমিক পোতেন্সিয়েল অদুবু ুত্থোকপা ঙম্নবা কেন্দ্র সরকারগী প্রায়োরিতিশিংশিং অমসুং তুংলমচৎকী রোদমেপ শেয়র তৌগনি।

কেন্দ্রগী মন্ত্রী সিন্দিয়াগী খোঙচৎ অসি প্রধান মন্ত্রী, শ্রী নরেন্দ্র মোদীগী এক্ত ইস্ত ভিজন অমসুং বিক্সিত নোর্থ ইস্তকীদমক অচেৎপা ফিরেপকী মায়কৈদা মরুওইবা খোংথাং অমনি হায়না লৌনরি। কেন্দ্র সরকারনা অৱাং-নোংপোক লমদম অসি ইনফ্রাস্ত্রকচর, কম্ম্যুনিকেসন কনেক্তিবিতী, ইন্দস্ত্রী, তুরিজম অমসুং লমদম অসিদা ইনভেস্তমেন্ত লেপ্পা লৈতনা মপাঙ্গল কনখৎহন্দুনা ভারতকী চাউখৎ থৌরাংগী খোঙচৎকী মপাঙ্গল লৈবা গ্রোথ ইঞ্জিন অমদা ওন্থোক্নবা লেপ্পা লৈতনা হোৎনরি।

রাইজিং নোর্থ ইস্ততগী ত্রিপুরা বিজিনেস কনক্লেব ফাওবা: ইনভেস্তমেন্ততগী ইন্দস্ত্রীয়েল গ্রোথতা খুমাং চাউশিনবা

নীংশিংবা য়াই মদুদি ২০২৫গী মে থাদা ন্যু দিল্লীদা পাংথোকখিবা রাইজিং নোর্থ ইস্ত ইনভেস্তরস সম্মিতনা অৱাং-নোংপোক লমদমগীদমক চাউরাক্না লুপা করোর লাখ ৪.৫গী ইনভেস্তমেন্ত প্রপোজলশিং চিংশিনখি। মসিগী মনুংদা, ত্রিপুরা খক্তদা চাউরাক্না লুপা করোর ২৩,৮৬৭গী ইনভেস্তমেন্ত প্রপোজলশিং ফংখি। সম্মিত অসিদা অৱাং-নোংপোক্কী অপুনবা চাউখৎ-থৌরাং য়াঙখৎহন্নবা পান্দম থম্লিবা মরুওইবা য়ানা-ৱারোল কয়া অমসু খুৎয়েক পীনখি। মসিগী মনুংদা কয়া অমা হৌজিক থবক ওইনা পাংথোকপগী তাঙ্কক অদুদা চঙশিল্লি।

ত্রিপুরা বিজিনেস কনক্লেব ২০২৬ অসি হায়রিবা থৌওং অসিদা মরু ওইবা খোংথাং অমনি। মসিগী পান্দমদি ইনভেস্তমেন্ত প্রপোজলশিং অথুবা মতমদা থবক ওইনা পাংথোকপা, অনৌবা ইনভেস্তমেন্তশিং লাকহনবা অমসুং রাজ্য অসিদা ইন্দস্ত্রীয়েল দিবেলপমেন্ত অমসুং থবক ফংহন্নবা অনৌবা থৌনা পীনবনি।

***