કોમ્પિટિશન કમિશન ઓફ ઇન્ડિયા (CCI) એ સપ્લાય પ્રોડક્ટ્સના પુરવઠામાં સ્પર્ધા-વિરોધી પ્રથાઓમાં સામેલ થવા બદલ એચપી ઇન્ડિયા અને તેના કેટલાક રિસેલર્સ પર દંડ ફટકાર્યો છે.

કોમ્પિટિશન કમિશન ઓફ ઇન્ડિયા (CCI) એ, કોમ્પિટિશન એક્ટ, 2002 (અધિનિયમ) ની કલમ 27 હેઠળ જારી કરાયેલા તારીખ 13.07.2026 ના આદેશ દ્વારા, પ્રિન્ટ હાર્ડવેર ઉત્પાદનો સાથે ઉપયોગમાં લેવાતા ટોનર, કાર્ટ્રિજ અને અન્ય કન્ઝ્યુમેબલ વસ્તુઓ ધરાવતી સપ્લાય પ્રોડક્ટ્સના વેચાણ અને સપ્લાયમાં કાર્ટેલાઇઝેશન (સિન્ડિકેટ/ગઠબંધન) માં સામેલ થવા બદલ એચપી ઇન્ડિયા પર ₹11.98 કરોડનો દંડ અને તેના 16 રિસેલર્સ પર આશરે ₹2.30 કરોડનો સંયુક્ત દંડ ફટકાર્યો છે.

કમિશને એચપી ઇન્ડિયા અને તેના રિસેલર્સને આ અધિનિયમની કલમ 3(1) સાથે વંચાણમાં લેવાતી કલમ 3(3)(d) નું ઉલ્લંઘન કરતી સ્પર્ધા-વિરોધી વર્તણૂકને તાત્કાલિક રોકવા અને ભવિષ્યમાં તેનાથી દૂર રહેવાનો પણ નિર્દેશ આપ્યો છે.

આ કાર્યવાહી એચપી ઇન્ડિયા દ્વારા અધિનિયમની કલમ 19(1)(a) અને કલમ 46 હેઠળ દાખલ કરાયેલી ઓછા દંડની અરજી પરથી ઉદ્ભવી હતી, જેમાં એચપી ઇન્ડિયા અને તેના રિસેલર્સ વચ્ચે કાર્ટેલાઇઝેશન હોવાનો આક્ષેપ કરવામાં આવ્યો હતો. રેકોર્ડ પરના પુરાવાના આધારે, કમિશને એચપી ઇન્ડિયાના 16 ટીયર-2 રિસેલર્સને અધિનિયમની કલમ 3(1) સાથે વંચાણમાં લેવાતી કલમ 3(3)(d) ના ઉલ્લંઘનમાં સપોર્ટ/કવર બિડ્સ (ટેન્ડરમાં નકલી બોલીઓ) મેળવવા અને સબમિટ કરવામાં સામેલ હોવાનું શોધી કાઢ્યું છે, જે નીચે મુજબ છે:

ડીડી એન્ટરપ્રાઇઝિસ, એસેન્ટ ઇન્ફોર્મેશન, કેપી એન્ટરપ્રાઇઝિસ, બ્રાઇટેક્સ એન્ટરપ્રાઇઝિસ, અલંકાર ડિસ્ટ્રિબ્યુટર્સ, વિજય સ્ટેશનરી માર્ટ, જી આર એન્ટરપ્રાઇઝિસ, પરફેક્ટ ઇનોવેટિવ, ખંડેલવાલ ટ્રેડર્સ, એ સ્ક્વેર ટેક્નોલોજીસ, ઇનોવેટિવ સોલ્યુશન્સ, પાયોનિયર ટેક્નોલોજીસ, ડેલ્ફી ઇન્ફોસોલ્યુશન્સ, શક્તિ માર્કેટિંગ, ઇન્ટરનેશનલ કોમ્પ્યુટર રિસોર્સિસ અને આર્મ્સ પેરિફેરલ્સ.

કમિશને આ અધિનિયમની કલમ 3(1) સાથે વંચાણમાં લેવાતી કલમ 3(3)(d) ના ઉલ્લંઘનમાં આ રિસેલર્સ વચ્ચેના કાર્ટેલ અરેન્જમેન્ટમાં એચપી ઇન્ડિયાએ મુખ્ય ભૂમિકા ભજવી હોવાનું પણ શોધી કાઢ્યું છે. સીસીઆઈ એ એચપી ઇન્ડિયા અને તેના રિસેલર્સના અધિકારીઓને પણ આ અધિનિયમની કલમ 48 હેઠળ જવાબદાર ઠેરવ્યા છે અને તેમના પર નાણાકીય દંડ ફટકાર્યો છે.

આ આદેશ સુઓ મોટો કેસ નંબર 2020 ના 08 (Suo Moto Case No. 08 of 2020) માં પસાર કરવામાં આવ્યો હતો અને તેની નકલ સીસીઆઈની વેબસાઇટ www.cci.gov.in પર ઉપલબ્ધ છે.

SM/NP/JD

(रिलीज़ आईडी: 2284317) आगंतुक पटल : 9