કેન્દ્રીય સંસ્કૃતિ અને પ્રવાસન મંત્રી શ્રી ગજેન્દ્ર સિંહ શેખાવતની અધ્યક્ષતામાં આજે ધ અશોક હોટેલ, નવી દિલ્હી ખાતે પ્રવાસન મંત્રાલયની હિન્દી સલાહકાર સમિતિની બેઠક યોજાઈ હતી. આ બેઠકનો ઉદ્દેશ્ય મંત્રાલયના સત્તાવાર કામકાજમાં રાજભાષા હિન્દીના ઉપયોગની સમીક્ષા કરવાનો અને તેના ઉપયોગને વધુ પ્રોત્સાહન આપવાના ઉપાયો પર વિચાર-વિમર્શ કરવાનો હતો.

આ બેઠકમાં દેશના વિવિધ ભાગોમાંથી સમિતિના સભ્યોની સાથે પ્રવાસન મંત્રાલયના અધિક સચિવ અને મહાનિદેશક (પ્રવાસન) શ્રી સુમન બિલ્લા; વરિષ્ઠ આર્થિક સલાહકાર શ્રી જ્ઞાન ભૂષણ; ઇન્ડિયા ટૂરિઝમ ડેવલપમેન્ટ કોર્પોરેશનના મેનેજિંગ ડિરેક્ટર શ્રીમતી મુગ્ધા સિન્હા અને મંત્રાલયના અન્ય વરિષ્ઠ અધિકારીઓ ઉપસ્થિત રહ્યા હતા.

બેઠકની શરૂઆત કેન્દ્રીય મંત્રીના સ્વાગત પ્રવચનથી થઈ હતી. ત્યારબાદ, વિવિધ રાજ્યોમાંથી સમિતિના બિન-સરકારી સભ્યો—ડો. શ્રવણ કુમાર, ડો. અનુરાગ આનંદ, ડો. સુષ્મા સિંહ, શ્રી સિસ્ટા મધુસૂદન રાવ અને શ્રી ઉમેશ સિંહ—એ પ્રવાસન મંત્રાલયના સત્તાવાર કામકાજમાં રાજભાષા હિન્દીના ઉપયોગ અંગે સંતોષ વ્યક્ત કર્યો હતો. સભ્યોએ સત્તાવાર કામકાજમાં હિન્દીના ઉપયોગને વધુ પ્રોત્સાહન આપવા અંગે પણ પોતાના વિચારો રજૂ કર્યા હતા.

સત્તાવાર કામકાજમાં રાજભાષા હિન્દીના ઉપયોગ અંગે પોતાના વિચારો વ્યક્ત કરતા કેન્દ્રીય મંત્રીએ જણાવ્યું હતું કે તમામ ભાષાઓને સાથે લઈને ચાલવાની સાથે હિન્દીને પણ તેનું યોગ્ય સ્થાન અને સન્માન મળવું જોઈએ. તેમણે કહ્યું કે હિન્દી વિવિધ પ્રદેશોમાં બોલાતી વૈવિધ્યસભર ભાષાઓના અસ્તિત્વનો આદર કરે છે અને દરેકને એકતાના સામાન્ય તાંતણે બાંધે છે. તેમણે ઉમેર્યું હતું કે વિવિધતા વચ્ચે સંવાદને પ્રોત્સાહન આપીને અને સંવાદ દ્વારા સર્વસંમતિ સાધીને આગળ વધવાની જરૂર છે.

શ્રી શેખાવતે જણાવ્યું હતું કે પ્રવાસન મંત્રાલયનું ‘ઇનક્રેડિબલ ઇન્ડિયા’ (Incredible India) પ્લેટફોર્મ પણ હિન્દીમાં ઉપલબ્ધ છે. તેમણે ભારપૂર્વક જણાવ્યું હતું કે સરળ અને સુલભ ઉપયોગ દ્વારા હિન્દીને રોજિંદા વપરાશમાં લાવવી જોઈએ અને હિન્દીને સામાન્ય વાતચીતની ભાષા બનાવવા પર ધ્યાન આપવું જોઈએ.

આ પ્રસંગે કેન્દ્રીય મંત્રીએ ઇન્ડિયા ટૂરિઝમ ડેવલપમેન્ટ કોર્પોરેશનના મેનેજિંગ ડિરેક્ટર શ્રીમતી મુગ્ધા સિન્હાના માર્ગદર્શન હેઠળ તૈયાર કરાયેલ ‘રાજભાષા શબ્દ સંગમ’ નામની શબ્દકોશ (ડિક્શનરી) નું વિમોચન પણ કર્યું હતું.

બેઠકનું સમાપન કેન્દ્રીય મંત્રી દ્વારા આભારવિધિ સાથે થયું હતું.

SM/DK/JD

(रिलीज़ आईडी: 2284299) आगंतुक पटल : 10