ہندوستان کی بنیادی ڈھانچے پر مبنی ترقی کی وجہ سے انجینئرنگ میں ابھرتے ہوئے انجینئروں میں دلچسپی دوبارہ پیدا ہوئی ہے ۔  چونکہ بڑے پیمانے پر بنیادی ڈھانچے کے منصوبوں کے ذریعے ملک کی تعمیر میں تعاون کرنے کے مواقع میں توسیع جاری ہے ، سول انجینئرنگ خاص طور پر آئی آئی ٹیز اور این آئی ٹیز میں کریئر کے ترجیحی انتخاب کے طور پر ابھر رہی ہے۔

نیشنل ہائی وے اتھارٹی آف انڈیا (این ایچ اے آئی) قومی شاہراہ کے شعبے میں انجینئرنگ کی تعلیم کو بامعنی پیشہ ورانہ مواقع سے جوڑنے والے منظم راستے  کی تعمیرکے ذریعہ ایک کلیدی  سہولت کار کے طور پر ابھری ہے ۔  این ایچ اے آئی تکنیکی عہدوں کے لیے گریجویٹ اپٹیٹیوڈ ٹیسٹ ان انجینئرنگ (جی اے ٹی ای) کے ذریعے ہر سال تقریبا 100 انجینئرنگ پیشہ ور افراد کی بھرتی کرتی ہے ۔  آئی آئی ٹیز ، این آئی ٹیز اور دیگر معروف اداروں کے گریجویٹس نے ڈپٹی منیجر کے طور پر تقرری کے لیے کوالیفائی کیا ، جس سے ہندوستان کے کچھ ذہین ترین انجینئرنگ گریجویٹس میں نیشنل ہائی وے انفراسٹرکچر ڈویلپمنٹ میں کیریئر بنانے کے لیے بڑھتی ہوئی ترجیح کی نشاندہی ہوتی ہے۔

صنعت و تعلیمی شعبے کے تعاون کو مزید مستحکم کرنے کے لیے ، این ایچ اے آئی نے سول انجینئرنگ کے طلبا کے لیے ایک ماہ کی سرمائی انٹرنشپ کے ساتھ دسمبر 2025 میں باضابطہ طور پر اپنا منظم انٹرنشپ پروگرام شروع کیا ، جس کے بعد چھ ماہ کی مدت کی انٹرنشپ متعارف کرائی گئی ۔  20000روپے  ماہانہ کے  مسابقتی  مشاہرہ  کی  پیش  کش  کی وجہ سے ، یہ پروگرام جلد ہی خواہشمند انجینئروں کے لیے ملک کے سب سے پرکشش  سیکھنے کے مواقع میں سے ایک کے طور پر ابھرا ہے۔

اس کی کامیابی کی بنیاد پر ، این ایچ اے آئی نے سمر انٹرنشپ پروگرام 2026 کو نمایاں طور پر وسعت دی اور مختلف اسٹریمز کے 423 طلباء انٹرنز نے این ایچ اے آئی کے 125 فیلڈ دفاتر کے ساتھ ساتھ این ایچ اے آئی ہیڈ کوارٹرز میں 51 فعال ورٹیکلز میں شمولیت اختیار کی ۔  اس پروگرام میں آئی آئی ٹیز کے 59 طلباء اور این آئی ٹیز کے 282 طلباء سمیت اہم تکنیکی اداروں کی پرجوش شرکت دیکھی گئی ، جو ہندوستان کے نیشنل ہائی وے ڈیولپمنٹ پروگرام سے وابستہ کیریئر کو آگے بڑھانے میں نوجوان انجینئروں کے بڑھتے ہوئے اعتماد کی عکاسی کرتی ہے۔

ان اقدامات کی تکمیل کرتے ہوئے ، این ایچ اے آئی نے سول انجینئروں کے لیے پیشہ ورانہ ماحولیاتی نظام کو مضبوط بنانے کے لیے اصلاحات بھی کی ہیں ۔  ان میں انجینئرنگ خدمات کے لیے منصفانہ اور پیشہ ورانہ معاوضے کو یقینی بنانے کے لیے مقررہ لاگت کی تفصیلی پروجیکٹ رپورٹس (ڈی پی آر) کا تعارف شامل ہے ، ساتھ ہی مسابقتی معاوضے کے فریم ورک کے ذریعے ڈی پی آر اور نگرانی کنسلٹنٹس کے طور پر شاندار انجینئرنگ پیشہ ور افراد کو راغب کرنے کے اقدامات شامل ہیں۔

اسٹرکچرڈ لرننگ اور میرٹ پر مبنی بھرتی کے ذریعے ایک مضبوط ماحولیاتی نظام کو فروغ دے کر ، این ایچ اے آئی نہ صرف انتہائی ہنر مند انجینئرنگ  کی ملک کی بڑھتی ہوئی مانگ کو پورا کر رہی ہے بلکہ سول انجینئروں کی ایک نئی نسل کو عالمی معیار کے نیشنل ہائی وے نیٹ ورک کی ترقی میں تعاون  کے لیے بھی ترغیب دے رہی ہے۔

*****

ش ح۔ ف ا۔ م ر

U-NO. 9668

(रिलीज़ आईडी: 2282224) आगंतुक पटल : 9