ہندوستان  اپنی برکس صدارت 2026 کے تحت 11 اور 12 جولائی 2026 کو  مہاراشٹر کے ناگپورمیں برکس کے وزراء برائے  ٹرانسپورٹ کی تیسری میٹنگ کی میزبانی کرے گا ۔ اس  میٹنگ میں  برکس کے رکن ممالک کے وزراء اور سینئر عہدیدار تیسری برکس ٹرانسپورٹ وزراء کی میٹنگ میں بنیادی ڈھانچے اور نقل و حرکت میں ٹرانسپورٹ کے شعبے کی پائیداری میں اہم ترجیحات پر غور و فکر کرنے کے لیے یکجا ہوں گے ۔

یہ میٹنگس  ہندوستان کی برکس صدارت کے موضوع ‘‘ استحکام ، اختراع ، تعاون اور پائیداری کی تعمیر (برکس)’’ کے تحت منعقد کی جا رہی ہیں ، جو تکنیکی اختراع اور بہتر رابطے کے ذریعے جامع ترقی کو آگے بڑھانے کے لیے برکس ممالک کے مشترکہ عزم کی عکاسی کرتی ہے ۔

سڑک ٹرانسپورٹ اور شاہراہوں کے مرکزی وزیر جناب نتن گڈکری 11 جولائی 2026 کو برکس ٹرانسپورٹ وزراء کی میٹنگ کی صدارت کریں گے جس میں دیگر رکن ممالک کے وزراء شرکت کریں گے ۔

برکس کے رکن ممالک کے درمیان نقل و حمل کے شعبے میں پالیسی  سے متعلق مکالمے اور تعاون کے لیے ایک اہم پلیٹ فارم کے طور پر قائم کیا گیا ، ٹرانسپورٹ ورکنگ گروپ رکن ممالک میں پائیدار اور مؤثر نقل و حمل کے نظام کو آگے بڑھانے کے لیے ایک کلیدی طریقہ کار کے طور پر ابھرا ہے ۔ روس اور برازیل کی میزبانی میں ٹرانسپورٹ ورکنگ گروپ کے پہلے دو اہم اجلاسوں کے بعد ، اس تیسری میٹنگ کا مقصد بین الاقوامی ٹرانسپورٹ تعاون کو گہرا کرنا ہے ۔

یہ موضوع ہندوستان کے وکست بھارت 2047 کے وژن سے مکمل طور پر ہم آہنگ ہے، جو اعداد و شمار پر مبنی، ماحول دوست اور قدرتی آفات سے نمٹنے کی صلاحیت رکھنے والے ٹرانسپورٹ نظام کے قیام پر زور دیتا ہے۔ الیکٹرک موبیلیٹی اور مدور معیشت کے اصولوں کو  مربوط  کرکے ہندوستان لاجسٹکس کی لاگت میں کمی لانا اور ایک پائیدار، کثیر جہتی  نقل و حمل کے ذرائع  پر مشتمل نیٹ ورک قائم کرنا چاہتا ہے، جو ماحول دوست نقل و حرکت کو تیز رفتاری سے فروغ دے۔

 دو دنوں کے دوران ، سینئر عہدیدار روسی اور برازیل کی صدارت کے بعد سے حاصل ہونے والے نقل و حمل کے تعاون کی پیشرفت کا جائزہ لیں گے ، بین الاقوامی بہترین طریقوں کا تبادلہ کریں گے اور تعاون کے ابھرتے ہوئے شعبوں پر غور کریں گے ، جن میں ہوا بازی کا پائیدار ایندھن (ایس اے ایف) شہری نقل و حرکت ،  کثیر جہتی ٹرانسپورٹ ، پائیدار  لاجسٹکس کی سپلائی چین ، کاربن اخراج کو کم کرنا اور اے آئی پر مبنی ٹیکنالوجی کو فروغ دینا  شامل ہے ۔

آج برازیل ، چین ، مصر ، ایتھوپیا ، ہندوستان، انڈونیشیا ، ایران ، روس ، سعودی عرب ، جنوبی افریقہ اور متحدہ عرب امارات پر مشتمل برکس کا توسیعی گروپ  دنیا کی تقریبا نصف آبادی کی نمائندگی کرتا ہے اور  اس کی عالمی جی ڈی پی  میں  تقریبا 40 فیصد حصہ  داری ہے ۔ برکس ممالک کے درمیان نقل و حمل کے تعاون کو مضبوط کرنے سے تجارت میں سہولت ، علاقائی اور بین  براعظمی رابطے کو بہتر بنانے ، لاجسٹک کارکردگی کو بڑھانے اور زیادہ مستحکم عالمی سپلائی چین میں تعاون ملنے کی توقع ہے۔

ناگپور میں منعقد ہونے والی برکس کے وزرائے ٹرانسپورٹ کی تیسری میٹنگ سے توقع ہے کہ وہ برکس ممالک کے درمیان ٹرانسپورٹ کے شعبے میں تعاون کو مزید مستحکم کرے گی، روس اور برازیل کی میزبانی میں ہونے والی سابقہ میٹنگوں میں ہونے والی پیش رفت کو آگے بڑھائے گی اور اختراع پر مبنی ترقی کے لیے برکس کے مشترکہ عزم کو مزید تقویت دے گی۔

************

 ش ح۔م ش ۔ م ذ

UR. No. 9649