لیفٹیننٹ جنرل موہت ملہوترا ، اے وی ایس ایم ، ایس ایم نے جنوب مغربی کمان کے جنرل آفیسر کمانڈنگ ان چیف کا عہدہ سنبھال لیا ہے ۔

لیفٹیننٹ جنرل موہت ملہوترا  نے جون 1989 میں 47 آرمرڈ رجمنٹ میں کمیشن حاصل کیا۔انہوں نے 37 سال سے زیادہ کی ممتاز خدمات ، کمانڈ ، عملہ اور انسٹرکشنل تقرریوں کے بعد اس  عہدے کو سنبھالا ہے ۔  کمان سنبھالنے سے فورا پہلے ، انہوں نے چیف آف اسٹاف ، ہیڈ کوارٹر ایسٹرن کمانڈ کے طور پر خدمات انجام دیں ، جہاں انہوں نے آپریشنل تیاریوں ، تنظیمی کار کردگی اور ادارہ جاتی ہم آہنگی میں خاطر خواہ تعاون کیا ۔

ان کا تجربہ فوج کے سب سے زیادہ مصروف آپریشنل ماحول پر محیط ہے ، جس میں سیاچن گلیشیر ، ایک آرمرڈ رجمنٹ ، ایک آزاد آرمرڈ بریگیڈ ، ایک آرمرڈ ڈویژن اور ڈیزرٹ کور شامل ہیں ۔  ان تقرریوں نے انہیں کام کاج سے متعلق منصوبہ بندی اور متنوع شعبوں میں پیچیدہ ملٹی ڈومین آپریشنز کے انعقاد میں وسیع مہارت فراہم کی ہے ۔  کمان سے آگے ان کا ایک وسیع فوجی پروفائل ہے جس میں آپریشنل پلاننگ ، ملٹری انٹیلی جنس ، آپریشنل لاجسٹکس ، پرسنل مینجمنٹ ، ٹیکنالوجی  کو اپنانے اور اسٹریٹجک مواصلات پر محیط اہم عملے کی تقرریاں شامل ہیں۔

اعلی صلاحیت کے حامل اسکالر-سپاہی ، لیفٹیننٹ جنرل ملہوترا کے پاس دفاعی مطالعات میں دو ماسٹر ڈگریاں ہیں ، جن میں سے ایک کنگز کالج ، لندن سے ہے۔اس کے علاوہ سیاسیات ، دفاع اور اسٹریٹجک مطالعات کے مضامین میں دو ایم فل ڈگریاں ہیں ۔  انہوں نے اپنے تمام کورسز میں بہترین کارکردگی کا مظاہرہ کیا ہے  اور تقریباً تمام کورسز میں سرفہرست رہے ہیں جن میں انہوں نے شرکت کی تھی ۔  جنرل آفیسر برطانیہ میں ایڈوانسڈ کمانڈ اینڈ اسٹاف کورس ، ہائر ایئر کمانڈ کورس اور نیشنل ڈیفنس کالج سے گریجویٹ ہے ۔

لیفٹیننٹ جنرل موہت ملہوترا کو ملک کے لیے ان کی نمایاں خدمات کے اعتراف میں آرمی کمانڈروں اور چیف آف آرمی اسٹاف کی طرف سے کئی اعزازات  کے علاوہ ، اتی وششٹ سیوا میڈل اور سینا میڈل سے نوازا جا چکا ہے ۔

لیفٹیننٹ جنرل موہت ملہوترا اپنی ذمہ داریوں میں کام کاج میں مہارت ، اسٹریٹجک وضاحت اور ادارہ جاتی قیادت کا ایک قائم شدہ ریکارڈ رکھتے ہیں۔ بھارتی فوج اپنی سب سے زیادہ حکمت عملی پر مبنی کمانڈوں میں سے ایک کی قیادت میں قومی سلامتی اور علاقائی سالمیت کے تحفظ کے لیے پوری طرح پرعزم ہے ۔

 

***

 

 

ش ح ۔م ع۔اش ق

U. No. 9400

(रिलीज़ आईडी: 2279908) आगंतुक पटल : 12