ٹیلی کام ریگولیٹری اتھارٹی آف انڈیا (ٹرائی) نے عام ٹیلی کام صارفین کی معلومات کے لیے، مئی 2026 کے مہینے کے دوران راجستھان لائسنس یافتہ سروس ایریا میں منوہر پور سے دوسہ قومی شاہراہ (این ایچ-148) پر کیے گئے آزادانہ ڈرائیو ٹیسٹ کے نتائج جاری کیے ہیں۔ اس ڈرائیو ٹیسٹ کا مقصد ٹیلی کام سروس فراہم کرنے والے اداروں کی طرف سے مہیا کی جانے والی موبائل نیٹ ورک سروسز (آواز اور ڈیٹا دونوں) کی اصل وقت کی کوالٹی کا جائزہ لینا اور اس کی تصدیق کرنا ہے۔ ڈرائیو ٹیسٹ کے دوران، ٹرائی سروس کی کوالٹی کے اہم پیرامیٹرز جیسے کہ کوریج، کال ڈراپ کی شرح(سی ڈی آر)، کال کامیابی سے جڑنے کی شرح(سی ایس ایس آر)، ڈیٹا ڈاؤن لوڈ (ڈی ایل) اور اپ لوڈ (یو ایل) کی رفتار وغیرہ کے لیے سروس فراہم کرنے والے اداروں کی کارکردگی کو ریکارڈ کرتا ہے، جنہیں بعد میں صارفین کو مطلع کرنے اور سروس فراہم کرنے والے اداروں کو اپنی خدمات کو بہتر بنانے کی ترغیب دینے کے لیے شائع کیا جاتا ہے۔

ان آزادانہ ڈرائیو ٹیسٹس کو اس طرح تیار کیا گیا ہے کہ مختلف قسم کے ماحول جیسے شہروں، مصروف مقامات (ہاٹ اسپاٹس) اور عوامی ٹرانسپورٹ کے مراکز وغیرہ میں تمام ٹیلی کام سروس فراہم کرنے والے اداروں کی زمین پر موجود موبائل نیٹ ورک کی کارکردگی کو ریکارڈ کیا جا سکے۔ اس قسم کے ڈرائیو ٹیسٹنگ میں، تمام ٹیلی کام سروس فراہم کرنے والے اداروں کے سم کارڈز کا استعمال کرتے ہوئے ٹو جی (2جی)، تھری جی (3جی)، فور جی (4جی) اور فائیو جی (5جی) نیٹ ورکس پر لائیو ڈیٹا اور آواز (وائس) کے سیشنز قائم کیے جاتے ہیں۔ اس کے لیے متعدد جدید ٹیسٹ ہینڈ سیٹس (موبائل فونز) استعمال کیے جاتے ہیں اور جدید سافٹ ویئر سسٹمز کے ذریعے ان سیشنز کی اصل وقت (ریئل ٹائم) میں نگرانی اور تجزیہ کیا جاتا ہے۔

ٹرائی  نے اپنی مقرر کردہ ایجنسی کے ذریعے، 2 مئی 2026 کو راجستھان لائسنس یافتہ سروس ایریا میں منوہر پور سے دوسہ قومی شاہراہ (این ایچ-148) پر 62.2 کلومیٹر کے فاصلے پر ڈرائیو ٹیسٹ کا انعقاد کیا۔ یہ ٹیسٹ ٹرائی کے علاقائی دفتر جے پور کی نگرانی میں کیا گیا تھا۔ ڈرائیو ٹیسٹ کی رپورٹوں میں پیش کیے گئے مشاہدات، ڈرائیو ٹیسٹ کے انعقاد کے دن اور وقت پر متعلقہ علاقے یا روٹ پر ٹیلی کام سروس فراہم کرنے والے اداروں کی کارکردگی کو ظاہر کرتے ہیں۔

ڈرائیو ٹیسٹ کا روٹ میپ: درج ذیل نقشہ، نقشے پر دی گئی علامات کے مطابق ڈرائیو ٹیسٹ کے راستے (روٹ) کا جائزہ فراہم کرتا ہے: -

جانچے گئے اہم پیرامیٹرز (پیمانے):

1. کوریج کا فرق (کوریج گیپ): نمونوں (سیمپلز) کا وہ فیصد، جس میں سگنل کی طاقت متعلقہ ٹیکنالوجی (2جی/ 3 جی/ 4 جی/ 5 جی) کے لیے مقرر کردہ کم از کم سگنل کی طاقت سے کم پائی گئی۔
2. آواز پرمشتمل خدمات (وائس سروسز): کال کامیابی سے جڑنے کی شرح، کال منقطع ( ڈراپ) ہونے کی شرح، کال جڑنے کا وقت، کال کے دوران خاموشی کی شرح، گفتگو کا معیار (ایم او ایس)۔
3. کال کے دوران خاموشی کے واقعات: کالز کے دوران پیش آنے والے ایسے واقعات کی تعداد جب آواز بالکل بند (خاموش) ہو گئی۔
4. ڈیٹا پر مشتمل خدمات: ڈاؤن لوڈ/ اپ لوڈ (مواد حاصل کرنے اور بھیجنے) کی رفتار، تاخیر (لیٹنسی)، سگنل کے اتار چڑھاؤ کی شرح (جٹر)، ڈیٹا پیکٹ ضائع ہونے کی شرح۔

منوہر پور سے دوسہ قومی شاہراہ پر اہم پیرامیٹرز (پیمانوں) کے لیے موبائل نیٹ ورک کی مجموعی کارکردگی کا خلاصہ نیچے دیا گیا ہے:

1. کوریج کا فرق (کوریج گیپ) - ڈرائیو ٹیسٹ کے راستے پر آٹو سلیکشن موڈ(5جی/4جی/3جی/2جی) میں وائس ٹیسٹنگ کے دوران دیکھی گئی سگنل کی طاقت، جسے جمع کیے گئے کل نمونوں (سیمپلز) میں سے خراب سگنل والے نمونوں کی تعداد کے طور پر ماپا گیا، ائیرٹیل کے لیے 4080/217، بی ایس این ایل کے لیے 3338/2213، آر جے آئی ایل کے لیے 4072/189 اور وی آئی ایل  کے لیے 3898/420 تھی۔ کوریج کے فرق کی تفصیلات منسلک نقشے میں فراہم کی گئی ہیں۔
2. منقطع ہونے والی کالز (ڈراپڈ کالز) - منقطع ہونے والی کالز، جنہیں کامیابی سے منسلک ہونے والی کالز کی کل تعداد میں سے کٹ جانے والی کالز کی تعداد کے طور پر ماپا گیا، ائیرٹیل کے لیے 20/0، بی ایس این ایل کے لیے 18/6، آر جے آئی ایل کے لیے 21/1 اور وی آئی ایل کے لیے 21/2 تھیں۔ منقطع ہونے والی کالز کے مقامات کی تفصیلات منسلک نقشے میں فراہم کی گئی ہیں۔
3. کال کے دوران خاموشی کے واقعات (کال سائلنس انسٹنس) - کال کے دوران خاموشی کے واقعات، جنہیں منسلک ہونے والی کل کالز میں سے 3 سیکنڈ سے زیادہ وقت کے لیے دیکھے گئے خاموشی کے کل واقعات کی تعداد کے طور پر ماپا گیا، ائیرٹیل کے لیے 21/2، بی ایس این ایل کے لیے لاگو نہیں، آر جے آئی ایل کے لیے 21/3 اور وی آئی ایل کے لیے 20/0 تھے۔ قومی شاہراہ پر بی ایس این ایل کی فور جی (4جی) کوریج دستیاب نہیں تھی، اس لیے کال کے دوران خاموشی کے واقعات کی جانچ نہیں کی جا سکی۔ کال کے دوران خاموشی کے مقامات کی تفصیلات منسلک نقشے میں فراہم کی گئی ہیں۔
4. ڈیٹا ڈاؤن لوڈ اور اپ لوڈ کی رفتار (تھرو پٹ):

1. ڈیٹا ڈاؤن لوڈ کی مجموعی کارکردگی: اوسط ڈاؤن لوڈ اسپیڈ ائیرٹیل (5-جی/4-جی) کے لیے 102.80 میگا بائٹ فی سیکنڈ (ایم بی پی ایس)، بی ایس این ایل (4-جی/3-جی/2-جی) کے لیے 3.99 میگا بائٹ فی سیکنڈ (ایم بی پی ایس)، جیو (5-جی/4-جی) کے لیے 247.01 میگا بائٹ فی سیکنڈ (ایم بی پی ایس) اور ووڈافون-آئیڈیا (4-جی/2-جی) کے لیے 35.97 میگا بائٹ فی سیکنڈ (ایم بی پی ایس) دیکھی گئی۔ ڈیٹا حاصل کرنے کی رفتار (تھرو پٹ) کی تفصیل منسلک نقشے میں فراہم کی گئی ہے۔
2. ڈیٹا اپ لوڈ کی مجموعی کارکردگی: اوسط اپ لوڈ اسپیڈ ائیرٹیل (5-جی/4-جی) کے لیے 20.93 میگا بائٹ فی سیکنڈ (ایم بی پی ایس)، بی ایس این ایل (4-جی/3-جی/2-جی) کے لیے 1.88 میگا بائٹ فی سیکنڈ (ایم بی پی ایس)، جیو (5-جی/4-جی) کے لیے 19.14 میگا بائٹ فی سیکنڈ (ایم بی پی ایس) اور ووڈافون-آئیڈیا (5-جی/4-جی/2-جی) کے لیے 17.25 میگا بائٹ فی سیکنڈ (ایم بی پی ایس) دیکھی گئی۔ ڈیٹا بھیجنے کی رفتار (تھرو پٹ) کی تفصیل منسلک نقشے میں فراہم کی گئی ہے۔

ڈراپ ہونے والی کالز اور کال کے دوران خاموشی کے مقامات کو منسلک نقشے پر موجود سرخ نقطے (ڈاٹ) پر کلک کر کے دیکھا جا سکتا ہے۔

آزادانہ ڈرائیو ٹیسٹ کے دوران طے کیے گئے راستے اور احاطہ کیے گئے علاقے کی تفصیلات درج ذیل ہیں: -

شاہراہ- منوہر پور سے دوسہ، جو لاکھیر، نیکا والا، چلپالی موڑ، بہلور، رائیسر، پاوٹا، سنکوٹرا، آندھی، رام جی پورا، جھیرا وغیرہ سے ہو کر گزرتی ہے۔

اس آزادانہ ڈرائیو ٹیسٹ رپورٹ کے نتائج متعلقہ ٹیلی کام کمپنیوں کے ساتھ شیئر کر دیے گئے ہیں تاکہ وہ ضرورت پڑنے پر اپنی سطح پر مزید ضروری کارروائی کر سکیں۔ ڈرائیو ٹیسٹ کی تفصیلی رپورٹ ٹرائی کی ویب سائٹ www.trai.gov.in پر دستیاب کر دی گئی ہے۔ کسی بھی قسم کی وضاحت یا اضافی معلومات کے لیے، جے پور میں ٹرائی کے علاقائی دفتر کو اس ای میل آئی ڈی adv.jaipur@trai.gov.in پر ای میل بھیجی جا سکتی ہے۔ ٹرائی کے جے پور علاقائی دفتر سے ٹیلی فون نمبر 2701919-0141 پر بھی رابطہ کیا جا سکتا ہے۔

ضمیمہ

اے۔کوریج کا فرق (کوریج گیپ) – خودکار نیٹ ورک سلیکشن موڈ(5جی/ 4جی / 3 جی / 2 جی) میں کالز کی جانچ کے دوران، ڈرائیو ٹیسٹ کے راستے پر مقرر کردہ کم از کم سگنل کی طاقت سے کم پائے جانے والے سگنلز کی تقسیم کی تفصیل درج ذیل ہے:

نوٹ: سگنل کی طاقت کو اس صورت میں خراب مانا گیا ہے اگر وہ 5-جی اور4-جی کے لیے 110- ڈی بی ایم، 3-جی کے لیے 90- ڈی بی ایم  اور 2-جی کے لیے 85- ڈی بی ایم سے کم پائی جائے۔

دیکھا گیا کوریج کا فرق

نوٹ: یہ خاکہ (پلاٹ) صرف متحرک (ڈائنامک) ڈرائیو ٹیسٹ کے نتائج پر مبنی ہے۔

بی) منقطع ہونے والی کالز (ڈراپڈ کالز) - خودکار نیٹ ورک سلیکشن موڈ(5جی/ 4جی / 3 جی / 2 جی ) میں ٹیلی کام کمپنیوں کے لحاظ سے منقطع ہونے والی کالز کی تفصیلات درج ذیل ہیں:

منقطع ہونے والی کالز کے مقامات

نوٹ: منقطع ہونے والی کالز کے مقامات کو سرخ رنگ میں دکھایا گیا ہے، جن پر کلک کر کے نقشے پر ان کا بالکل درست مقام (طول بلد اور عرض بلد یعنی لیٹی ٹیوڈ اور لونگی ٹیوڈ) جانا جا سکتا ہے۔

سی) کال کے دوران خاموشی کے واقعات - خودکار نیٹ ورک سلیکشن موڈ(5جی / 4 جی) میں ٹیلی کام کمپنیوں کے لحاظ سے کال کے دوران خاموشی کے واقعات کی تفصیلات درج ذیل ہیں:

لاگو نہیں (این اے*)

کال کے دوران خاموشی کے مقامات

نوٹ: کال کے دوران خاموشی کے مقامات کو سرخ رنگ میں دکھایا گیا ہے، جن پر کلک کر کے نقشے پر ان کا بالکل درست مقام (طول بلد اور عرض بلد) جانا جا سکتا ہے۔

ڈی) ڈیٹا ڈاؤن لوڈ اور اپ لوڈ کی رفتار (تھرو پٹ): خودکار نیٹ ورک سلیکشن موڈ (5جی/ 4 جی / 3جی /2 جی ) میں، ٹیلی کام کمپنیوں کی طرف سے اس مہینے کے لیے طے شدہ اوسط رفتار کے مقابلے میں حاصل ہونے والی اصل اوسط ڈاؤن لوڈ اور اپ لوڈ رفتار کی تفصیلات درج ذیل ہیں: -

(i) ڈاؤن لوڈ کی رفتار (ڈاؤن لوڈ تھرو پٹ)

نوٹ: یہ خاکہ (پلاٹ) صرف متحرک (ڈائنامک) ڈرائیو ٹیسٹ کے نتائج پر مبنی ہے۔

(ii) اپ لوڈ کی رفتار (اپ لوڈ تھرو پٹ)

نوٹ: یہ خاکہ (پلاٹ) صرف متحرک (ڈائنامک) ڈرائیو ٹیسٹ کے نتائج پر مبنی ہے۔

 

***

ش ح۔م م    ۔ ع د

U-No. 9127

(रिलीज़ आईडी: 2277429) आगंतुक पटल : 13