قومی راجدھانی خطے (این سی آر) اور  آس پاس کے علاقوں  میں  ہوا کے معیار کے بندو بست سے متلعلق کمیشن (سی اے کیو ایم) کی نفاذ کرنے والی ٹاسک فورس (ای ٹی ایف) کی 133 ویں میٹنگ کا انعقاد  19 جون 2026 کو  کیا گیا، جس میں (این سی آر) میں 30مئی  2026 سے  06 جون 2026 تک کی رپورٹنگ کی مدت کے لئے نفاذ کے اقدامات ، معائنہ اور تعمیل کی صورتحال کا جائزہ لیا گیا ہے۔

پندرہ  دن کی رپورٹنگ مدت کے دوران ، کمیشن کے فلائنگ اسکواڈ نے 199 معائنے  کیے ، اس دوران کمیشن نے تعمیراتی اور انہدامی  (سی اینڈ ڈی) مقامات  ، صنعتی اکائیوں اور ڈیزل جنریٹر (ڈی جی) سیٹوں میں 66 خلاف ورزیوں کا پتہ لگایا ۔  معائنہ کی رپورٹوں کی بنیاد پر 04 اکائیوں/پروجیکٹوں کو بند کرنے ، 29 ڈی جی سیٹ  کو بند  کرنے ، تعمیل کے لیے 12 ہدایات/احکامات جاری کرنے اور 02 معاملات میں ماحولیاتی معاوضہ (ای سی) کے نفاذ کی تجویز پیش کی گئی ہے ۔

مجموعی طور پرکئے گئے 199 معائنوں میں سے 10 سی اینڈ ڈی مقامات  پر ، 94 صنعتی شعبے میں اور 95 ڈی جی سیٹ سے متعلق تھے ۔  کل 66 خلاف ورزیوں کی اطلاع ملی ، جن میں سے 08 سی اینڈ ڈی مقامات  سے ، 23 صنعتی شعبے سے اور 35 ڈی جی سیٹ سے متعلق تھیں ۔

نفاذ کرنے والے  ٹاسک فورس نے 132 ویں ای ٹی ایف میٹنگ کے مطابق کی گئی کارروائیوں کا بھی جائزہ لیا اور پایا کہ سی اینڈ ڈی سائٹس اور ڈی جی سیٹ سے متعلق تمام قابل عمل معاملات  پر کارروائی کی جا چکی  ہے ۔  یہ بھی بتایا  کیا گیا کہ گزشتہ ای ٹی ایف میٹنگ کے بعد سے ضوابط کی تعمیل کی تصدیق کے بعد 12 بحالی کے احکامات جاری کیے گئے ہیں ، جن میں سے 06 صنعتی اکائیوں سے متعلق اور 06 سی اینڈ ڈی سائٹس سے متعلق ہیں ۔  ریاست کے لحاظ سے ، اتر پردیش میں 08 ، ہریانہ میں 03 اور دہلی میں 01 بحالی کے احکامات جاری کیے گئے ۔

 

ای ٹی ایف نے اتر پردیش کے مظفر نگر میں 15 جون 2026 کو کئے گئے ایک خصوصی معائنے  کی مہم کی رپورٹوں کا جائزہ لیا ، جس میں 10 صنعتی اکائیوں کا احاطہ کیا گیا ۔  ان میں سے صرف 01 یونٹ ضوابط کی  تعمیل  کرنے والی پائی گئی  ، جبکہ 09 یونٹ عدم تعمیل کرنے والی پائی گئیں ۔  معائنے کےدوران سامنے آنے والی   خامیوں میں غیر فعال یا آلودگی پر قابو پانے کا ناکافی بنیادی ڈھانچہ جیسے کہ غیر آپریشنل ویٹ اسکربر اور سائیکلون ، غیر آپریشنل ایئر پولیوشن کنٹرول ڈیوائسز (اے پی سی ڈی) ، فیوم ایکسٹریکشن سسٹم (ایف ای ایس) کی ناکافی کارکردگی اور آلودگی پر قابو پانے والے آلات کی ناقص دیکھ بھال شامل ہیں ۔

معائنہ کرنے والی ٹیموں نے چمنی کی نگرانی کے بنیادی ڈھانچے میں خامیوں کا بھی مشاہدہ کیا ، جن میں نگرانی کی سہولیات کی عدم موجودگی ، چمنیوں  کی غلط اونچائی اور ان  کی نگرانی کے مقرر کردہ معیارات کی عدم تعمیل شامل ہیں ۔  بعض اکائیوں میں ، آپریشنل خلاف ورزیاں جیسے اخراج کے معیارات کو پورا کرنے میں ناکامی ، مطلوبہ پری ٹریٹمنٹ کے بغیر آر ڈی ایف کا استعمال اور ہدایت نمبر 76 کے تحت دفعات کی عدم تعمیل کا بھی  کمیشن نے  مشاہدہ کیا ۔  خلاف ورزی کرنے والی اکائیوں کے خلاف مناسب نفاذ کی کارروائیاں شروع کی جا رہی ہیں ۔

کمیشن نے فلائنگ اسکواڈ کی ٹیموں کے ذریعے فوٹو گرافی اور ویڈیوگرافک شواہد کے ساتھ معائنہ کی رپورٹوں کو بروقت پیش کرنے کی ضرورت پر زور دیا ۔  صنعتی اکائیوں کے ذریعے تعمیل کی سخت تصدیق ، ڈی جی سیٹ کے آپریشن کے لیے مقرر کردہ اصولوں کی پابندی ، سی اینڈ ڈی سائٹس پر طے شدہ ماحولیاتی تحفظات کی تعمیل اور خلاف ورزی کرنے والوں کے خلاف فوری نفاذ کی کارروائی کے لیے ہدایات کا اعادہ کیا گیا ۔

ای ٹی ایف نے 19 جون 2026 تک کی تازہ ترین مجموعی نفاذ کی صورتحال کا بھی جائزہ لیا ۔  اس بات کا ذکر کیا گیا کہ کمیشن کے فلائنگ اسکواڈ کے ذریعے اب تک کل 27,577 اکائیوں/پروجیکٹوں/اداروں کا معائنہ کیا جا چکا ہے ۔  ان معائنے کی بنیاد پر 1,797 بندش کی ہدایات جاری کی گئی ہیں ، جن میں سے 1,416 تعمیل کی تصدیق پر دوبارہ شروع کرنے کے احکامات جاری کیے گئے ہیں ۔  اس کے علاوہ ، 123 معاملات کو حتمی فیصلے کے لیے متعلقہ ریاستی آلودگی کنٹرول بورڈز (ایس پی سی بی)/دہلی آلودگی کنٹرول کمیٹی (ڈی پی سی سی) کو منتقل کر دیا گیا ہے ، جبکہ 258 ادارے دوبارہ شروع کرنے کے احکامات جاری کرنے کے لیے زیر غور ہیں ۔

کمیشن نے پورے این سی آر میں فضائی آلودگی کو کم کرنے کے لیے نفاذ کو مضبوط کرنے ، بروقت تعمیل کی تصدیق ، عمل درآمد کرنے والی ایجنسیوں کے درمیان بہتر ہم آہنگی اور مقررہ اصولوں پر سختی سے عمل کرنے کی ضرورت کا اعادہ کیا ۔  صنعتی اخراج ، ڈی جی سیٹ اور سی اینڈ ڈی سرگرمیوں سمیت ترجیحی شعبوں میں معائنے کے طریقہ کار کو مضبوط بنانے ، جوابدہی کو یقینی بنانے اور نفاذ کی کارروائیوں کو تیز کرنے پر بھی مسلسل توجہ دی گئی ۔

******

ش ح۔م ش۔ خ م

U-NO.9048

(रिलीज़ आईडी: 2276753) आगंतुक पटल : 6