پنچایتی راج کی وزارت نے یوگا کے 12ویں بین الاقوامی دن کو اس سال کے موضوع’صحت مند بڑھاپےکے لیے یوگا‘ کو مدنظر رکھتے ہوئے ملک بھر میں تقریبات کا انعقاد کیا۔ پنچایتی راج اور ماہی پروری، حیوانات اور دودھ کی پیداوار کے مرکزی وزیر جناب راجیو رنجن سنگھ عرف للن سنگھ نے پاٹلی پترا اسپورٹس کمپلیکس، پٹنہ، بہار میں منعقدہ یوگا پروگرام میں شرکت کی، یوگا کے جذبے کو منانے میں شہریوں کے ساتھ شامل ہوئے اور صحت مند رہنے کے پیغام کو ہر گوشے تک پہنچانے کے عزم کا اعادہ کیا۔ پنچایتی راج اور ایف اے ایچ ڈی کے مرکزی وزیر مملکت، پروفیسر ایس پی سنگھ بگھیل نے ایکلویہ اسپورٹس اسٹیڈیم، آگرہ، اتر پردیش میں منعقدہ یوگا پروگرام میں شرکت کی، جہاں وہ شرکاء کے ایک بڑے اجتماع کے ساتھ شامل ہوئے جنہوں نے جوش و خروش اور لگن سے اس پروگرام میں حصہ لیا۔

نئی دہلی میں، پنچایتی راج کی وزارت نے سی ایس او آئی لان میں یوگا سیشن کا اہتمام کیا جس میں پنچایتی راج کی وزارت کے سکریٹری جناب وویک بھاردواج نے وزارت کے دیگر سینئر افسران اور عملے کے ساتھ شرکت کی۔ اس موقع پر، جناب بھاردواج نے مشاہدہ کیا کہ یوگا جسمانی تندرستی، ذہنی تندرستی اور مجموعی صحت کو فروغ دینے کا ایک طاقتور ذریعہ ہے، اور سب پر زور دیا کہ وہ اسے اپنی روزمرہ کی زندگی کا لازمی حصہ بنائیں۔ وزیر اعظم جناب نریندر مودی کے ملک بھر کے گرام پردھانوں کو مکتوب لکھے گئے خط کے مطابق، جس میں کمیونٹی کی شرکت کی قیادت کرنے پر زور دیا گیا ہے، پنچایتی راج اداروں  اور دیہی لوکل باڈیز نے آج 12ویں بین الاقوامی یوگا دن کی تقریبات میں فعال طور پر حصہ لیا، یوگا کے جذبے کو نچلی سطح تک لے جایاگیا۔

***

(ش ح۔اص)

UR No 8989

(रिलीज़ आईडी: 2276284) आगंतुक पटल : 5