નેશનલ કેડેટ કોર્પ્સ (NCC) એ દેશભરમાં ઉત્સાહ અને દેશભક્તિના જુસ્સા સાથે 12મા આંતરરાષ્ટ્રીય યોગ દિવસ (IDY) 2026 ની ઉજવણી કરી. દેશભરમાં 5,000 થી વધુ સ્થળોએ આયોજિત સિંક્રોનાઇઝ્ડ (એકસાથે યોજાયેલા) યોગ સત્રોમાં 8.30 લાખથી વધુ NCC કેડેટ્સ, એસોસિએટ NCC અધિકારીઓ, કાયમી પ્રશિક્ષકો અને NCC સ્ટાફે ભાગ લીધો હતો, જે યુવાનોમાં શારીરિક તંદુરસ્તી, માનસિક સુખાકારી અને સર્વાંગી વિકાસને પ્રોત્સાહન આપવા માટે સંસ્થાની પ્રતિબદ્ધતાને પુનરોચ્ચાર કરે છે.

આ યોગ સત્રો અમદાવાદમાં સાબરમતી રિવરફ્રન્ટ, હૈદરાબાદમાં ગોલકોંડા કિલ્લો, બિહારમાં બોધગયા, મુંબઈમાં વાનખેડે સ્ટેડિયમ, ગુવાહાટીમાં બ્રહ્મપુત્રા નદીના કિનારે, વારાણસીમાં નમો ઘાટ, કોલકાતામાં મિલેનિયમ પાર્ક, ચંદીગઢમાં સુખના તળાવ, ચેન્નઈમાં મરીના બીચ અને ઓડિશામાં કોણાર્ક સૂર્ય મંદિર સહિતના ઐતિહાસિક સ્થળોએ આયોજિત કરવામાં આવ્યા હતા.

NCC શિસ્તબદ્ધ, આત્મવિશ્વાસુ અને સામાજિક રીતે જવાબદાર નાગરિકોનું ઘડતર કરીને રાષ્ટ્ર નિર્માણમાં મહત્વપૂર્ણ ભૂમિકા ભજવવાનું ચાલુ રાખે છે. તેની વિવિધ પ્રવૃત્તિઓ દ્વારા, NCC તંદુરસ્તી, આત્મ-શિસ્ત અને સામૂહિક સુખાકારીના મૂલ્યોનું સિંચન કરે છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com