لوک سبھا کے اسپیکر جناب اوم برلا نے آج جناب  کے ایس ہیگڑے کے یومِ پیدائش کے موقع پر سنویدھان سدن میں ان کے مجسمے پر گلہائے عقیدت نذر کئے۔

راجیہ سبھا کے ڈپٹی چیئرمین جناب ہری ونش نارائن سنگھ  ، اراکین پارلیمنٹ، سابق اراکین پارلیمنٹ، لوک سبھا کے سکریٹری جنرل جناب اتپل کمار سنگھ، راجیہ سبھا کے سیکریٹری جنرل جناب پی سی مودی اور دیگر معزز شخصیات نے بھی آنجہانی ہیگڑے کو خراج عقیدت پیش کیا۔

جناب کے ایس ہیگڑے ایک ممتاز پارلیمنٹیرین اور انتہائی معروف قانون دان تھے۔ وہ پہلی بار 1952 میں راجیہ سبھا کے رکن منتخب ہوئے اور 1957 تک ایوان کے رکن رہے، جب انہوں نے اس وقت کے میسور ہائی کورٹ کے جج مقرر ہونے کے بعد استعفیٰ دے دیا۔ اس کے بعد وہ دہلی اور ہماچل پردیش ہائی کورٹ کے چیف جسٹس کے طور پر خدمات انجام دیتے رہے۔ 1967 میں انہیں سپریم کورٹ آف انڈیا کا جج مقرر کیا گیا، جہاں وہ 30 اپریل 1973 کو استعفیٰ دینے تک خدمات انجام دیتے رہے۔ 1977 میں وہ چھٹی لوک سبھا کے لیے بنگلور جنوب حلقے سے منتخب ہوئے۔ 21 جولائی 1977 کو ڈاکٹر نیلم سنجیو ریڈی کے استعفے کے بعد وہ لوک سبھا کے اسپیکر منتخب ہوئے۔ جنوری 1980 میں اسپیکر کے عہدے سے سبکدوش ہونے کے بعد وہ اپنی آبائی ریاست کرناٹک واپس چلے گئے۔ جناب ہگڑے کا انتقال 24 مئی 1990 کو ہوا۔

لوک سبھا سکریٹریٹ کی جانب سے جناب کے ایس ہیگڑے کا پروفائل، جو ہندی اور انگریزی میں تیار کیا گیا تھا، معزز شخصیات کو پیش کیا گیا۔

लोक सभा के पूर्व अध्यक्ष श्री के. एस. हेगड़े जी की जयंती पर संविधान सदन के केंद्रीय कक्ष में उन्हें भावपूर्ण श्रद्धांजलि अर्पित की।

श्री के. एस. हेगड़े राजनेता होने के साथ ही प्रख्यात विधिवेत्ता, न्यायविद् एवं संविधानिक मूल्यों के दृढ़ समर्थक थे। उन्होंने न्यायपालिका और संसद,… pic.twitter.com/lrpT4amTHA

— Om Birla (@ombirlakota) June 11, 2026

********

ش ح ۔ ع و ۔ م الف

U NO-8735

(रिलीज़ आईडी: 2273844) आगंतुक पटल : 5