প্রধানমন্ত্রীগী লোইশঙ
প্রধান মন্ত্রীনা নহারোলনা লমজিংবা চাউখৎ-থৌরাংগী মাইকৈদা সরকারনা চাউনা ইনোৎ হাপ্পীবা অমসুং মপাঙ্গল কনবা ইন্নোভেসন ইকোসিস্তেম অমা ওইরকপগী মতাংদা ফোংদোকখ্রে
পি.এম.না সেক্তর কয়ামরুমদা য়ুবা শক্তিনা চাউনা শরুক তম্মিবা অমসুং মালেমগী ফম্পাক অসিদা মখোয়না কান্নবা পীবা হেনগৎলক্লিবগী মতাংদা অকনবা ৱাফম থমখ্রে
प्रविष्टि तिथि:
13 JUN 2026 11:44AM by PIB Imphal
প্রধান মন্ত্রী শ্রী নরেন্দ্র মোদীনা ঙসি হায়খি মদুদি সরকারনা নহারোলনা লমজিংবা চাউখৎ থৌরাংগী মায়কৈদা অকনবা থবক পায়খৎলি। মহাক্না হায়খি মদুদি হৌখিবা চহি ১২গী মশক থোকপা মগুনশিংগী মরক্তগী অমা হায়রগদি ভারতকী নহারোলশিংনা মখোয়গী অপাম্বশিং অদু থাজবগা লোয়ননা চংশিনবা অদুনি।
শ্রী মোদীনা হায়খি মদুদি স্তার্ত অপ ইন্দিয়া, দিজিতেল ইন্দিয়া, স্কিল ইন্দিয়া, অমসুং অতল ইন্নোবেসন মিসনগুম্বা থৌরাংশিং অসিগী খুত্থাংদা, ইন্নোবেসন, ওন্ত্রপ্রিন্যুওরশিপ অমসুং এন্তরপ্রাইজশিংবু পুক্নিং থৌগৎপা ইকোসিস্তেম অমা শেমগৎলে। প্রধান মন্ত্রীনা হায়খি মদুদি ঙসিদি ভারত অসি মালেমগী মকোক থোংবা স্তার্ত-অপ দেস্তিনেসনশিংগী মরক্তা অমা ওইরে অমসুং মসিগী মায় পাকপগী ৱারী কয়া অসি ঐখোয়গী য়ুবা শক্তিনা ইরি, অমসুং মসি অপীকপা শহর অমসুং খুঙ্গংশিংদগীসু ওইরি।
ভারতকী নহারোলশিংনা সাইন্স অমসুং তেক্নোলোজীদগী হৌরগা মেনুফেকচরিং, স্পেস, সেমিকন্দক্তর অমসুং দ্রোনশিং ফাওবা তোঙান তোঙানবা সেক্তরশিংদা মশক থোরক্লি হায়না প্রধান মন্ত্রীনা ফোংদোকখি। মহাক্না হায়খি মদুদি ভারতকী নহাশিংনা লৈবাক অমসুং মালেমগী তুংলমচৎ শেমগদবা লমশিংদা থৌদাং লৌরিবা অসি উবদা নুংঙাইবা ফাওই।
ঐখোয়গী নহাশিংনা শান্ন-খোৎনবগী লমদসু লৈবাক অসিদা চাউথোকচনীংঙাই ওইবা থৌদাং লৌরি হায়না শ্রী মোদীনা অকনবা ৱাফম থমখি। মহাক্না মখা তানা হায়খি মদুদি হেন্না মপাঙ্গল কনবা স্পোর্তস ইকোসিস্তেম, হেন্না ফবা ইনফ্রাস্ত্রকচর, অমসুং শান্নরোয়শিংদা হেন্না চাউবা তেংবাং পীবনা নহা ওইরিবা তেলেন্তশিংগীদমক অনৌবা খুদোংচাবশিং শেমগৎলি অমসুং মখোয়বু শান্ন-খোৎনবদা পুক্নিং থৌগৎলি।
এক্সকী পোস্ত মথং-মথং তৌরদুনা প্রধান মন্ত্রীনা শিয়র তৌখি:
“এন.দি.এ. সরকার অসি নহারোলশিংনা লমজিংবা চাউখৎ-থৌরাংগী মায়কৈদা অকনবা থবক পায়খৎলি। হৌখিবা চহি ১২গী মশক তাকপা মগুনশিংগী মরক্তা অমা হায়রগদি ভারতকী নহারোলশিংনা থাজবগা লোয়ননা মখোয়গী অপাম্বশিংগী লম্বীদা চংশিল্লিবা অসিনি।
স্তার্ত অপ ইন্দিয়া, দিজিতেল ইন্দিয়া, স্কিল ইন্দিয়া অমসুং অতল ইন্নোবেসন মিসনগুম্বা খোঙথাংশিংগী খুত্থাংদা, ইন্নোবেসন, ওন্ত্রপ্রিন্যুওরশিপ অমসুং এন্তরপ্রাইসপু পুক্নিং থৌগৎপা ইকোসিস্তেম অমা শেম্লে।
ঙসিদি, ভারত অসি মালেমগী মকোক থোংবা স্তার্ত-অপ দেস্তিনেসনশিংগী মরক্তা অমা ওইরে অমসুং মসিগী মায় পাকপগী ৱারী কয়া অসি ঐখোয়গী য়ুবা শক্তিনা অমসুং মদুসু অপীকপা শহরশিং অমসুং খুঙ্গংশিংদগী ইরি।
#12YearsOfYuvaShakti”
“ভারতকী নহারোলশিংনা সাইন্স অমসুং তেক্নোলোজীদগী হৌরগা মেন্যুফেকচরিং, স্পেস, সেমিকন্দক্তর অমসুং দ্রোনশিং ফাওবদা তোঙান তোঙানবা সেক্তরশিংদা মখোয়না মশক থোক্লি। ঐখোয়গী লৈবাক অমসুং মালেমগী তুংলমচৎ শেমগদবা লমশিংদা নহা ওইরিবা ভারত মচাশিংনা থৌদাং লৌরিবা অসি উবদা নুংঙাইবা ফাওই।
ঐখোয়গী নহারোলশিংনা শান্ন-খোৎনবগী লমদসু লৈবাক অসিদা চাউনা মগুন লৈহল্লি। ইন্তর্নেস্নেল কম্পিতিসন কয়াদা, নহা ওইরিবা ভারতকী শান্নরোয়শিংনা লৈবাক অসিগী চাউথোকচবা হেনগৎহল্লি। মসিগা লোয়ননা, হেন্না মপাঙ্গল কনবা স্পোর্তস ইকোসিস্তেম, হেন্না ফবা ইনফ্রাস্ত্রকচর অমসুং শান্নরোয়শিংদা হেন্না চাউবা তেংবাং পীবনা নহা ওইরিবা তেলেন্তশিংদা অনৌবা খুদোংচাবা কয়া পীরি অমসুং মখোয়বু শান্ন-খোৎনবদা পুক্নিং থৌগৎলি।
#12YearsOfYuvaShakti"
***
(रिलीज़ आईडी: 2272693)
आगंतुक पटल : 11
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam