પ્રધાનમંત્રી શ્રી નરેન્દ્ર મોદીએ આજે જણાવ્યું હતું કે સરકાર યુવાઓની આગેવાની હેઠળના વિકાસ તરફ મજબૂત રીતે કામ કરી રહી છે. તેમણે નોંધ્યું હતું કે છેલ્લા 12 વર્ષની નિર્ણાયક વિશેષતાઓમાંની એક એ આત્મવિશ્વાસ છે જેની સાથે ભારતના યુવાનોએ તેમની આકાંક્ષાઓને આગળ ધપાવી છે. શ્રી મોદીએ હાઇલાઇટ કર્યું હતું કે સ્ટાર્ટઅપ ઇન્ડિયા, ડિજિટલ ઇન્ડિયા, સ્કીલ ઇન્ડિયા અને અટલ ઇનોવેશન મિશન જેવી પહેલો દ્વારા એક એવી ઇકોસિસ્ટમ ઉભરી આવી છે જે ઇનોવેશન, આંત્રપ્રિન્યોરશિપ અને એન્ટરપ્રાઇઝને પ્રોત્સાહિત કરે છે. પ્રધાનમંત્રીએ ધ્યાન દોર્યું હતું કે આજે ભારત વિશ્વના અગ્રણી સ્ટાર્ટઅપ સ્થળોમાંનું એક છે અને આમાંની ઘણી સફળતાની ગાથાઓ આપણી યુવા શક્તિ દ્વારા લખવામાં આવી રહી છે, અને તે પણ નાના નગરો અને ગામડાઓમાંથી.

પ્રધાનમંત્રીએ નિરીક્ષણ કર્યું કે ભારતના યુવાનો વિજ્ઞાન અને ટેકનોલોજીથી લઈને મેન્યુફેક્ચરિંગ, સ્પેસ, સેમિકન્ડક્ટર્સ અને ડ્રોન સુધીના વિવિધ ક્ષેત્રોમાં પોતાની છાપ છોડી રહ્યા છે. તેમણે વ્યક્તિ કર્યું કે યુવા ભારતીયોને એવા ક્ષેત્રોમાં યોગદાન આપતા જોઈને આનંદ થાય છે જે રાષ્ટ્ર અને વિશ્વના ભવિષ્યને આકાર આપશે. શ્રી મોદીએ ભારપૂર્વક જણાવ્યું હતું કે આપણા યુવાનોએ રમતગમતના ક્ષેત્રમાં પણ દેશનું નામ રોશન કર્યું છે અને અસંખ્ય આંતરરાષ્ટ્રીય સ્પર્ધાઓમાં રાષ્ટ્રીય ગૌરવ સતત વધાર્યું છે. તેમણે વધુમાં જણાવ્યું હતું કે મજબૂત રમતગમતની ઇકોસિસ્ટમ, બહેતર ઈન્ફ્રાસ્ટ્રક્ચર અને રમતવીરો માટે વધુ સપોર્ટ યુવા પ્રતિભાઓ માટે નવી તકો ઊભી કરી રહ્યા છે અને તેમને રમતગમત તરફ આગળ વધવા માટે પ્રોત્સાહિત કરી રહ્યા છે.

X પર શ્રેણીબદ્ધ પોસ્ટ્સમાં, પ્રધાનમંત્રીએ શેર કર્યું:

"NDA સરકાર એવી સરકાર છે જે યુવાઓની આગેવાની હેઠળના વિકાસ તરફ મજબૂત રીતે કામ કરી રહી છે. છેલ્લા 12 વર્ષની નિર્ણાયક વિશેષતાઓમાંની એક એ આત્મવિશ્વાસ છે જેની સાથે ભારતના યુવાનોએ તેમની આકાંક્ષાઓને આગળ ધપાવી છે.

સ્ટાર્ટઅપ ઇન્ડિયા, ડિજિટલ ઇન્ડિયા, સ્કીલ ઇન્ડિયા અને અટલ ઇનોવેશન મિશન જેવી પહેલો દ્વારા એક એવી ઇકોસિસ્ટમ ઉભરી આવી છે જે ઇનોવેશન, આંત્રપ્રિન્યોરશિપ અને એન્ટરપ્રાઇઝને પ્રોત્સાહિત કરે છે. આજે ભારત વિશ્વના અગ્રણી સ્ટાર્ટઅપ સ્થળોમાંનું એક છે અને આમાંની ઘણી સફળતાની ગાથાઓ આપણી યુવા શક્તિ દ્વારા લખવામાં આવી રહી છે અને તે પણ નાના નગરો અને ગામડાઓમાંથી.

#12YearsOfYuvaShakti”

“ભારતના યુવાનો વિજ્ઞાન અને ટેકનોલોજીથી લઈને મેન્યુફેક્ચરિંગ, સ્પેસ, સેમિકન્ડક્ટર્સ અને ડ્રોન સુધીના વિવિધ ક્ષેત્રોમાં પોતાની છાપ છોડી રહ્યા છે. યુવા ભારતીયોને એવા ક્ષેત્રોમાં યોગદાન આપતા જોઈને આનંદ થાય છે જે આપણા રાષ્ટ્ર અને વિશ્વના ભવિષ્યને આકાર આપશે.

આપણા યુવાનોએ રમતગમતના ક્ષેત્રમાં પણ દેશનું નામ રોશન કર્યું છે. અસંખ્ય આંતરરાષ્ટ્રીય સ્પર્ધાઓમાં, યુવા ભારતીય રમતવીરોએ સતત રાષ્ટ્રીય ગૌરવ વધાર્યું છે. તે જ સમયે, મજબૂત રમતગમતની ઇકોસિસ્ટમ, બહેતર ઈન્ફ્રાસ્ટ્રક્ચર અને રમતવીરો માટે વધુ સપોર્ટ યુવા પ્રતિભાઓ માટે નવી તકો ઊભી કરી રહ્યા છે અને તેમને રમતગમત તરફ આગળ વધવા માટે પ્રોત્સાહિત કરી રહ્યા છે.

#12YearsOfYuvaShakti"

SM/NK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com