بھارت کی وزارت سماجی انصاف و تفویض اختیارات کے تحت قائم نیشنل انسٹی ٹیوٹ آف سوشل ڈیفنس (این آئی ایس ڈی) نے اتراکھنڈ میں سماجی تحفظ کے امور پر مشترکہ طور پر صلاحیت سازی کو فروغ دینے کے لیے آج ڈاکٹر آر ایس ٹولیا اتراکھنڈ اکیڈمی آف ایڈمنسٹریشن (ڈی آر ایس ٹی یو اے او اے)، نینی تال کے ساتھ ایک مفاہمت نامے (ایم او ایو) پر دستخط کیے ۔

مفاہمت نامے پر دستخط کی تقریب میں جناب سُدھانش پنت ، آئی اے ایس، سیکریٹری، وزارت سماجی انصاف و تفویض اختیارات، حکومت ہند اور جناب بی پی پانڈے، آئی اے ایس، ڈائریکٹر جنرل، ڈی آر ایس ٹی یو اے او اے نے شرکت کی۔اس ایم او یو پر ڈاکٹر ایچ سی شری دھر رنگا ریڈی، ڈپٹی ڈائریکٹر، این آئی ایس ڈی اور ڈاکٹر مہیش کمار، جوائنٹ ڈائریکٹر، ڈی آر ایس ٹی یو اے او اے کے درمیان دستخط اور تبادلے کی صورت میں مکمل ہوا۔اس موقع پر ڈی آر ایس ٹی یو اے او اے، این ٹی ایل کے پروجیکٹ ڈائریکٹر ڈاکٹر انل کمار مشرا؛ ڈی آر ایس ٹی یو اے او اے کے جوائنٹ ڈائریکٹر (فنانس) جناب رِدھانشو شرما؛ ڈی آر ایس ٹی یو اے او اے کے ڈپٹی ڈائریکٹر جناب وی کے سنگھ سمیت دونوں اداروں کے فیکلٹی اور اسٹاف کے دیگر اراکین بھی موجود تھے۔

مفاہمت نامے پر دستخط کی تقریب میں معزز سیکریٹری، وزارت سماجی انصاف و تفویض اختیارات اور ڈائریکٹر جنرل، ڈی آر ایس ٹی یو اے او اے کی موجودگی میں یہ معاہدہ طے پایا۔

اس موقع پر این ایس آئی ڈی کے ڈپٹی ڈائریکٹر (ٹریننگ) نے خطاب کرتے ہوئے کہا کہ اس شراکت داری کا مقصد ریاستی حکومت کے افسران، پولیس اہلکاروں، جیل عملے، این جی اوز اور فیلڈ میں کام کرنے والے اہلکاروں کی صلاحیتوں کو مضبوط بنانا ہے، تاکہ منشیات کے استعمال کی روک تھام، بزرگ شہریوں کی دیکھ بھال، خواجہ سرا افراد کی فلاح و بہبود اور بھیک مانگنے میں ملوث افراد کی بحالی جیسے ابھرتے ہوئے چیلنجز سے بہتر طور پر نمٹا جا سکے۔انہوں نے مزید کہا کہ ڈی آر ایس ٹی یو اے او اے کا تربیتی ڈھانچہ اور ریاست بھر میں اس کی رسائی، جبکہ این آئی ایس ڈی کی شعبہ جاتی مہارت اور وسائل، مل کر سماجی انصاف اور گورننس کی تربیت کے درمیان ہم آہنگی پیدا کرنے کے لیے اتراکھنڈ میں ایک مثالی ماڈل تیار کرنے میں مدد دیں گے۔

اکیڈمی کے ڈائریکٹر جنرل نے اس شراکت داری کا خیرمقدم کیا اور مفاہمت نامے کو عملی جامہ پہنانے کے لیے مکمل ادارہ جاتی تعاون کی یقین دہانی کرائی۔انہوں نے کہا کہ افسران کے بنیادی تربیتی نصاب میں سماجی تحفظ کے موضوعات کو شامل کرنے سے فلاحی اسکیموں کی آخری سطح تک مؤثر ترسیل مزید مضبوط ہوگی۔

یہ ایم او یو ریاستی انتظامی نظام میں سماجی تحفظ کی تربیت کو ادارہ جاتی سطح پر مضبوط بنانے کی جانب ایک اہم قدم ہے۔اس کے تحت این آئی ایس ڈی تکنیکی، تعلیمی اور جزوی مالی معاونت فراہم کرے گا، جبکہ ڈی آر ایس ٹی یو اے او اے ریاست میں اس کے نفاذ اور نگرانی کی ذمہ داری سنبھالے گا۔

**********

) ش ح –   م ش      -  ش ہ ب )

U.No. 8549

(रिलीज़ आईडी: 2272287) आगंतुक पटल : 11