ફિટનેસ, સસ્ટેનેબિલિટી અને સામુદાયિક ભાગીદારીની દેશવ્યાપી ઉજવણીમાં, સ્પોર્ટ્સ ઓથોરિટી ઓફ ઈન્ડિયા (SAI) દ્વારા યુનિયન સાયક્લિસ્ટે ઈન્ટરનેશનલ (UCI) અને સાયકલિંગ ફેડરેશન ઓફ ઈન્ડિયા (CFI)ના સહયોગથી વર્લ્ડ બાયસિકલ ડેની સ્મૃતિમાં 7 જૂન 2026ના રોજ સન્ડેઝ ઓન સાયકલની એક વિશેષ આવૃત્તિનું આયોજન કરવામાં આવશે.

આ ફ્લેગશિપ ઈવેન્ટ એકસાથે અનેક સ્થળોએ આયોજિત કરવામાં આવશે, જેમાં અમદાવાદ, વડોદરા, જયપુર, બીકાનેર અને SAI રીજીયોનલ સેન્ટર ગાંધીનગર ખાતે મુખ્ય ઉજવણીનું આયોજન કરવામાં આવ્યું છે, સાથે દેશભરના વિવિધ સ્પોર્ટ્સ ટ્રેનિંગ સેન્ટર્સ (STCs) અને ખેલો ઈન્ડિયા સેન્ટર્સ (KICs) તરફથી વ્યાપક ભાગીદારી જોવા મળશે.

આ ઈવેન્ટમાં અનેક પ્રતિષ્ઠિત મહાનુભાવો, પ્રખ્યાત રમતવીરો, વરિષ્ઠ સરકારી અધિકારીઓ અને અન્ય હાઈ-પ્રોફાઈલ મહેમાનોની ઉપસ્થિતિ જોવા મળવાની અપેક્ષા છે, જેઓ સાયકલિંગ દ્વારા તંદુરસ્ત અને હરિયાળા ભારતના સંદેશાને પ્રોત્સાહિત કરવા માટે નાગરિકો સાથે જોડાશે.

આ પ્રસંગનું મહત્વ વધુ વધારતા, બોર્ડર સિક્યુરિટી ફોર્સ (BSF), નેશનલ ડિઝાસ્ટર રિસ્પોન્સ ફોર્સ (NDRF), નેશનલ કેડેટ કોર્પ્સ (NCC), ઈન્ડિયન આર્મ્ડ ફોર્સીસ, ઈન્ડિયન નેવી, સેન્ટ્રલ ઈન્ડસ્ટ્રિયલ સિક્યુરિટી ફોર્સ (CISF), પોલીસ વિભાગો અને અન્ય સંસ્થાઓ સહિત વિવિધ ગણવેશધારી સેવાઓ અને સંગઠનોના કર્મચારીઓ દેશના વિવિધ પ્રદેશોમાં આ ઉજવણીમાં સક્રિયપણે ભાગ લેશે.

આ પહેલનો ઉદ્દેશ્ય તમામ વય જૂથના લોકોને પર્યાવરણ સંરક્ષણમાં યોગદાન આપવાની સાથે સાથે, પરિવહનના એક ટકાઉ મોડ તરીકે અને શારીરિક ફિટનેસ સુધારવાના સાધન તરીકે સાયકલિંગને અપનાવવા માટે પ્રોત્સાહિત કરવાનો છે. સામૂહિક ભાગીદારીવાળી રાઇડ્સ, ફિટનેસ પ્રવૃત્તિઓ, જાગૃતિ અભિયાન અને સામુદાયિક જોડાણ દ્વારા, આ ઈવેન્ટ વધુ ફિટ, સ્વસ્થ અને પર્યાવરણ પ્રત્યે સભાન રાષ્ટ્રના નિર્માણના વિઝનને મજબૂત કરશે.

સન્ડેઝ ઓન સાયકલની વર્લ્ડ બાયસિકલ ડે સ્પેશિયલ આવૃત્તિમાં એથ્લેટ્સ, કોચ, યુવાનો, ફિટનેસ ઉત્સાહીઓ, વિદ્યાર્થીઓ અને જનતાના સભ્યો તરફથી ઉત્સાહપૂર્ણ ભાગીદારી જોવા મળવાની અપેક્ષા છે, જે તેને દેશમાં સાયકલિંગ જાગૃતિની સૌથી મોટી પહેલોમાંની એક બનાવશે.

 

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(रिलीज़ आईडी: 2269696) आगंतुक पटल : 31