ریلوے، اطلاعات و نشریات اور الیکٹرانکس اور انفارمیشن ٹکنالوجی کے مرکزی وزیر جناب اشونی وشنو نے آج شمالی ریلوے کے تلک پل-شکور بستی ریل سیکشن کا جامع معائنہ کیا۔ دورے کے دوران انہوں نے ریلوے کے سینئر حکام کے ساتھ ایک جائزہ میٹنگ کی اور مختلف ترقیاتی منصوبوں اور خطے میں جاری کاموں کی پیش رفت کا جائزہ لیا۔

شکور بستی ڈپو میں جدید ترین تکنالوجیوں اور رکھ رکھاؤ کی سہولتوں کا معائنہ

معائنہ کے دوران، ریلوے کے وزیر نے شکور بستی اسٹیشن کا دورہ کیا، جہاں انہوں نے جدید ترین ریٹریکٹ ایبل اوور ہیڈ آلات (او ایچ ای) سسٹم کا قریب سے جائزہ لیا۔ یہ ٹیکنالوجی مینٹیننس شیڈ کے اندر انجنوں اور ٹرینوں کی محفوظ اور موثر دیکھ بھال کو یقینی بنانے میں اہم کردار ادا کرتی ہے۔

انہوں نے بوگی پٹ اور بوگی اٹھانے کی سہولیات کا بھی معائنہ کیا اور حکام کو زمینی سطح پر آپریشنل کارکردگی کو مزید بڑھانے کی ہدایت دی۔

ہائیڈروجن ٹرین کا معائنہ

دورے کی ایک اہم بات ہائیڈروجن ٹرین کا معائنہ تھا۔ ریلوے کے وزیر نے اس ماحول دوست سبز تکنالوجی پہل کی پیشرفت کا جائزہ لیا، جو مستقبل میں ہندوستانی ریلوے کو مکمل طور پر آلودگی سے پاک بنانے کی سمت میں ایک اہم قدم کی نمائندگی کرتا ہے۔

عالمی یوم ماحولیات اور ماحول دوست ریلوے کے تئیں عہدبستگی

عالمی یوم ماحولیات کے موقع پر، ریلوے کے وزیر نے ڈپو کے احاطے میں منعقد شجر کاری مہم میں حصہ لیا اور ایک پودا لگایا۔ اس موقع پر، انہوں نے ماحولیاتی تحفظ کے لیے ہندوستانی ریلوے کے مضبوط عزم کا اعادہ کیا۔

بھارتی ریلوے تیزی سے 100فیصد  برق کاری کی جانب آگے بڑھ رہی ہے، یہ ایک اہم سنگ میل ہے جو خالص صفر کاربن اخراج کرنے والا ملک بننے کے عزم کو حاصل کرنے میں اہم کردار ادا کرے گا۔

جناب اشونی ویشنو نے شکوربستی ڈپو میں کام کرنے والے ملازمین، رکھ رکھاؤ کے عملے اور ریلوے کے دیگر اہلکاروں سے بات چیت کی۔ گرمجوشی اور خوشگوار ماحول میں، ریلوے کے وزیر نے ان کے تجربات کو سنا، ذاتی طور پر ان کی کوششوں کی تعریف کرتے ہوئے ان کی حوصلہ افزائی کی، اور اپنے روزمرہ کے کام میں درپیش عملی چیلنجوں اور مسائل کے بارے میں گہری سمجھ حاصل کی۔ مرکزی وزیر نے ریلوے کے سینئر افسران کو عملے کی طرف سے اٹھائے گئے خدشات کے فوری اور وقتی حل کے لیے ہدایات جاری کیں۔

گروگرام ریلوے اسٹیشن کا معائنہ

مرکزی وزیر ریلوے نے گروگرام ریلوے اسٹیشن کا اچانک معائنہ بھی کیا۔ انہوں نے عالمی سطح پر جاری ری ڈویلپمنٹ کاموں کی پیش رفت کا قریب سے جائزہ لیا اور متعلقہ عہدیداروں کو ضروری ہدایات جاری کیں۔ اسٹیشن کو 300 کروڑ روپے کی لاگت سے دوبارہ تیار کیا جا رہا ہے۔

ریلوے کے وزیر نے اسٹیشن پر موجود مسافروں کے ساتھ براہ راست بات چیت کرکے اپنی زمین سے جڑی قیادت کا مظاہرہ کیا۔ انہوں نے ان کے ساتھ ریلوے خدمات، ان کے سفری تجربات اور سفر کے دوران درپیش چنوتیوں کے حوالے سے تفصیلی بات چیت کی۔

**********

 (ش ح –ا ب ن)

U.No:8045

(रिलीज़ आईडी: 2269658) आगंतुक पटल : 8