યુવા બાબતો અને રમતગમત મંત્રાલયે રાષ્ટ્રીય રમતગમત શાસન અધિનિયમ, 2025 (National Sports Governance Act, 2025) હેઠળ સ્થપાયેલી વૈધાનિક સંસ્થા, રાષ્ટ્રીય રમતગમત ટ્રિબ્યુનલ (NST) ના બે સભ્યોની નિમણૂક માટે અરજીઓ આમંત્રિત કરી છે.

રાષ્ટ્રીય રમતગમત શાસન અધિનિયમ, 2025 ની જોગવાઈઓ હેઠળ રમતગમતને લગતા વિવાદોની સુનાવણી અને ચુકાદો આપવા માટે રાષ્ટ્રીય રમતગમત ટ્રિબ્યુનલની રચના કરવામાં આવી છે. આ ટ્રિબ્યુનલનું મુખ્ય મથક નવી દિલ્હીમાં આવેલું છે, અને પસંદ કરાયેલા સભ્યોનું પોસ્ટિંગ દિલ્હીમાં કરવામાં આવશે.

રાષ્ટ્રીય રમતગમત ટ્રિબ્યુનલમાં સભ્યના પદ માટેની બે ખાલી જગ્યાઓ ભરવા માટે આ અરજીઓ આમંત્રિત કરવામાં આવી રહી છે.

પાત્ર ઉમેદવારો જાહેર જીવનમાં પ્રતિષ્ઠિત વ્યક્તિઓ હોવા જોઈએ જેઓ રમતગમત, જાહેર વહીવટ અને કાયદા ક્ષેત્રે વ્યાપક જ્ઞાન અને અનુભવ ધરાવતા હોય. સભ્યોના પગાર, ભથ્થાં અને સેવાની અન્ય શરતો રાષ્ટ્રીય રમતગમત શાસન (રાષ્ટ્રીય રમતગમત ટ્રિબ્યુનલ) નિયમો, 2026 ની જોગવાઈઓ દ્વારા સંચાલિત થશે.

પસંદગી પ્રક્રિયા રાષ્ટ્રીય રમતગમત શાસન અધિનિયમ, 2025 હેઠળ ગઠિત 'સર્ચ-કમ-સિલેક્શન કમિટી' (શોધ પ્લસ પસંદગી સમિતિ) દ્વારા હાથ ધરવામાં આવશે. સમિતિ અરજીઓની ચકાસણી કરશે અને ઉમેદવારોની લાયકાત, અનુભવ અને પદ માટેની તેમની યોગ્યતાના આધારે મૂલ્યાંકન કરશે. શોર્ટલિસ્ટ થયેલા ઉમેદવારોને વ્યક્તિગત વાર્તાલાપ (ઇન્ટરવ્યુ) માટે આમંત્રિત કરવામાં આવશે.

નિમણૂક માટેની અંતિમ ભલામણ ઉમેદવારોના એકંદર મૂલ્યાંકનના આધારે કરવામાં આવશે, જેમાં તેમની લાયકાત, અનુભવ અને વ્યક્તિગત ઇન્ટરવ્યુ  દરમિયાનના પ્રદર્શનને ધ્યાનમાં લેવામાં આવશે.

રાષ્ટ્રીય રમતગમત ટ્રિબ્યુનલની સ્થાપના એ રમતગમતને લગતા વિવાદોના ઉકેલ માટે એક સ્વતંત્ર અને વિશિષ્ટ વ્યવસ્થા પ્રદાન કરીને દેશમાં રમતગમતના શાસન (સ્પોર્ટ્સ ગવર્નન્સ) ને મજબૂત કરવા તરફનું એક મહત્વપૂર્ણ પગલું છે.

વિગતવાર માહિતી માટે કૃપા કરીને આ લિંક વાંચો: https://yas.nic.in/en/sports/vacancy-circular-selection-members-national-sports-tribunal-under-national-sports-governance

SM/BS/JD