பாதுகாப்புத் துறை  அமைச்சர் திரு ராஜ்நாத் சிங், உத்தரப்பிரதேச முதலமைச்சர் திரு யோகி ஆதித்யநாத் ஆகியோர் இணைந்து லக்னோவில் 2026 மே 30 அன்று 'நௌசேனா சவுரியா வாடிகா' வை தொடங்கி வைத்தனர். இரண்டு ஏக்கர் பரப்பளவில் ரூ. 19 கோடி செலவில் கட்டப்பட்ட இந்த திறந்தவெளி காட்சி அருங்காட்சியகம் இந்திய கடற்படையின் உணர்வு, வீரம் மற்றும் வலிமையை வெளிப்படுத்துகிறது. 34 ஆண்டுகால சேவைக்குப் பிறகு 2022 மே 29 அன்று பணியிலிருந்து விடுவிக்கப்பட்ட ஐஎன்எஸ் கோமதியின் கலைப்பொருட்கள் மற்றும் ஆயுத அமைப்புகளை இது காட்சிப்படுத்துகிறது.

இந்நிகழ்ச்சியில் பேசிய பாதுகாப்பு அமைச்சர், நௌசேனா சவுரியா வாடிகா சுற்றுலாப் பயணிகளை ஈர்ப்பது மட்டுமல்லாமல், சுதந்திரம் மற்றும் பாதுகாப்புக்கான உண்மையான விலையை எதிர்கால சந்ததியினருக்கு நினைவூட்டும் உத்வேகத்தின் அடையாளமாகவும் இருக்கும் என்று விவரித்தார். நாட்டின் வீரம் மற்றும் தியாகங்கள் மூலம் பாதுகாக்கப்படும் நாட்டின் பாதுகாப்பை தொடர்ந்து நினைவூட்டுவதற்காக இந்தப் பூங்கா செயல்படும் என்றும் அவர் கூறினார். "இது ஒரு கட்டிடக்கலை வடிவமைப்பு அல்லது கட்டமைப்பு கைவினைத்திறனின் தயாரிப்பு மட்டுமல்ல; இது நமது வீரர்கள் மீது  நாம் வைத்திருக்கும் நன்றியுணர்வை மீண்டும் எழுப்புகிறது. நமது இளைஞர்களிடையே தேசத்தைக் கட்டியெழுப்புவதற்கான ஆர்வத்தைத் தூண்டுவதே இதன் நோக்கம் "என்று அவர் கூறினார்.

தற்போதைய புவிசார் அரசியல் கொந்தளிப்புக்கு மத்தியில், கடல் வழிகளைப் பாதுகாப்பதே உலக அமைதி மற்றும் செழிப்புக்கான திறவுகோல் என்பதை சுட்டிக் காட்டிய திரு ராஜ்நாத் சிங், கடலில் வலுவான இருப்பு மற்றும் செயல்பாட்டு தயார்நிலைக்காக இந்திய கடற்படையைப் பாராட்டினார். சிந்தூர் நடவடிக்கையின் போது இந்திய ராணுவம் மற்றும் இந்திய விமானப்படையுடன் இணைந்து இந்திய கடற்படையின் அசாதாரண பங்களிப்பை அவர் பாராட்டினார். "அரபிக்கடலில் நமது கடற்படையின் வலிமையான நிலை எதிரி மனதில் ஒரு நிலையான அச்ச உணர்வை ஏற்படுத்தியது. இதன் விளைவாக, பாகிஸ்தான் கடற்படை அதன் துறைமுகங்களில் மட்டுப்படுத்தப்பட்டது "என்று அவர் கூறினார்.

உத்தரப்பிரதேச துணை முதலமைச்சர்கள் திரு கேசவ் பிரசாத் மவுரியா மற்றும் திரு பிரஜேஷ் பதக், கடற்படைத் தளபதி அட்மிரல் தினேஷ் கே திரிபாதி மற்றும் பிற மூத்த சிவில் மற்றும் ராணுவ அதிகாரிகள் இந்நிகழ்ச்சியில் கலந்து கொண்டனர்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்

https://www.pib.gov.in/PressReleasePage.aspx?PRID=2266964&reg=3&lang=1

***

TV/PKV/RJ         

(வெளியீட்டு அடையாள எண்: 2267012) வருகையாளர் எண்ணிக்கை : 20