حکومت نے مرکز کے زیر انتظام علاقے پڈوچیری میں دو نئے خصوصی اقتصادی زونز کے قیام کا  نوٹیفکیشن جاری کیا ہے۔ یہ تجاویز محکمۂ تجارت کے تحت خصوصی اقتصادی زونز کے منظوری بورڈ نے اپنی137ویں میٹنگ میں، جو 27 فروری 2026 کو منعقد ہوئی، منظور کی تھیں۔

یہ منصوبے حکومت کی جانب سے ملک کے صنعتی ڈھانچے کو مضبوط بنانے، برآمدات کو وسعت دینے اور اسٹریٹجک شعبوں میں خود انحصاری کو مزید گہرا کرنے کی مسلسل کوششوں میں ایک اہم اور فیصلہ کن قدم ہیں۔یہ منظوری پڈوچیری کی صنعتی ترقی اور برآمدات پر مبنی حکمتِ عملی کے لیے ایک بڑا سنگِ میل ہے اور توقع ہے کہ اس سے سرمایہ کاری، صنعتی پیداوار اور معیاری روزگار کے مواقع میں اضافہ ہوگا۔

ان دو خصوصی اقتصادی زونز میں سے ایک انفارمیشن ٹیکنالوجی / آئی ٹی ای ایس سے متعلق خصوصی اقتصادی زون ہوگا، جسے اولگرے میونسپلٹی کی جانب سے اولگرے تعلقہ کے گاؤں تھاٹانچاواڈی میں قائم کیا جائے گا۔ یہ بھارت کا پہلا ایسا خصوصی اقتصادی زون ہوگا جسے کسی شہری مقامی ادارے یعنی میونسپلٹی کے ذریعے ترقی دی جائے گی۔ دوسرا زون ایک کثیر شعبہ جاتی خصوصی اقتصادی زون ہوگا، جسے پڈوچیری صنعتی ترقی اور سرمایہ کاری کارپوریشن (پی آئی پی ڈی آئی سی) کی جانب سے ویلیانور تعلقہ کے گاؤں کاراسور میں قائم کیا جائے گا۔

ان دونوں خصوصی اقتصادی زونز کی مختصر تفصیلات درج ذیل ہیں:

یہ منصوبے تمل ناڈو، انڈمان اور پڈوچیری (ٹی اے پی) خطے میں صنعتی نظام کی بڑھتی ہوئی رفتار کو نمایاں کرتے ہیں، جہاں متنوع شعبے اور بڑے پیمانے کے منصوبے روزگار کے مواقع پیدا کرنے اور علاقائی معاشی ترقی میں تیزی سے اہم کردار ادا کر رہے ہیں۔

یہ نوٹیفکیشن بھارت کی اس وسیع حکمتِ عملی کی عکاسی کرتے ہیں جس کا مقصد خصوصی اقتصادی زونز کی بنیاد پر متنوع ترقی کے ذریعے ملک کے صنعتی، ٹیکنالوجی، مینوفیکچرنگ اور خدمات کے شعبوں کو مضبوط بنانا ہے۔ اس سے معیشت میں وسعت اور مضبوطی پیدا کرنے، سرمایہ کاری کو راغب کرنے اور روزگار کے مواقع پیدا کرنے میں مدد ملے گی۔

 

************

 

ش ح۔ت ف۔ش ت

 (U: 7722)      

(ریلیز آئی ڈی: 2266721) وزیٹر کاؤنٹر : 13