انڈین نیول اکیڈمی(آئی این اے)، ایزیمالا میں ایک عظیم الشان پاسنگ آؤٹ پریڈ(پی او پی) کا 28 مئی2026 کو انعقاد کیا گیا۔

66 خواتین ٹرینیز سمیت کل311 ٹرینیز اپنی ابتدائی فوجی تربیت کی تکمیل کے موقع پر امتیاز کے ساتھ روانہ ہوئے۔ پاسنگ آؤٹ بیچ میں تین دوست ممالک سیشلز، تنزانیہ اور ویتنام کے چھ ٹرینی بھی شامل تھے جن میں سے دو سیشلز کی خواتین ٹرینی تھیں۔ یہ اکیڈمی کے بڑھتے ہوئے بین الاقوامی اثر کو ظاہر کرتا ہے۔

پریڈ کا جائزہ وائس ایڈمرل سمیر سکسینہ، فلیگ آفیسر کمانڈنگ ان چیف، سدرن نیول کمانڈ نے لیا۔ آئی این اے کے کمانڈنٹ وائس ایڈمرل منیش چڈھا نے رسمی پریڈ کے دوران جائزہ لینے والے افسر کے طور پر خدمات انجام دیں۔ پریڈ کا مشاہدہ سینئر فوجی افسران، معزز مہمانوں، غیر ملکی ملٹری اتاشیوں اور پاس آؤٹ ٹرینیز کے قابل فخر والدین نے کیا۔

پریڈ کے دوران ریویونگ آفیسر نے بہترین تربیت حاصل کرنے والوں کو ایوارڈز اور میڈلز پیش کیے۔ مڈشپ مین کلدیپ سنگھ کو 110 ویں انڈین نیول اکیڈمی کورس میں پہلی پوزیشن حاصل کرنے پر صدر کے گولڈ میڈل سے نوازا گیا۔ مڈشپ مین ادے ویر سنگھ نیگی نے سابق این ڈی اے ٹرینیز میں مجموعی میرٹ لسٹ میں پہلی پوزیشن حاصل کرنے پر ایف او سی-ان-سی (ساؤتھ) ٹرافی حاصل کی۔ 41ویں نیول اورینٹیشن کورس (توسیع شدہ) اور 42ویں نیول اورینٹیشن کورس (ریگولر) کی مجموعی میرٹ لسٹ میں پہلی پوزیشن حاصل کرنے والے ٹرینیز کے لیے سی این ایس گولڈ میڈل بالترتیب کیڈٹ جانوی چراگ مہتا اور کیڈٹ سیما ایس ٹنڈولکر کو دیے گئے۔ بہترین بین الاقوامی ٹرینی کی ایف ا و سی-ان- میں سی( ساؤتھ) ٹرافی ویتنام کے مڈشپ مین ناگو ئین وان ہاؤ کو دی گئی۔ بہترین کوسٹ گارڈ ٹرینی کے لیے ڈائریکٹر جنرل کوسٹ گارڈ ٹرافی 42ویں نیول اورینٹیشن (کوسٹ گارڈ) کورس کے کیڈٹ سروگیہ مشرا کو دی گئی۔

ہر ٹرم کی پاسنگ آؤٹ پریڈ کے دوران تربیتی اور مسابقتی ایونٹس کے تمام شعبوں میں بہترین کارکردگی کا مظاہرہ کرنے والے اسکواڈرن کو’کمانڈنٹ چیمپیئن اسکواڈرن بینر‘سے بھی نوازا جاتا ہے۔ جائزہ لینے والے افسر نے ’اسپرنگ ٹرم 2026‘کے لیے فائٹر اسکواڈرن کو چیمپئن اسکواڈرن بینر پیش کیا۔

جائزہ لینے والے افسر نے پاس آؤٹ ٹرینیز کو انڈین نیول اکیڈمی میں کامیابی کے ساتھ تربیت مکمل کرنے پر مبارکباد دی۔ انہوں نے تربیت حاصل کرنے والوں کو ان کے بے مثال ٹرن آؤٹ اور ڈرل کے انتہائی اعلیٰ معیار پر سراہا، جو ان کی تربیت کے اعلیٰ معیار کی عکاسی کرتا ہے۔ انہوں نے والدین کے غیر متزلزل تعاون کو سراہتے ہوئے اساتذہ اور تربیتی عملے کی لگن کی بھی تعریف کی۔ انہوں نے ابتدائی تربیتی مرحلے میں ہی غیر ملکی تربیت یافتہ افراد کو شامل کرنے کی اہمیت پر زور دیا، جو کم عمری میں ہی دوستی کے دیرپا بندھن کو استوار کرتا ہے اور بین الاقوامی بحری تعاون کو برقرار رکھنے کے لیے اچھا ثابت ہوتا ہے۔

پریڈ کے بعد فلیگ آفیسر کمانڈنگ ان چیف، آئی این اے کے کمانڈنٹ، والدین اور دیگر معززین نے پاس آؤٹ ہونے والے ٹرینیز کے کندھوں پر’سب لیفٹیننٹ‘رینک کا نشان لگایا۔ انہوں نے قابل فخر خاندانوں کے ایک بڑے اجتماع سے بات چیت کی جو ایک سخت تربیتی نظام کی کامیاب تکمیل کا جشن منانے آئے تھے۔ نئے کمیشنڈ افسران اب اپنی پیشہ ورانہ مہارت کو مزید نکھارنے کے لیے مختلف بحری تربیتی اداروں اور ہندوستانی بحریہ کے فرنٹ لائن جہازوں میں جائیں گے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  م ح۔ع ن)

U. No. 7691

(ریلیز آئی ڈی: 2266492) وزیٹر کاؤنٹر : 5