ભારત સરકારના આયુષ મંત્રાલય દ્વારા આયુર્વેદ, સિદ્ધ અને યુનાની (ASU) ચિકિત્સા પદ્ધતિઓ માટે ઇન્ટરનેશનલ ક્લાસિફિકેશન ઓફ હેલ્થ ઇન્ટરવેન્શન્સ (ICHI) અને નેશનલ હેલ્થ ઇન્ટરવેન્શન કોડ્સ (NHIC) ના વિકાસ અંગે 25–26 મે, 2026 ના રોજ ઓનલાઇન માધ્યમથી એક ઉચ્ચ સ્તરીય સમીક્ષા બેઠક અને પરામર્શ ચર્ચાઓનું આયોજન કરવામાં આવ્યું હતું.

આયુષ મંત્રાલય અને વર્લ્ડ હેલ્થ ઓર્ગેનાઇઝેશન (WHO) વચ્ચે થયેલા ઐતિહાસિક સમજૂતી કરાર (MoU) અને દાતા કરાર (ડોનર એગ્રીમેન્ટ) ને અનુસરીને, આ પહેલનો ઉદ્દેશ્ય પરંપરાગત ચિકિત્સા પદ્ધતિઓના હસ્તક્ષેપોને WHO ના ICHI માળખામાં સંકલિત કરવાનો છે. તેનો હેતુ ASU ક્લિનિકલ હસ્તક્ષેપો માટે વૈશ્વિક સ્તરે પ્રમાણિત અને વૈજ્ઞાનિક રીતે મજબૂત કોડિંગ શબ્દાવલી વિકસાવવાનો છે, જેથી સરહદ પાર ડેટાની આપ-લે સક્ષમ બની શકે, ક્લિનિકલ સંશોધનને મજબૂતી મળે અને વીમા સંકલન સહિત વૈશ્વિક આરોગ્ય પ્રણાલીની આંતર-કાર્યક્ષમતા (ઇન્ટરઓપરેબિલિટી) ને સમર્થન આપી શકાય.

આ બેઠકની અધ્યક્ષતા આયુષ મંત્રાલયના સચિવ વૈદ્ય રાજેશ કોટેચાએ કરી હતી, જેમણે આંતરરાષ્ટ્રીય સ્તરે સંરેખિત હસ્તક્ષેપ વર્ગીકરણના વ્યૂહાત્મક મહત્વ પર ભાર મૂક્યો હતો. તેમણે જણાવ્યું હતું કે આ પહેલ પરંપરાગત ચિકિત્સા પદ્ધતિઓને વૈશ્વિક આરોગ્ય પ્રણાલીઓમાં સંકલિત કરવા, દસ્તાવેજીકરણની પદ્ધતિઓને મજબૂત કરવા અને ડિજિટલ આરોગ્ય ઇકોસિસ્ટમમાં આંતર-કાર્યક્ષમતા વધારવામાં નોંધપાત્ર યોગદાન આપશે.

ઉદ્ઘાટન અને તકનીકી સત્રો

ઉદ્ઘાટન સત્રની શરૂઆત સેન્ટ્રલ કાઉન્સિલ ફોર રિસર્ચ ઇન આયુર્વેદિક સાયન્સીસ (CCRAS) ના ડેપ્યુટી ડાયરેક્ટર જનરલ ડૉ. એન. શ્રીકાંતના સ્વાગત પ્રવચનથી થઈ હતી. આયુષ મંત્રાલયના સંયુક્ત સચિવ ડૉ. કવિતા જૈને તેમના પ્રારંભિક પ્રવચનમાં પુરાવા-આધારિત પરંપરાગત ચિકિત્સા પદ્ધતિઓને મજબૂત કરવા માટે પ્રમાણિત હસ્તક્ષેપ પરિભાષાના મહત્વ પર પ્રકાશ પાડ્યો હતો.

ત્યારબાદ વર્લ્ડ હેલ્થ ઓર્ગેનાઇઝેશનના પ્રતિનિધિઓ દ્વારા સંબોધન કરવામાં આવ્યું હતું, જેમાં WHO દક્ષિણ-પૂર્વ એશિયા પ્રાદેશિક કચેરી (SEARO) ના ટેકનિકલ ઓફિસર ડૉ. પવન ગોદતવાર અને GTMC જામનગરના યુનિટ હેડ ડૉ. ગીતા ક્રિષ્નન સામેલ હતા.

સંબંધિત સંશોધન પરિષદો દ્વારા ચાર-સ્તરીય શ્રેણીબદ્ધ કોડિંગ ડિરેક્ટરીઓ પર વિગતવાર ટેકનિકલ પ્રસ્તુતિઓ કરવામાં આવી હતી:

· આયુર્વેદ (NHICA): પ્રો. વૈદ્ય રવિનારાયણ આચાર્ય, ડાયરેક્ટર જનરલ, CCRAS દ્વારા પ્રસ્તુત

· સિદ્ધા (NHICS): પ્રો. ડૉ. એન. જે. મુથુકુમાર, ડાયરેક્ટર જનરલ, CCRS દ્વારા પ્રસ્તુત

· યુનાની (NHICUM): ડો. એન. ઝહીર અહેમદ, ડાયરેક્ટર જનરલ, CCRUM દ્વારા પ્રસ્તુત

WHO ડેટા સ્ટાન્ડર્ડ્સ એન્ડ ઇન્ફોર્મેટિક્સ ટીમના આંતરરાષ્ટ્રીય નિષ્ણાતો, જેમાં WHO ના ટેકનિકલ ઓફિસર ડૉ. નેનાદ કોસ્ટાનજસેક સામેલ હતા, તેમણે વૈશ્વિક આરોગ્ય ઇન્ફોર્મેટિક્સ ધોરણો સાથે ASU હસ્તક્ષેપ વર્ગીકરણને સંરેખિત કરવા માટેના ભવિષ્યના રોડમેપ અને તકનીકી આવશ્યકતાઓ પર ચર્ચા-વિચારણા કરી હતી.

આ બે-દિવસીય બેઠકમાં આયુર્વેદ, સિદ્ધ અને યુનાની પદ્ધતિઓ માટે અલગ-અલગ બ્રેકઆઉટ સત્રોનો પણ સમાવેશ કરવામાં આવ્યો હતો, જેમાં ડ્રાફ્ટ ડોક્યુમેન્ટ્સ પર વિગતવાર તકનીકી સમીક્ષા, ચકાસણી અને નિષ્ણાતોની સલાહ-સૂચનોને સરળ બનાવવામાં આવ્યા હતા. ત્રણેય સંશોધન પરિષદોના અંદાજે 30 વૈજ્ઞાનિકો, તેમજ ITRA, AIIA, NIUM જેવી વિવિધ આયુષ રાષ્ટ્રીય સંસ્થાઓ અને અન્ય પ્રતિષ્ઠિત સંસ્થાઓના ફેકલ્ટી સભ્યોએ આ ચર્ચા-વિચારણામાં ભાગ લીધો હતો.

આ અંતિમ આખરી ઓપ અપાયેલું માળખું જુલાઈ 2026 માં યોજાનારી આગામી WHO-ICHI ASU આલ્ફા ડ્રાફ્ટ એડિટોરિયલ વર્કશોપ માટેનો આધાર બનશે.

અંતિમ સ્વરૂપ આપવામાં આવેલ માળખું જુલાઈ 2026માં યોજાનારી આગામી WHO-ICHI ASU આલ્ફા ડ્રાફ્ટ એડિટોરિયલ વર્કશોપ માટે આધાર બનશે.

 

SM/BS/JD

(રીલીઝ આઈડી: 2265875) મુલાકાતી સંખ્યા : 5