زراعت اور کسانوں کی فلاح و بہبود کے مرکزی وزیر مملکت جناب رام ناتھ ٹھاکر نے آج لوک سبھا میں ایک تحریری جواب میں بتایا کہ زرعی  انفراسٹرکچر فنڈ (اے آئی ایف) کٹائی کے بعد کے مینجمنٹ انفراسٹرکچر اور کمیونٹی فارمنگ کے اثاثوں کی ترقی کے لیے درمیانی اور طویل مدتی قرض سے متعلق مالیات فراہم کرنے کی مرکزی سیکٹر کی ایک اسکیم ہے۔ یہ اسکیم زرعی لاجسٹکس کو مضبوط بنانے، کٹائی کے بعد ہونے والے نقصانات کو کم کرنے، جدید اسٹوریج، پروسیسنگ اور ویلیو ایڈیشن (قدر میں اضافہ) کی سہولیات کو فروغ دینے اور موثر سپلائی چین کے لیے فارم گیٹ کی سطح پر انفراسٹرکچر کو بہتر بنانے پر توجہ مرکوز کرتی ہے۔ اس اسکیم کے تحت، بینک اور مالیاتی ادارے حکومت ہند کی طرف سے سالانہ 3 فیصد سود کی رعایت کے ساتھ قرض فراہم کرتے ہیں۔ 2 کروڑ روپے تک کے قرضوں کے لیے کریڈٹ گارنٹی کوریج کو کریڈٹ گارنٹی فنڈ ٹرسٹ فار مائیکرو اینڈ اسمال انٹرپرائزز ( سی جی ٹی ایم ایس ای) اور  این اے بی ایس سنرکشن  کے تحت بھی مدد دی جاتی ہے۔ جولائی 2020 میں اس اسکیم کے آغاز سے لے کر 26 جنوری 2026 تک، اے آئی ایف  کے تحت 150431 پروجیکٹوں کے لیے 80224.15 کروڑ روپے کی قرض کی رقم منظور کی گئی ہے، جس سے 127508 کروڑ روپے کی سرمایہ کاری حاصل ہوئی ہے۔

گرڈ سے منسلک زرعی پمپوں اور اسٹینڈ الون سولر پمپنگ سسٹمز کوشمسی توانائی سے منسلک کرنے کے لیے پردھان منتری - کسان ارجا سرکشا ایوم اتھان مہاابھیان (پی ایم- کُسم) کے اجزاء بی اور سی کو ستمبر 2020 میں کنورجنٹ موڈ میں اے آئی ایف کے فوائد حاصل کرنے کے لیے اہل اثاثوں کے طور پر شامل کیا گیا تھا۔ قرض کے جزو کو وہاں یکجا کیا جا سکتا ہے جہاں سیلف ہیلپ گروپس (ایس ایچ جی)، جوائنٹ لائیبلٹی گروپس (جے ایل جی)، واٹر یوزر ایسوسی ایشنز، کوآپریٹیو، یا اسی طرح کے دیگر اداروں کے طور پر منظم کسانوں کے گروپ اے آئی ایف  کے تحت اہل ایسی سہولیات تیار کرتے ہیں۔ ستمبر سے 26 جنوری 2026 تک، اجزاء  بی اور سی کے لیے 921 پروجیکٹوں کے لیے 29.20 کروڑ روپے کی قرض کی رقم منظور کی گئی ہے۔

۔۔۔۔۔۔۔۔۔۔۔

ش ح۔م م ع۔ن م۔

U- 7607

 

(रिलीज़ आईडी: 2265764) आगंतुक पटल : 33