অৱাং-নোংপোক লমদম অমসুং রাজস্থানগী ময়েক লারবা তেক্সতাইল হেরিতেজকী মরক্তা শেন্মিৎলোনগী মরী হেনগৎহন্নবা মরুওইবা খোংথাং অমা ওইনা, অৱাং-নোংপোক লমদমগী দিবেলপমেন্ত মন্ত্রালয় (DoNER)গী সেক্রেতরী, শ্রী সঞ্জয় জাজু, কোতাগী দিস্ত্রিক্ত কলেক্তর, শ্রী পিয়ুশ সামারিয়া অমসুং অৱাং-নোংপোক লমদমগী হেন্দিক্রাফ্স অমসুং হেন্দলুমস দিবেলপমেন্ত কোর্পোরেসন (NEHHDC)গী মীহুৎ ওইরিবা শ্রী মারা কোচোনা 2026গী মে 17দা কোতাগী কৈথুন কম্মন ফেসিলিতী সেন্তর (CFC)দা চৎখি।

খোঙচৎ অদুগী পান্দমদি এরি সিল্ক - অৱাং-নোংপোক লমদমগী মমল য়াম্লবা, শান্তিগী সিল্ক অমা - অসি কৈথুনদা চৎনবীগী মতুং ইন্না শাজবা মালেমদা মমিং চৎলবা কোতা দোরিয়া ফেব্রিক্কা পুনশিন্নবগী ওইথোকপা য়াবশিং নৈনবনি। প্রোপোজ তৌরিবা ফ্যুজন অসিনা দোমেস্তিক অমসুং ইন্তর্নেস্নেল অনিমক্তা প্রিমিয়ম মার্কেত পোজিসনিং তৌনবা পান্দম থমদুনা কোতা দোরিয়াগী মওং-মতৌগা মান্নবা মওং-মতৌগা লোয়ননা এরি সিল্ককী য়াম্না মোল্লবা, য়াম্না ফজরবা তেক্সচরবু অমত্তা ওইনা পুনশিন্নবা মশক থোকপা, প্রিমিয়ম-গ্রেদ তেক্সতাইল অমা পুথোক্নবা পান্দম থম্লি।

লোক সভাগী স্পিকরগা লোয়ননা অৱাংবা থাক্কী মীফম পাংথোকখ্রে

খোঙচৎ অদুগী মনুংদা মীহুৎ কাংবু অসিনা লোক সভাগী স্পীকর, শ্রী ওম বির্লাগা কোতাদা লৈবা মহাক্কী ময়ুমদা উনখি। কোতাগী খনগৎলবা ফেশন দিজাইনরশিংগা লোয়ননা তীম অসিনা স্পীকরদা ইন্নোবেতিব তেক্সতাইল ফ্যুজন প্রোপোজেল অমসুং মালেমগী থাক্তা ভারতকী হেন্দলুম এক্সপোর্ত হেনগৎহন্দুনা লম অনিমক্কী আর্তিসানশিংগীদমক অনৌবা পুন্সি মহিংগী খুদোংচাবশিং ফংহন্নবা মসিগী পোতেন্সিয়েলগী মতাংদা খঙহনখি।

হোরাইজন্দা ফোর্মেল MoU

ইনিসিয়েতিব অসি NEHHDC অমসুং রাজস্থান সরকারগী দিস্ত্রিক্ত ইন্দস্ত্রীজ সেন্তর (DIC)গী মরক্তা মেমোরেন্দম ওফ অন্দর্স্তেন্দিং (MoU) অমগী খুত্থাংদা ফোর্মেল ওইগনি হায়না পানরি। MoU অসিনা জোইন্ত দিজাইন দিবেলপমেন্ত, আর্তিসান ত্রেনিং অমসুং মার্কেত লিঙ্কেজ সপোর্ত য়াওনা কোলাবোরেসনগী ইন্সতিত্যুস্নেল ফ্রেমৱার্ক শেমগনি।

ইনিসিয়েতিব অসিগী মরুওইবা

এরি সিল্ক অসি নুংশি চান্নবা, শাফবা অমসুং ইথিক ওইবা মওংদা পুথোকপদা মমিং চৎলি। মসি অৱাং নোংপোক লমদমগী মরুওইবা পোৎলম অমনি। কোতা দোরিয়াগা পুন্সিনবা  -  GI-তেগ তৌরবা ফ্যাব্রিক অসি মসিগী তোপ তোপ্পা চেক পেতর্নশিং অমসুং শ্বর হোনবা ঙম্বগীদমক শকখঙনরি  -  অসি হেরিতেজ অমসুং মতমগা চুনবা ফ্যাশন সেন্সিতিভিতি অনিমক্তা ৱা ঙাংলিবা অমত্তা ঙাইরবা ফ্যাব্রিক অমা পুথোক্কনি হায়না পানরি।

ইকাই খুম্নরবা প্রধান মন্ত্রীগী ভিজনগা চুনবা

মসিগী অনৌবা খোংথাং অসি ইকাইখুম্নরবা প্রধান মন্ত্রী, শ্রী নরেন্দ্র মোদীগী ত্রান্সফোর্মেতিব 5F ভিজন - ফার্ম তু ফাইবর, ফাইবর তু ফেব্রিক, ফেব্রিক তু ফেশন, ফেশন তু ফোরেনগী হকথেংননা মওং ওই - মসিনা ইন্তিগ্রেতেদ, এন্দ তু এন্দ ভেল্যু চেন অমা শেমগৎলগনি, মসিনা ভারতকী লৌমীশিং অমসুং আর্তিসানশিংবু মালেমগী কৈথেলগা শম্নহল্লগনি। অৱাং-নোংপোক্কী ফার্মশিং অমসুং উমংশিংদগী এরি সিল্ক পুথোক্তুনা অমসুং মালেমদা এক্সপোর্ত তৌনবগীদমক কাইথুনদা প্রিমিয়াম ফেশন ফেব্রিক অমদা ওন্থোক্তুনা, মসিগী কোলাবোরেসন অসিনা 5F কন্তিন্যুম পুম্নমক কোনশিল্লি।

মসিগী অনৌবা খোঙথাং অসিনা মেক ইন ইন্দিয়া মিসনগা মপাঙ্গল কন্না শম্নহল্লি। মসিনা লমদমসিগী শিন্মীশিংবু শৌগৎলি, লমদমসিগী মেন্যুফেকচরিংবু হেনগৎহল্লি অমসুং মালেমগী থাক্তা ভারতকী হেন্দলুম সেক্তরবু কম্পিতিতিব ফোর্স অমা ওইহল্লি। অৱাং নোংপোক লমদমগী এরি সিল্ক অমসুং রাজস্থানগী কোতা দোরিয়া হায়রিবা তোঙান- তোঙানবা লমদমগী তেক্সতাইলগী চৎনবী অনি অসি পুনশিনবা অসিনা মোদর্ন, প্রিমিয়ম মার্কেতশিংগীদমক শীজিন্নরিবা ভারতকী মরাং কায়রবা অমসুং তোঙান-তোঙানবা তেক্সতাইল হেরিতেজ অদুগী খুদম অমনি।

মসিগী খোঙথাং অসিনা ভারত সরকারগী “এক ভারত, শ্রেস্থ ভারত”কী মীৎয়েংগা লোয়ননা চৎনবীগী লিপুন হেনগৎহন্দুনা লমদম শিনবা থুংনা ৱিভরশিং অমসুং আর্তিসানশিংগী শেন্মিৎলোনগী মপাঙ্গল কনখৎহল্লগনি।

***

(রিলিজ আই.দি.: 2265498) ভিজিতর কাউন্তর : 6