حکومتِ اسپین کی وزارتِ سائنس، جدت طرازی اور جامعات کی سیکریٹری جنرل، ڈاکٹر ایوا اورٹیگا پینو کی قیادت میں ایک اعلیٰ سطحی وفد نے آج یہاں کرتویہ بھون میں سائنس اینڈ ٹیکنالوجی اور ارتھ سائنسز کے مرکزی وزیرِ مملکت (آزادانہ چارج) اور پی ایم او، پرسنل، عوامی شکایات، پنشنز، جوہری توانائی اور خلا کے وزیرِ مملکت ڈاکٹر جتیندر سنگھ سے ملاقات کی۔ آج ہونے والی اس اعلیٰ سطحی گفت و شنید کا بنیادی مرکز ایسٹرو فزکس میں تعاون کے ساتھ ساتھ ابھرتی ہوئی ٹیکنالوجیز، انڈسٹریل ریسرچ، انوویشن پر مبنی شراکت داریوں اور ایسٹرو فزکس پر خصوصی توجہ کے ساتھ سائنس، ٹیکنالوجی اور انوویشن کے شعبے میں بھارت اور اسپین کے درمیان تعاون کو مضبوط بنانا تھا۔

یہ میٹنگ بھارت اور اسپین کے درمیان سائنسی روابط میں بڑھتی ہوئی سرگرمی اور مستقبل کے ٹیکنالوجی پر مبنی شعبوں میں تعاون کو گہرا کرنے کے لیے دونوں ممالک کے مشترکہ عزم کی عکاس تھی۔ اس گفت و شنید میں سرکلر اکانومی، ڈیجیٹل ٹرانسفارمیشن، آرٹیفیشل انٹیلیجنس، ایڈوانسڈ میٹریلز، ڈیجیٹل ہیلتھ، میڈیکل ڈیوائسز، بائیو ٹیکنالوجی، اسپیس سائنسز اور انڈسٹریل انوویشن جیسے شعبوں کا احاطہ کیا گیا۔

اسپینی وفد کی قیادت اسپین کی وزارتِ سائنس، جدت طرازی اور جامعات کی سیکریٹری جنرل ڈاکٹر ایوا اورٹیگا پینو کر رہی تھیں۔ وفد میں سینٹر فار ٹیکنالوجیکل ڈیولپمنٹ اینڈ انوویشن (سی ڈی ٹی آئی) کے ڈائریکٹر جنرل ڈاکٹر ہوزے موئسس مارٹن بھی شامل تھے۔ بھارت سرکار کی منسٹری آف سائنس اینڈ ٹیکنالوجی کے ڈپارٹمنٹ آف سائنس اینڈ ٹیکنالوجی (ڈی ایس ٹی) اور اس سے وابستہ سائنسی اداروں کے سینئر حکام اور سائنسدانوں نے بھی اس میٹنگ میں شرکت کی۔

ڈاکٹر جتیندر سنگھ نے انڈسٹریل آر اینڈ ڈی میں بھارت-اسپین کی دہائیوں کو محیط شراکت داری کو سراہا اور کہا کہ دو طرفہ سائنس اور ٹیکنالوجی کے روابط اب بتدریج کئی جدید ترین (کٹنگ ایج) ڈومینز تک پھیل چکے ہیں۔ انھوں نے اس بات پر اطمینان کا اظہار کیا کہ دونوں ممالک کے درمیان اشتراکی پروگراموں نے نتیجہ خیز ریسرچ کے نتائج اور کمرشل لحاظ سے متعلقہ ٹیکنالوجیز کو جنم دیا ہے، جس سے دونوں جانب کی انڈسٹریز اور انوویشن ایکو سسٹمز مستفید ہو رہے ہیں۔

منسٹر نے بھارت-اسپین اشتراکی فریم ورک کے تحت انڈسٹریز، اسٹارٹ اپس، انوویٹرز اور ریسرچ اداروں کی بڑھتی ہوئی شرکت کا خیرمقدم کیا اور کہا کہ اس شراکت داری نے ٹیکنالوجی ڈیولپمنٹ، انوویشن پر مبنی ترقی اور سائنسی پیش رفت کے لیے نئے مواقع پیدا کیے ہیں۔

گفت و شنید کے دوران، دونوں فریقین نے جاری تعاون کے میکانزم کا جائزہ لیا اور ادارہ جاتی روابط، انڈسٹری کی شرکت اور محققین کے باہمی اشتراک کو مزید مضبوط بنانے کے طریقوں پر غور کیا۔ میٹنگ میں ایسٹرو فزکس اور باہمی دلچسپی کے دیگر میگا سائنس اقدامات میں تعاون کو وسعت دینے پر بھی تبادلہ خیال کیا گیا۔

بھارت اور اسپین نے تعلیمی اداروں، سائنسی تنظیموں اور انڈسٹریز کے درمیان زیادہ سے زیادہ ہم آہنگی کی حوصلہ افزائی کرتے ہوئے بائیو میڈیکل سائنسز، آنکولوجی ریسرچ، بائیو ٹیکنالوجی اور انوویشن نیٹ ورکس میں تعاون کو فروغ دینے پر بھی تبادلہ خیال کیا۔

دونوں فریقوں نے اس بات کو تسلیم کیا کہ سائنس اور ٹیکنالوجی کے شعبے میں بھارت-اسپین تعاون گذشتہ دو دہائیوں کے دوران نمایاں طور پر پروان چڑھا ہے اور ابھرتی ہوئی عالمی سائنسی ترجیحات اور تکنیکی تبدیلیوں کے ساتھ ہم آہنگ نئے موضوعاتی شعبوں کو تلاش کرنے پر اتفاق کیا۔

اس میٹنگ نے سائنس، ٹیکنالوجی اور انوویشن میں دو طرفہ تعاون کو مزید گہرا کرنے اور آنے والے سالوں میں ریسرچ، انڈسٹریل ڈیولپمنٹ اور نالج شیئرنگ کے لیے مضبوط شراکت داریاں استوار کرنے کے لیے بھارت اور اسپین کے عزم کا اعادہ کیا۔

***

(ش ح – ع ا)

U. No. 7524

 

(ریلیز آئی ڈی: 2265155) وزیٹر کاؤنٹر : 7